مصر موتورز مجتمع السيارات - دستور مصر المسودة الأولى لدستور لجنة الـ50 المعدل

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - دستور مصر المسودة الأولى لدستور لجنة الـ50 المعدل (https://www.masrmotors.com/vb/showthread.php?t=121329)

رد: دستور مصر المسودة الأولى لدستور لجنة الـ50 المعدل

اقتباس:

المشاركة الأصلية كتبت بواسطة ahmed_eng2001 (المشاركة 934674)

المادة (234)
يكون تعيين وزير الدفاع بعد موافقة المجلس الأعلى للقوات المسلحة، وتسرى أحكام هذه المادة لدورتين رئاسيتين كاملتين اعتبارا من تاريخ العمل بالدستور.

دى مادة تحصين وزير الدفاع فترتين رئاسيتين

و انا معترض عليها جملة و تفصيلا

استاذ احمد اسمحلى اختلف معاك فى الرأى كثيرا
"اختلاف الراى لا يفسد للود قضية"
طيب ما شيخ الازهر غير قابل للعزل و كل اللى هيعمله الرئيس انه هيصدق على تعيينه و كذلك بابا الكنيسة طالما فتحت الباب ان كل واحد يختار قيادته اللى تخدم مصالحه و تنميه و اقرت بحق الناس فى ده ليه بقى عايز تاخد و تسحب الحق ده من ابناء القوات المسلحة انا راى المتواضع ان المادة ديه لازم تبقى مستمرة ان القوات المسلحة او المجلس الاعلى لها يشترط موافقته على وزير الدفاع بشروط و ضوابط قبل تعيينه و تبقى مستمرة على طول مش لمدتتين فى الرئاسة فقط
تحياتى لك

رد: دستور العسكر في مصر 2013 (وزير الدفاع هو الحاكم الفعلي ومنصبه محصن)

اقتباس:

المشاركة الأصلية كتبت بواسطة tamer.koko (المشاركة 934783)

تحياتي لحضرتك يا بشمهندس احمد

اولا انا لم اتطرق في موضوعكم اللي كنت بتشرحوا فيه المواد وشرح الستور الا بمشاركه اللي شرحت فيها كيفيه ومتي تحويل مدني لمحاكمه عسكريه واعتقد اني مجبتش سيره الاخوان نهائي

والمشاركه بتاعتي اللي هي برد فيها وقولنت نعم للدستور والاونطه والكلام ده اللي ابو نورا علق عليها كانت في موضوع تاني خالص كان عامله شخص ما وانا رديت وقولت نعم للدستور وده رأئيي وحقي اني اقول نعم
اعتقد انه برده من حقي اني احشد بنعم واقول الناس تقول نعم

اما موضوع ان الاخوان خلاص
فدي ردها بسيط يابشمهندس احمد ان في دستور 2012 كانوا هم برده في الحكم واحنا كا معارضه برده م مكنش عندنا فرصه نقول لا للدستور وكمان كانوا بيحشدوا لنعم وهم في الحكم
يبقي اعتقد اني من حقي اني احشد واقول رأئيي بنعم ولا الاخوان تبقي في الحكم وتحشد بنعم للدستور عادي
ولما تتقلب الايه ونبقي احنا في الحكم حرام نحشد ونقول نعم للدستور
وتاني انا مدخلتش في الموضوع بتاعكم للنقاش وحتي مقولتش اي حاجه لولا ضم الموضوعين لبعض لاني برد فقط علي ا للي بساطه مكرث جهده وقته للدفاع عن الاخوان

وعامه انا مش هتناقش معاكم في الدستور لاني ببساطه هقول نعم وهحشد كمان كل معارفي واصدقائئ بنعم
واللي مش عاجبه الدستور يقول لأ دي حريه شخصيه
وعتاب بسيط يا بشمهندس احمد حضتك علقت في مشاركتي وقولت ان الاخوان خلاص واتكلمت معايا بلباقه لانك شخصيه محترمه فعلا
ولكن لما الشخص التاني علق علي كلامك رديت وقولت انك لم تنتقدني ولكن ليه برده مقولتلوش نتكلم عن الدستور ونناقش وننسي الانجازات وعلقت علي كلامه
فده عتاب علي الانحياز الواضح

واخيرا زي ما قال ابو نورا كل طرف منحاز لفصيله بلا تفكير
ولكي الله يا مصر

ده اول رد ليا النهاردة علشان حضرتك ليك لوم عليا ... و دى حاجة مهمة جدا عندى و يعز عليا ان حضرتك تكون متضايق

انا حشرح لحضرتك وجهة نظرى و عتابك ليا واحدة واحدة .. و اتمنى ان يتسع صدر حضرتك ليا ....

