رد: سيراتو انقلبت والايرباج مفتحش
 

السؤال انت كنت رابط الحزام ؟ وحيات ربي كان ماربوط
السؤال كانت ماشي علي كام ؟ انا سرعتي ما عدتش120_130 وده الي قالو المهندس بعد الحادث
السؤال حدفت مني يمين ولا شمال ؟ انا فديت عربية في اليمين حدفت مني شمال جامد شوية رديت التارة مشيت بالعرض وش العربية كان عكس وبعدها العربية اتقلبت علي اليمين
السؤال العربية كانت خليجي ولا توكيل ؟ العربية كانت خليجي
السؤال الحادثة فين ؟ الحادثة ماكنتش في دخولي اسكندرية كانت في دخولي للقاهرة حولي نص ساعة والمستشفي كانت السادات العام والمحضر واثبات الحالة كان في وادي النوتران
وبعدين انا مش بكدب الي عاوز يسال يتفضل والي مش مصدق خلاص

رد: سيراتو انقلبت والايرباج مفتحش
 

متشكر يافندم وميرسي لذوق حضرتك
معلش انا الي غلطان

رد: سيراتو انقلبت والايرباج مفتحش
 

انا باكرر اعتذارى
و ارجوا من الجميع الاعتذار فورا للسيد depo
حرام عليكو

كان الله فى عونك
ارجوك متركز تانى مع الردود و كمل طريق التحقيقات

رد: سيراتو انقلبت والايرباج مفتحش
 

فى ناس كتير ردت ردود هندسية مقنعه
لازم فى رايى التحقيق يثبت الاتى بترتيب الاولوية :
1- سبب فقد السيطره على السيارة ده اهم حاجة ( هل هو كسر فى جزء من انظمة التعليق و التحكم بالسيارة )
2- لو السيارة بها ايرباج جانبى و مفتحش فدى كارثة

و باكرر رايى الهندسى و راى ناس كتير منهم الاستاذ vortec و الاستاذ الى عرض كتالوج الانسر و راى ناس تانية كتير و رايى ده مبنى على صورة العربية من قدام
ان الاير باج الامامى لو كان فتح يبقى فيه خلل فى النظام و فى بعض الاعطال الى تخلى الايرباج الامامى يفتح بدون G FACTOR مناسب بسبب تصادم امامى ممكن الفتح ده يوئدى الى وفاة الركاب مش حمايتهم ( مثلا لو كانت الرأس قريبة من الايرباج و اتفتح بدون داعى حيكسر الرقبه فورا ) على فكرة سرعة انتفاخ الايرباج 200 ميل/ساعة يعنى 320 كم/س تقريبا فمحدش يتمنى يقابل حاجة بالسرعة دى ( المفروض انها بتفتح و تقف قبل ما منطقة الوجه و الصدر توصل للدركسيون و التابلوه و بتتنفخ فى 25 ملى ثانية (25 على الف من الثانية )و بيبقى فيها اخرام علشان بعد اصطدام الوجه و الصدر بها بيخرج الهواء من الفتحات لتعمل الوسادة على امتصاص الصدمة )
و الحادث الى احنا بنتكلم عليه كان حادث انقلاب جانبى يعنى ال G FACTOR فى الاتجاه الطولى للسيارة كان قيمته لا تكفى لفتح الايرباج الامامى
و اثناء الانقلاب ياخذ جسم الانسان ( المربوط طبعا ) اوضاع متغيره فخطر جدا ان الايرباج الامامى يفتح فى هذه اللحظات علشان ممكن يموت مش يحمى
لكن اثناء الانقلاب الايرباج الجانبى حاسم لازم يفتح لان ال G FACTOR العرضى كافى لتفعيله و بالتالى حماية رؤوس الركاب من الاصطدام بالعوارض الجانبية اثناء الانقلاب

فنرجوا من الاستاذ DEPO استكمال التحقيق الهندسى و موافتنا بالنتائج حتى يطمئن الجميع
و لا نظلم احد سواء سيارة او انسان

رد: سيراتو انقلبت والايرباج مفتحش