رد: survey :- ايه انسب عربية في مصر
السلام عليكم ورحمة الله
شكرا للجميع على مشاركاتهم لإثراء الموضوع .... لكن أنا بأتساءل إيه الهدف من الإستفتاء ؟؟ وهل تم تحقيق هذا الهدف؟ فكرة عمل مثل هذا إستفتاء ممتازة لكن لازم كان يتعمل وينطرح الموضوع من الأول بشكل من الإحترافية والمنهجية علشان تكون النتيجة النهائية أقرب ماتكون للصواب ومعبرة عن الحقيقة يعني قصدي لازم : أولاً: تتحدد درجات وفئات للعربيات مثلاُ تحديد نطاق للسعر (من 90 ألف إلى 110 ألف) وغيرذلك كمان. كما يجب أن نعرف هل بنتكلم عن سيارات جديدة فقط أم سيارات مستعملة كمان تدخل معانا في التصويت (بيجو 504 ومرسيدس قديمة ...) ثانياً: المعايير التي يتم التصويت عليها ، مثل: جودة العفشة - استهلاك البنزين - قطع الغيار - خدمة الوكيل - سعر مابعد البيع.... إلخ ،. وبعد الإتفاق على المعايير يتم تحديد درجة لكل معيار من 1 إلى 5 مثلاً وفي النهاية يتم تجميع هذه الدرجات لتحديد النتيجة النهائية وهي تكون السيارة الأنسب لمصر لفئة سعر ودرجة معينة أنا عارف إن ترتيب مثل هذا الإستفتاء سيحتاج شوية وقت ومجهود وأنا على إستعداد لمساعدة صاحب الفكرة الأساسية في ذلك حسب توجيه إدارة الموقع ، علما بأنني ليس لي أي خبرة عن السوق المصري للسيارات لأني مقيم خارج مصر مع خالص تحياتي |
رد: survey :- ايه انسب عربية في مصر
اهلا بيك يا استاذ اسامه ...
هو الهدف من الموضوع إن كل واحد يقول إيه اكتر عربيه شايفها مناسبه لمصر من وجهه نظره الشخصيه ... يعني ممكن نقول أنه مقياس للشعبيه ... في بدايه الموضوع أنا كنت بجمع الاصوات ... لكن متوقعتش الاستمراريه الطويله وحجم المشاركات ... وبالتالي الموضوع خرج عن نطاق الاستفتاء او الاحصاء الي نطاق تسجيل كل عضو لرأيه دون أي محددات سواء سعريه او سعه لتريه او تصنيف او موديل ... فكره حضرتك عظيمه ... وطبعا حتكون افضل انه يتعمل بيها موضوع جديد منفصل يقوم على اسس منهجيه و تصنيف العربيات لفئات تبعا لمفهوم الشارع المصري ... وممكن كمان يكون في موضوع للجديد وموضوع للمستعمل ... بحيث يكونو عنصر مساعد لأي حد بيفكر يشتري عربيه جديده او مستعمله ... وعلى استعداد اني اساعد حضرتك في الموضوع الجديد ... واعتقد ان اغلب الاخوه من الاشراف والاعضاء مش حيبخلو بأي مساعده مطلوبه ... خصوصا لو فكرت تعمل حصر وتصنيف للعربيات في السوق المصري.. واهلا بيك معانا في مصر موتورز |
رد: survey :- ايه انسب عربية في مصر
اقتباس:
أشكر لك سرعة الرد والتوضيح ، أنا معاك إن الأفضل يتعمل موضوع جديد تكون فكرته من المشاركة السابقة لي (رقم 120) بحيث يتبناه أحد الزملاء المميزين في هذا المنتدى الرائع ، لكن أرجو قبول إعتذاري عن أكون أنا المسئول عنه لأني كما أوضحت ليس لدي فكرة عن سوق السيارات في مصر لأنني لست مقيما في مصر منذ فترة ، وكمان أنا جديد على المنتديات بشكل عام لكن ممكن أساعد بالشكل الذي تراه الإدارة |
رد: survey :- ايه انسب عربية في مصر
افضل سيارة فى مصر هى الاسكودا
|
رد: survey :- ايه انسب عربية في مصر
السلام عليكم
انتوا بجد حيرتونى كلكوا بس اللى اقدر اقول عليه انها عربيه الشعب المصرى والمتميزه اوى مع الطبقه الشعبيه فى بيعها وشرائها وقطع غيارها هى اللانوس اما العرية الأكثر رغبه بين الشباب فهى اللانسر الكريستاله اعتقد انها تستحق اكثر من الكلام اللى قولنا كلنا قبل كده انا عن نفسى بعشقها حتى عن الشكل الجديد ليها بتاع 2004 |
رد: survey :- ايه انسب عربية في مصر
الاستاذ sam ram
انا احيك على روح الرد اللى انت رديت بيها على الأستاذ اسامه وانا بشكرةعلى الفكره اللى قالها ويا ريت نحاول ننفذها وانا مستعد اساعد من ناحيتى باللى اقدر عليه بس ياريت تقولى ممكن اساعد ازاى وانا تحت الطلب |
رد: survey :- ايه انسب عربية في مصر
يا جماعة انا عايز اعرف رأيكم فى اسبرانزا a113
|
الساعة الآن 08:30 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017