مشاركة حضرتك افادتنى كثيرا ... انا معرفش كتير عن القانون .... حضرتك شرحتلى حاجات لم اكن اعرفها ... و سعدت بمشاركة حضرتك معنا جدا... و انا عارف والله ان حضرتك مجبتش سيرة الاخوان نهائيا ... حضرتك كنت موضوعى جدا :018A1D~146:

انا مكانش عاجبنى اسلوب الدعاية الى عملوه الاخوان لدستور 2012 ..... و كمان مكانش عاجبنى الاعلان الى كان فى التليفزيون بتاع الدكتور البرادعى و الدكتور حمزاوى الى بيحشد الناس للتصويت بلا ..... كان عاجبنى حملة على الانترنت بتاعة اقرا الدستور !!!
فوجهة نظرى .... لو اكتشفت ان الاخوان كانوا بيعملوا حاجة غلط .... مش من الصح اننا نعمل زى ما كانوا بيعملوا ...

و مع ذلك حضرتك ليك مطلق الحرية انك تحشد زى ما انت عاوز و تقول رايك زى ما انت عاوز

و فى ردى على مشاركتك .... كتبت وجهة نظرى التى ذكرتها فوق فى 4 سطور فقط .... و بقية المشاركة كنت بفضفض مع حضرتك , و انا مش حفضفض مع اى حد لو لم اكن احترم عقله و وجوده

فى مشاركتى الثانية ... كنت بس بوضح لحضرتك اننا لازم ننسى شوية الخلاف الازلى .. ابيض و اسود ... اهلى و زمالك ... خير و شر .. اليمين و الشمال
بلدنا محتاجة شوية تفرغ .... ننسى الخلاف ده شوية و نشوف بلدنا محتاجة ايه

مصر اكبر من الاخوان .... و من اى جماعة ... و من خلاف دائر واخد اكبر من حجمه بكتير

و بعدين .... انا راضى على حكمك ...
انا كنت بتناقش و بفضفض مع الاستاذ وليد زى ما كنت بفضفضمع حضرتك ؟؟؟

انا منتظر الاستاذ وليد يلومنى لوم شديد .. علشان انا كنت اكثر حدة معاه ... و متناقشتش مع حضرتك فى الى انت قلته فىكلامك زى ما عملت معاه !!!!! و هو ممكن يعتبر ده انحياز واضح ليك !!!!

و اخيرا ... انا مش عاوز حضرتك تكون متضايق ... و انا اسف لو حضرتك زعلت منى

رد: دستور العسكر في مصر 2013 (وزير الدفاع هو الحاكم الفعلي ومنصبه محصن)

اقتباس:

المشاركة الأصلية كتبت بواسطة ahmed_eng2001 (المشاركة 934862)

ده اول رد ليا النهاردة علشان حضرتك ليك لوم عليا ... و دى حاجة مهمة جدا عندى

انا حشرح لحضرتك وجهة نظرى و عتابك ليا واحدة واحدة .. و اتمنى ان يتسع صدر حضرتك ليا ....

مشاركة حضرتك افادتنى كثيرا ... انا معرفش كتير عن القانون .... حضرتك شرحتلى حاجات لم اكن اعرفها ... و سعدت بمشاركة حضرتك معنا جدا... و انا عارف والله ان حضرتك مجبتش سيرة الاخوان نهائيا ... حضرتك كنت موضوعى جدا :018A1D~146:

انا مكانش عاجبنى اسلوب الدعاية الى عملوه الاخوان لدستور 2012 ..... و كمان مكانش عاجبنى الاعلان الى كان فى التليفزيون بتاع الدكتور البرادعى و الدكتور حمزاوى الى بيحشد الناس للتصويت بلا ..... كان عاجبنى حملة على الانترنت بتاعة اقرا الدستور !!!
فوجهة نظرى .... لو اكتشفت ان الاخوان كانوا بيعملوا حاجة غلط .... مش من الصح اننا نعمل زى ما كانوا بيعملوا ...

