![]() |
|
رد: سال وهتلاقى المتخصص الى هيجاوبك عن سوالك فى بيجــو
اقتباس:
العربية ماشية كويس .. و بتشد زي الفل .. المهم إن الواحد يجمد قلبه و ما يحسسش على دواسة البنزين .. أصلي كنت خايف لحسن دوسة البنزين بقوة أثناء ظهور مشكلة Automatic Gear Fault يسبب مشاكل كبيرة ف العربية لكن .. أخيراً .. و مضطراً ... بقيت بدوس على البنزين عادي خالص و تناسيت المشكلة .. داه لأني مشواري للشغل على الطريق السريع و زهقت من المشي ببطئ .. دلوقتي بمشي على 100 كم/ساعة .. صحيح الأر بي إم بيكون وقتها على 3500 دورة ... و لما بزود السرعة إلى 110 أو 115 بيزيد الأر بي إم إلى حوالي 4200 دورة .. و مش بعرف أجيب سرعة أكتر من كده (يمكن خوف مني على العربية) لأني بعد سرعة 110 بسمع صوت كركبة تحت كرسي السواق فبخاف لحسن زيادة السرعة تسبب مشاكل أثناء بسبب مشكلة الفتيس .. الحقيقة انشغلت عن الذهاب للوكيل .. و كمان شجعني إني بقيت بمشي عادي بدون خوف و المشكلة حاصلة .. و مش باديها اهتمام كبير ..مش عارف مدى تأثير ذلك على العربية .. المعلومة الأخيرة هو إن درجة الحرارة بتثبت عند 90 درجة بعد بداية المشي بالسيارة بدقائق و مش بتزيد .. و الحمد لله .. |
رد: سال وهتلاقى المتخصص الى هيجاوبك عن سوالك فى بيجــو
اقتباس:
|
بخصوص بيجو 205 وتعليتها
بشمهندس هيثم انا كنت عايز اعلى العربيه بتاعتى بيجو 205 موديل 1984 متعدله كلها 90 وروحت للعفشجى قالى لازم تروح لميكانيكى بيجو علشان العربيه دى لها نظام خاص بيها مفيهاش سوست على عمود عزم مع المساعدين كنت عايزاعرف راى حضرتك ايه فى الموضوع ده وكلامه صحيح فعلا وكاوتشة الدركسيون مقطعوه من فوق قطعه صغير يبقى لازم اغير الكاوتشه وبالتالى ايضاً اغير كله ولا مش لازم انتظر لما يكون قطع كبير وجامد حسب مقالى برضه المكيانيكى اللى بتعامل معاه وايد كلام العفشجى بالنسبه لموضوع التعليه
وسبب التعليه انه العربيه لما باحمل عدد ورا يعنى اكثر من اثنين بتحك من وراء حاجه بسيطه يعنى سوؤال تانى معلش حاتعبك معايا نور التابلوه فى لمبه منهم مش بتنوروانا خايف لانى روحت لاثنين كهربائيه وحسيت انهم عمرهمه مافكوا تابلوه بيجو زى ده قبل كده فقولتهم سيبوه بدل ماييبوظ التابلوه فهل افضل اوديها لبتاع عدادات سؤال اخير بقه علشان خاطرى انا كنات العربيه بتديب مياه من عند الدواسه كده يعنى من الراديتر لانه انا باستعمل مياه خضراء فعرفت من كده قالوا لى انه ده السخن وعلشان نفك ونبهدل الدنيا ممكن نلغ السخن ده ونوصل الماسورتين ببعض فهل اللى حصل ده صح وهل ممكن يأثر على سخونية العربيه ولا لأ واعذرنى على اطالة الاسئلة استغلال بقه تعمل ايه طمع مابعد الثوره وشاكر ليك جدا مقدماً بس متتأخرش عليا |
رد: سال وهتلاقى المتخصص الى هيجاوبك عن سوالك فى بيجــو
اقتباس:
