|
|
راسبوتين.. هل هو شيطان في جسد إنسان؟
راسبوتين.. هل هو شيطان في جسد إنسان؟
هو غريغوري يافيموفيتش راسبوتين ولد فى عام 1869 بقرية بوكروفسكوي الريفية الواقعة في سيبريا، بعيدا عن صالونات العائلة الملكية البراقة في سانت بطرسبرغ ، ظهرت لدى راسبوتين في طفولته رؤى مستمرة عن القوى الإلهية وقدرات الشفاء الخارقة، إذ كان باستطاعته مثلا أن يبرئ حصانا بمجرد لمسه، لكنه اكتسب في فترة مراهقته اسم راسبوتين (أي الفاجر بالروسية) بسبب علاقاته الجنسية الفاضحة . وحين بلغ راسبوتين الثلاثين من عمره كان زوجا وأبا لأربعة أطفال، إلا أن ولعه بالشراب وسرقة الجياد كان دائما ما يتناقض وأصول الحياة العائلية التقليدية، وكان حادث اتهامه ذات مرة بسرقة حصان نقطة تحول في حياته هرب على أثرها من القرية ولاذ بأحد الأديرة حيث اتخذ صفة الرهبانية التي لازمته بعد ذلك طيلة حياته ومع تأثره بتجاربه الروحانية رحل راسبوتين عن قريته ليصبح مسافرا جوالا في أنحاء روسيا وخارجها، وخلال هذه الرحلات لم يغتسل أو يبدل ملابسة لفترات بلغت عدة أشهر وكان يرتدي قيودا حديدية زادت من المعاناة، وقد شملت هذه الرحلات الدينية الشاقة رحلة إلى جبل اثوس باليونان وساعدته على اكتساب أنصار ذوي نفوذ الشهوانية و التوبة وأثناء فترة تجواله، أصبح راسبوتين تحت تأثير طائفة متطرفة غير شرعية تعرف باسم خاليستي، وتنزع إلى الجلد والممارسات الجنسية، ولعل سمة الجمع الشاذ بين الورع والأفعال الجنسية غير الشرعية وخاصة الفاضح منها هي التي شكلت القاعدة التي ارتكزت عليها ممارسات راسبوتين الدينية فيما بعد، فلم تفارقه أبدا فكرة أن الفرد يمكن أن يصبح أكثر قربا من الله إذا ارتكب عمدا ذنبا شهوانيا ثم تاب توبة نصوح. وفي عام 1905م قابل راسبوتين عالم لاهوت كان يعمل رئيسا لأكاديمية دينية وكاهن اعتراف للإمبراطورة، إلكسندرا فيودوروفونا، وقدم للبلاط من خلال تزكية مسئولي الكنيسة العليا وراهبتان سوداوتان الشعر كانتا تعرفان باسم الغرابان كانتا فعالتان بإمداد البلاط بالصوفيين، وكان للأسرة الملكية الروسية في الماضي تقليد استقبال الرجال المقدسين من أجل مناشدة تدخلهم بعدة طرق، خاصة تلك التي تؤمن مولد ذكر يرث عرش روسيا. ساحر أسود وبنجاحه المعهود مع النساء ترك راسبوتين انطباعا عميقا لدى الإمبراطورة ألكسندرا فيوديوروفونا، إذ اقتنعت تماما بقدراته حين استطاع بإعجاز أن يخفف من المعاناة والنزيف الذي أصاب أليكسيس نيكوليافبتش، ولم يمضي وقت طويل منذ أثبت راسبوتين قوته الخارقة للأكسندرا حتى أصبح مستشارها الشخصي المؤتمن على أسرارها، يزورها في القصر في موعد أسبوعي محدد وكان اثنين من أنصار راسبوتين السابقين على اقتناع تام بأن راسبوتين ما هو إلا تجسيدا للشيطان، وفي عام 1911 استدرجاه إلى طابق سفلي حيث اتهماه باستخدام قوى الشيطان للقيام بمعجزاته وضرباه بصليب، وأبلغ راسبوتين الإمبراطورة بالواقعة وادعى أنهما حاولا قتله ومن ثم تم نفي الرجلين، وفي السابع والعشرين من يونيو