و مع ذلك حضرتك ليك مطلق الحرية انك تحشد زى ما انت عاوز و تقول رايك زى ما انت عاوز

و فى ردى على مشاركتك .... كتبت وجهة نظرى التى ذكرتها فوق فى 4 سطور فقط .... و بقية المشاركة كنت بفضفض مع حضرتك , و انا مش حفضفض مع اى حد لو لم اكن احترم عقله و وجوده

فى مشاركتى الثانية ... كنت بس بوضح لحضرتك اننا لازم ننسى شوية الخلاف الازلى .. ابيض و اسود ... اهلى و زمالك ... خير و شر .. اليمين و الشمال
بلدنا محتاجة شوية تفرغ .... ننسى الخلاف ده شوية و نشوف بلدنا محتاجة ايه

مصر اكبر من الاخوان .... و من اى جماعة ... و من خلاف دائر واخد اكبر من حجمه بكتير

و بعدين .... انا راضى على حكمك ...
انا كنت بتناقش و بفضفض مع الاستاذ وليد زى ما كنت بفضفضمع حضرتك ؟؟؟

انا منتظر الاستاذ وليد يلومنى لوم شديد .. علشان انا كنت اكثر حدة معاه ... و متناقشتش مع حضرتك فى الى انت قلته فىكلامك زى ما عملت معاه !!!!! و هو ممكن يعتبر ده انحياز واضح ليك !!!!

و اخيرا ... انا مش عاوز حضرتك تكون متضايق ... و انا اسف لو حضرتك زعلت منى

:018A1D~146::018A1D~146:
انا مقدرش ازعل منك يا بشمهندس احمد انت اخ وصديق عزيز وشخصيه محترمه فعلا وانا اللي اتشرف بالحوار مع حضرتك
ومينفعش ازعل منك بجد والمشاركه بتاعتي اللي هي كاريكاتير نزلت مني وهي مش مقصوده فعلا كانت لموضوع تاني والله
وانت اللي اوعي تزعل مني وفي انتظار اي سؤال نتناقش فيه سوا كلنا كمجموعه محترمه لبقه تهتم بالدستور وببلدنا مصر الحبيبيه
وتحياتي لمعاليك يا بشمهندس

رد: دستور مصر المسودة الأولى لدستور لجنة الـ50 المعدل

للمره التانيه المشاركه رقم 78 اتحطت مني غلط كانت لموضوع تاني وغير مقصود بيها اهانه اي حد في الموضوع نهائي ارجو تقبل الغلط وااعتذار

رد: دستور مصر المسودة الأولى لدستور لجنة الـ50 المعدل

اقتباس:

المشاركة الأصلية كتبت بواسطة silverlite (المشاركة 934753)

