رد: الطريقة الصحيحة لامساك الدركسيون
 

موضوع جميل احييك عليه

أنا أغلب مسكتي للدريكسون بكون حاطط ايدي الاتنين جوة الطارة وساندهم دة على السرعات العالية وعاوز أغير العادة دي ....... هحاول بس لما بمسك التارة بايدي الاتنين بوضع الساعة اليمين 3 والشمال 9 بكون مش بكون مستريح على السرعات العالية

أما فى العادي والزحام والسرعات المنخفضة بغير ماسكة الدريكسيون كل شوية مش فارقة

تحياتي

رد: الطريقة الصحيحة لامساك الدركسيون
 

تسلم ايدك يا استاذ بدر انا عن نفسى لما بجى اسوق بتبقى اليمين على 3 او بالشمال على 9 لكن فى السفر (والله لسه مسفرتش بعربية لما اطلع رخصة ان شاء الله) يعنى انا ممكن استخدم الشمال لوحدها او اليمين لوحدها او ممكن الاتنبن مع بعض

وتسلم كمان مرة ع الموضوع الرائع

رد: الطريقة الصحيحة لامساك الدركسيون
 

بالنسبه لي مسكة الدركسيون جوه البلد وخصوصاً مع العربيات المانيوال "اللي منهم عربيتي" حيث التغيير المستمر للسرعات بين الأول و التاني و التالت بتكون باليد الشمال فقط ومكانها بيبقه عادة قصاد عقرب الساعات عند العاشره بالظبط على الطاره لأن إيدي اليمين بتبقه متحفزه في أغلب الوقت لأنها هتسقط غيار أو هترفع غيار بالفتيس ف بكسل أطلعها تاني في وضع التأهب على الدركسيون، أما على الطرق السريعه ف بما إني خلاص إديت العربيه الرابع و شكل الطريق يوحي بإنه مفتوح ببقه مهتم إني أمسك الدركسيون بإيديا الأتنين لأن منحنيات الطرق السريعه المفتوحه على الرغم من إنها بتبقه شكلها ظاهرياً منحنيات واسعه و سهلة لكنها بتكون خطيره جداً و خصوصاً لو إتوجد مطب أو مطبين هواء في الملف الواسع السهل ده وانا ما أحبش أتسبب في كارثه بسبب مسكه مستهتره للدركسيون

رد: الطريقة الصحيحة لامساك الدركسيون
 

جزاك الله خيرااا و موضوع مهم جدااا ...
بالنسبالي بصراحه 80 % من سواقتي ماسك الدركسيون بالشمال و كمان من فوق الكلاكس من منتصف الطاره , بس لما بابقي خلاص ثابت علي فيار معين و الطريق شغال بامسك بكلتا يدي , ربنا يستر طريقنا جميعا .
:fun_36_3_9[1]: