مصر موتورز مجتمع السيارات - مسابقة مصر موتورز الكبري

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - مسابقة مصر موتورز الكبري (https://www.masrmotors.com/vb/showthread.php?t=128092)

رد: مسابقة مصر موتورز الكبري

بصراحة الاسئلة صعبة .... و انا مش فاهم حاجة من الاسئلة خالص ...
ومن الواضح جدا ان الواحد متأخر جدا عن التكنولوجيا

رد: مسابقة مصر موتورز الكبري

انا كنت عايز اجاوب وبشوف الاسئله وجاوبت سؤالين وبشوف الباقى حسيت انى جاهل فى عالم السيارات لدرجة انى مش فاهم كلمه هههههههههههههه:shyy: طب الى يجاوب سؤالين من ال5 ينفع ولا لا ؟:thnkr:

رد: مسابقة مصر موتورز الكبري

كلام من القلب بدون زعل
اولا: المسابقة مش هدفها انك تفوز ولا هدفها انك تحل صح - المسابقة هدفها الاول والاساسي المشاركة ثم الاستفادة من المعلومات
ثانيا: لما المسابقة كانت بالانجليزي كان الانجليزي صعب ولما بقت بالعربي بقي العربي صعب
ولو بقت بالروسي هيبقي برده صعب
المسابقة اللي بالانجليزي من كتب بتدرس للفني المستوي المبتدأ في جميع انحاء العالم والمسابقة باللغة العربية من كتاب الصنايع بتاع سنه اولي - انا مش بقول كده للاساءة لا سمح الله - لكن انا بقول ان الاشتراك وبذل المجهود في اي موضوع هو القيمة الحقيقية للانسان
ثالثا : ليه لما احد الاعضاء بيحط مشكلة كلنا بنجري عشان نحلها وليه مش بنشارك في مسابقة زي دي
اقول لكم انا : وبدون زعل لاننا بنعتمد في المشاركات علي الكم وليس الكيف بمعني اصح ان صاحب المشكلة اللي حاولت اساعده مش هخسر حاجة لو غير البوجيهات او غير حساس ومطلعتش المشكلة منه لاننا مش هنخسر حاجة ولان الموضوع ميخسناش - لكن في المسابقة ممكن احل غلط وهنا تكمن المشكلة - ياريت تفهموني صح دا بقي اسلوب نحيا به وليس عن قصد وبدون اي اساءة لاحد لاني احب واحترم كل اعضاء مصر موتورز
ودا حل الاسئلة اللي مفيش ولا واحد حاول المشاركة في حلها
ودا حل الاسئلة .............

رد: مسابقة مصر موتورز الكبري

اقتباس:

المشاركة الأصلية كتبت بواسطة romeoalmansour (المشاركة 968781)

مسابقة هذا الاسبوع وكما وعدت باللغة العربية

اختار الاجابة الصحيحة

احد الفنيين (A) يقول: ان قيمة الضغط الأقصى للخليط تعتمد علي قوة الشرارة المتولدة وفني اخر (B) يقول: ان هذه القيمة تعتمد علي توقيت الشرارة ، اي منهما الاصح
A- الفني (A) فقط
B- الفني (B) فقط
C- كلاهما (A) و (B) صحيحان
D- ليس (A) ولا (B) صحيحين

احد الفنيين (A) يقول: ان التحكم في نظامي الاشعال وحقن الوقود يعتمد علي كمية الوقود فقط، وفني اخر (B) يقول: انه يعتمد علي توقيت الاشعال وزاوية السكون بجانب كمية حقن الوقود، اي منهما صحيح
A- الفني (A) فقط
B- الفني (B) فقط
C- كلاهما (A) و (B) صحيحان
D- ليس (A) ولا (B) صحيحين

احد الفنيين (A) يقول: ان قياس الضغط المطلق لمجمع السحب (MAP) يتم بمقارنة قيمة الخلخلة في مجمع السحب مع الخلخلة المطلقة. وفني اخر (B) يقول: ان قياس الخلخلة في مجمع السحب يتم بمقارنة هذه الخلخلة بالضغط الجوي اي منهما صحيح
A- الفني (A) فقط
B- الفني (B) فقط
C- كلاهما (A) و (B) صحيحان
D- ليس (A) ولا (B) صحيحين

يتم التحكم في توقيت الاشعال الالكتروني بناء علي الاشارة القادمة من:
A- حساس درجة حرارة المحرك
B- حساس كتلة تدفق الهواء الي المحرك
C- حساس سرعة المحرك
D- جميع الاجابات السابقة صحيحة

تستخدم ساعة كمبيوتر السيارة في :
A- اظهار الوقت في التابلوه
B- السماح بتخزين الوقت والتاريخ لعمليات مستقبلية
C- توليد نبضات كهربائية تستخدم لتنظيم انسياب المعلومات
D- توليد جهد مناسب لعمل الحساسات

والله اعلي واعلم

.

1- الفني الاول بيقول ان اقصي ضغط للخليط يعتمد علي قوة الشرارة ودا كلام صح لان ضعف الشرارة بياثر علي احتراق الخليط والفني التاني بيقول انه يعتمد علي توقيت الشرارة ودا برده صح لان الشرارة لو مطلعتش في شوط القدرة هياثر علي الحريق وبكده الاتنين صح

رد: مسابقة مصر موتورز الكبري

الافضل انا هعمل اسكان للاسئلة من كتاب الصنايع وهوريها لكم