مصر موتورز مجتمع السيارات - السيارات الجديده في مصر

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - السيارات الجديده في مصر (https://www.masrmotors.com/vb/showthread.php?t=13469)

رد: السيارات الجديده في مصر

اقتباس:

المشاركة الأصلية كتبت بواسطة claymore_2013 (المشاركة 85798)

النيواكسنت الاتوماتيك ظروفها اية شغالة كويس ولا سحبها وادائها ميشجعش
لاني ملاحظ انها انتشرت اوي اكتر من المانيوال

بص يا باشا
النيو اكسنت ممتازه من كله في ماعدا شكلها المعوق ههههههههه و اسعار قطع غيارها الناااااااااااااااااار و انتشارها كتاكسي
لو حضرتك مش فارقه معاك الشكل و لا فارقه اسعار قطع الغيار يبقي توكل علي الله
اما موضوع الاوتوماتيك مكنليش شرف قيادتها بس انا هقول لحضرتك علي حاجتين
اول حاجه
المحرك 121 حصان علي جسم خفيف يعني العربيه بتطير من علي الارض مما يعني فرامل مش كويسه فمينفعش تجري بيها خالص و خلي بالك ( رينا يستر علينا جميعا )
تاني حاجه
السحب هيبقي مش كويس في الاوتوماتيك و خصوصا في الكوري و طبعا حرق بنزين
ارجو ان اكون قد افدتك و لا تنسي صلاه الاستخاره

رد: السيارات الجديده في مصر

اقتباس:

المشاركة الأصلية كتبت بواسطة نبيل عبدالرحمن (المشاركة 85828)

اللى سأل عن الماتريكس أنا جربتها وهى للأسف مع ارتفاعها لكن أول مايركب فيها 3 على الكنبة تجدها تكاد تلمس الأرض

حضرتك ركبت موديل 2010 و لا انهي موديل عشان انا مجربتهاش قبل كده
فكنت عايز اعرف عشان ساعات بنصح الناس بشراها فلو العربيه بتهبط اوي كده اقول بقي للناس علي العيب ده و ارجو انك مكنش بتبالغ ( انا زيك بدقق في الصغيره و الكبيره )
و انت كده نورتي بجد و ميرسي علي نصيحتك و انا في الخدمه اي وقت

رد: السيارات الجديده في مصر

فين الاسئله يا جماعه

رد: السيارات الجديده في مصر

في الاسئله يا جماعه ؟؟؟؟؟؟؟؟؟؟؟
انا بجد كده زعلان هههههههههههه

رد: السيارات الجديده في مصر

ممكن استفسر عن الهيونداي ماتركس 2010 هل العيب اللي انت ذكرتة موجود فيها ام لا
ثانيا مواصفات السيارة والاضافات الجديدة على موديل 2010

رد: السيارات الجديده في مصر

اقتباس:

المشاركة الأصلية كتبت بواسطة رجب عبدالعزيز احمد (المشاركة 86403)

اولا اهلا و سهلا بحضرتك في مصر موتورز
الاستاذ نبيل بيقول ان الكنبه الخلفيه في الماتريكس بتنزل او ما 3 اشخاص يركبوا فيها و انا لسه متاكدتش من الموضوع ده بنفسي بس اكيد الاستاذ نبيل مش هيدعي حاجه علي العربيه مش موجوده فيها بس ممكن انا لما اجربها و اخلي 3 راكبين ورا محسش ان العربيه نزلت لان الموضوعات اللي زي دي موضوعات نسبيه بحته

بالنسبه للتغييرات
تغيير في شكل الفوانيس و الطاسات و لكن كل حاجه زي ما هي زي موديل 2009
المانيوال فول اوبشن ب 86000 جنيه
الاوتوماتيك فول اوبشن ب 93000 جنيه ( بس السحب مش كويس و استهلاك بنزين كتيييييييييير )

اما مواصفات السياره
محرك 1600 سي سي 104 حصان 2 كامه علويه 16 صباب ( و ده محرك الفيرنا )
قطع غيار متوافره و باسعار معقوله و صيانه سهله
التوكيل جي بي اوتو ( رؤوف غبور )
الضمان 100000 كيلو متر او 3 سنوات ضد عيوب الصناعه
الكماليات : تكييف و باور و وحده رفع الزجاج و سنتر لوك و سي دي بلاير و تغيير وضع الطاره و عداد ار بي ام و حامل اكواب و فتح التانك و الشنطه من الداخل و زجاج معتم )
و ارجو ان اكون قد افدتك و لا تنسي صلاه الاستخاره

رد: السيارات الجديده في مصر

أولآ مشكور على المجهود الاكثر من رائع
ثانيا اريد ان اعرف الافضل من بين
_هيوناى ماتريكس
_كيا كارينز
_نيسان ليفينا
ولك جزيل الشكر