كمان اكتشفت إن صاحبها الاصلي لم يقم بالكشف عليها و لا مرة عند (بالبيد) .. يعني دفتر الضمان أو دفتر الكشف مكتوب فيها إن العربية لازم يتكشف عليها بعد (10000 كيلومتر) و بعد (30000 كيلومتر) .....إلخ مش فاكر .. المهم إن الدفتر نضيف زي الفل .. و صاحب السيارة الأصلي لم يكشف عليها و لا مرة عند الوكيل السابق (بالبيد) .. فمش عارف إيه وضع الضمان و هل أروح (بالبيد) و لا أروح (المتوكل) و هل فيه فايدة للدفتر داه و للرقم التسلسلي اللي مكتوب فيه .. و لا إيه النظام ؟ لأني بصراحة ابتديت احب العربية دي .. شيك و جميلة .. (الأسد الفرنسي يرتدي ثياب الفخامة) و شكلي أهه ابتديت اكتب فيها شعر :playing_music: بس يا رب التوكيل ميطلعش غالي .. و إلا حيبقى صعب تصليح كل العيوب و حكتفي بالضروري فقط .. فيه حاجة (بس من غير تريقة أرجوكم) .. مش عارف افتح غطاء المحرك ..!! هو بيتفتح منين؟ و خدوا دي شموها :GROWIN~12:. |
رد: سال وهتلاقى المتخصص الى هيجاوبك عن سوالك فى بيجــو
يا جماعة حبيت أقول على معلومة جديدة نسيت أقولها عن العربية ..
العربية عاملة 390 ألف خلال الأحد عشر سنة الفائتة من 2000 إلى 2001 يمكن يكون للمعلومة دي قيمة معينة لا يدركها إلا أصحاب الاختصاص .. و تقبلوا ودي و تقديري ..:01FDAB~189:. |
الحقوووووووووووووونى
السلام عليكم
اولا دي اول مشاركه لي فى المنتدى الرائع بتاعكم واحب ان اشكر كل من يشارك فى هذا المنتدى الجميل ثانيا انا عندي مشكله جامده جدااااااااااااااااااااااا ااا هى انى امتلك سياره بيجو 305 والنهاره حصلت حاجه غريبه وانا ماشى بالعربيه الاول العربيه نتشت شويه وبعدين فصلت تماما نزلت ابص على الموتور لقيت الميه ناقصه فى الراديتير مع انى كنت لسه مزودها المهم زودت الميه واقعدت احاول ادورها ما دارتش وبعدين لاحظت ان الشكمان بينزل ميه كثيره جدا ولقيت الراديتير فضى تانى اتصلت بالميكانيكى اللى بتعامل معاه فقالى طيب فك البوجيهات وشوف عليها ميه ولا لا ولما فكيتها لقيت عليها ميه فعلا فقالى ان كده الموتور جاب وش سلندر وهيكلفك حوالى الفين جنيه اذا كان وش سلندر بس وطبعا لما لقيت منتداكم الروعه ده ماصدت وقلت اسال اهل الخبره هل الكلام ده صح وهل بيكلف كدا فعلا وايضا هو قالى ان الموتور الاستيراد هلاقيه بخمسه الاف جنيه على فكره العربيه موديل 79 وهى 1600 سي سى وانا محتاس ومش عارف الكلام ده ايه ولا اشترى وش السلندر ده منين ارجوكم افيدونى على وجه السرعه وجزاكم الله كل خير |
رد: الحقوووووووووووووونى
اقتباس:
ثانيا | طالما عندك مشكلة كدة ممكن يكون مجرد جوان جاكيت الموتور فقط مسرب و ده بيكون سبب دخول مياه التبريد داخل الموتور يعنى العربية بتخلط مياه و زيت لكن لو عندك شرخ فى الموتور أو وش السلندر يبقى تريح نفسك و تشترى موتور استيراد و سعره أكيد أرخص من 5 الاف جنيه انزل الحرفيين أو بورسعيد و اسال اكتر من تاجر و فاصل كويس و شوف لو ممكن توفق لها موتور تانى مش شرط 305 يعنى و ربنا يوفقك و ابقى طمنا عليك |
الساعة الآن 06:32 PM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017