https://fbcdn-profile-a.akamaihd.net...87265584_s.jpg

https://fbcdn-sphotos-h-a.akamaihd.n...41572739_n.jpg

هل منصب وزير الدفاع تم تحصينه ؟
الاجابة لا.. التحصين فى القانون هو المنع من المسائلة او عدم امكانية الرد او الطعن على القرار .. وهذا غير موجود ويخضع الوزراء ومجلس الوزراء بالكامل لنفس قواعد محاكمة رئيس الجمهورية . فى بعض المناصب السيادية فى الدولة كمنصب النائب العام لا ينفذ تعيينه الا بعد موافقة المجلس الاعلى للقضاء . وفى كل الاحوال المادة انتقاليه ومؤقته ليست ع الدوام . هل يستطيع وزير الدفاع اتخاذ قرار الحرب ؟ ليس من سلطات وزير الدفاع سلطة اتخاذ قرار الحرب وليس لرئيس الجمهورية منفرد ووزير الدفاع مجرد واحد عضو فى مجلس الدفاع الوطنى . مادة 152 رئيس الجمهورية هو القائد الأعلى للقوات المسلحة، ولا يعلن الحرب، ولا يرسل القوات المسلحة فى مهمه قتالية إلى خارج حدود الدولة، إلا بعد أخذ رأى مجلس الدفاع الوطني، وموافقة مجلس النواب بأغلبية ثلثي الأعضاء. فإذا كان مجلس النواب غير قائم، يجب أخذ رأى المجلس الأعلى للقوات المسلحة، وموافقة كل من مجلس الوزراء ومجلس الدفاع الوطني. هل هناك استثناءات على مناقشة ميزانية القوات المسلحة ؟ اوردت مسودة الدستور مادة 124 تشمل الموازنة العامة للدولة كافة إيراداتها ومصروفاتها دون استثناء، ويُعرض مشروعها على مجلس النواب قبل تسعين يومًا على الأقل من بدء السنة المالية، ولا تكون نافذة إلا بموافقته عليها، ويتم التصويت عليه باباً باباً ، وبعدين المادة 203 قال ان اثناء نظر الموازنة يطلب حضور رئيس الشئون المالية فى القوات المسلحة وده شىء عادى لا موازنتها ضخمة مش زى دستور مرسى الا عملها سرية وحوارات !! اخيرا هل الدستور المصرى دستور جامد ؟ يعنى لا يتغير الا من رئيس الدولة ؟ الاجابة لا ويمكن لاى نائب برلمانى التقدم بطلب تعديل مادة دستورية بعد اقرارها من ثلثى مجلس الشعب .. انا هقول نعم على مسودة دستور 2013 ان شاء الله

شكرا استاذ سلفرلايت على الشرح .....

نتناقش فى جزئين ...

الاول... تحصين منصب وزير الدفاع ...

التحصين هنا تحصين ضد العزل ...
المادة (234)
يكون تعيين وزير الدفاع بعد موافقة المجلس الأعلى للقوات المسلحة، وتسرى أحكام هذه المادة لدورتين رئاسيتين كاملتين اعتبارا من تاريخ العمل بالدستور

و دى مادة انتقالية ... يعنى حتفضل فترة و بعدين تسقط
المادة السابقة لم تذكر رئيس الجمهورية ... و اوضحت انها لمدة 8 سنوات فقط
طيب ... و بعدين .... رئيس الجمهورية ممكن طبعا يقيل وزير دفاع ... و يجى يعين واحد تانى .. المجلس الاعلى ميرضاش .... فكدة يرجع وزير الدفاع تانى و لا يقال

جرت العادة ( فى ما سبق ) يتم اختيار وزير الدفاع الجديد .. ثم يقال وزير الدفاع الحالى .. نظرا لحساسية هذا المنصب .. فلا يمكن ان يظل هذا المنصب خالى و لو لأيام قليلة
هناك بعض الاجهزة تخضع مباشرة لوزير الدفاع فقط ... مثل المخابرات الحربية

فيختار رئيس الجمهورية وزير دفاع جديد و يعرضه على المجلس العسكرى ( الذى يرأسه الوزير الحالى ) و يطلب منه البت فى الوزير الجديد !!!
او .. المجلس العسكرى يختار وزير دفاع جديد ... بموافقة وزير الدفاع القديم .. و يتم ابلاغ رئيس الجمهورية به !!! و على رئيس الجمهورية الموافقة

اما عن الميزانية
انا لم اجد كلمة ميزانية فى الدستور ... لا فى هذا الدستور و لا فى دستور 2012 ( لو كنت مخطأ .. ارجو التصحيح )

الميزانية بعد ما السنة المالية تخلص .... يفتحوا الدفاتر .... و يجيبوا الادارة المالية فى القوات المسلحة ... و يبدأوا فى استجوابه ؟؟؟ انت ليه دفعت الفلوس دى فى الصفقة دى ؟؟!!! عروض الاسعار و المواصفات الفنية بتوضح حاجة تانية !!!

خزنتك فيها 100 جنيه ليه ؟؟؟ انت صرفتهم فى ايه ؟؟!

و على هذا المنوال ... يتم التحقيق ماذا ينفقه الجيش !!!!

انا نفسى الكلام ده يكون فى كل حاجة ... مش القوات المسلحة فقط

قبل الميزانية بسنة ... تتو مناقشة الموازنة .. التى توضح فيها القوات المسلحة حاجتها مثلا ل 100 مليون جنيه . علشان ان شاء الله حنشترى كام طيارة .. و كام دبابة !!! و لو فضلت فلوس حنوضحها فى ختام السنة المالية
و تقبل مرورى