عام 1914م عاد راسبوتين إلى قريته في سيبريا. وفي اليوم التالي تلقى برقية وبينما كان في طريقه لإرسال الرد هاجمته عاهرة سابقة مشوهة مجدوعة الأنف بوحشية مستخدمة سكينا، دفعها ليودور لقتل راسبوتين. وبينما كان راسبوتين يتعافى في المستشفى من الطعنات التي أوصى بها ليودور كان القيصر نيقولا يحشد قواته استعدادا للحرب العالمية الأولى التي جلبت كارثة على وطنه، حيث فقد أكثر من أربع ملايين روسي أرواحهم، وبالعودة إلى سان بطرسبرغ ومع غياب القيصر استطاع راسبوتين اكتساب المزيد والمزيد من القوى السياسية وساهم في تعيين وطرد الوزراء ، وبنفوذه الطاغي على قرارات القيصر السياسية زاد اللوم الموجه للراهب السيبيري على المشاكل التي عانت منها البلاد حتى أن مدينة سان بطرسبرغ أصبحت تعرف باسم " مدينة إبليس" نبؤة الموت وفي ديسمبر عام 1916م كتب راسبوتين خطابا للقيصر يتنبأ فيه بقتله، وعن قتلته المحتملين كتب يقول" إذا قتلني أقاربك فلن يبقى أي فرد من عائلتك حيا لأكثر من عامين، وتستطيع أن تقول أي من أولادك أو أقاربك، فسوف يقتلهم الشعب الروسي. سأُقتل، لم يعد لي وجود في هذه الحياة. صلي أرجوك، صلي، وكن قويا، وفكر في عائلتك المصونة". وبعد ثلاثة وعشرين يوم فقط قتل اثنان من أقارب القيصر نيقولا الثاني راسبوتين، وبعد مرور تسعة عشر شهرا على مقتله أعدم قيصر روسيا وعائلته بأيدي الثوار البلشفيين، تأمر ثلاثة من أبناء عم القيصر على قتل راسبوتين والحفاظ على سلالة العائلة المالكة. وفي ليلة السادس عشر من ديسمبر عام 1916م دعى راسبوتين إلى القصر الملكى بحجة أن إيرينا التي يشاع عنها أنها أجمل امرأة في سان بطرسبرغ تريد مقابلته، وبينما كان ينتظر ظهورها قدم رجل لراسبوتين كعك وخمر مدسوس بهما سما مميتا وقد أصيب المتآمر بالهلع لما بدا من حصانة راسبوتين ضد السم، ولم يستطع يوسوبوي السيطرة على نفسه فنزع مسدسه وأطلق النيران على راسبوتين وبصعوبة بالغة ترنح راسبوتين خارجا إلى ساحة القصر فأطلق مرة أخرى النار عليه وتم ضربه وتقيده والقى بجسده فى النهر . وكانت نهاية راسبوتين علامة على بداية النهاية للقيصر نيقولا والإمبراطورة ألكساندرا، فبعد عشر أسابيع فقط من وفاته أطاحت الثورة الروسية التي اندلعت عام 1917م بأخر جيل من سلالة رومانوي، وبعد مرور أقل من عامين قامت فرقة معزولة بإعدام القيصر نيقولا وعائلته بأكملها في سيبريا، وقد قام الناس خلال ثورة فبراير عام 1917م بإخراج جثة راسبوتين وحرقها وبعد حوالي قرن. منقول للامانه |
ازاى تعرف انك فى فرح مصرى
السلام عليكم ويارب يجعل ايامكم كلها افراح اكيد طبعا عارفين طباع المصريين في الافراح
ازاى تعرف انك فى فرح مصرى ================== من البدايه كدا هتلاقى الدعوه بتاعت الفرح جايالك وعليها عباره .. [جنه الاطفال منازلهم] يعنى من الاخر ابنك دا يقعد فى البيت ومايورناش وشه احنا مش عارفين نأكل المعازيم لما هانأكل سعادته لما تلاقى الزفه الدمياطى الازليه اياها وبسم الله الرحمن الرحيم وهانبتدي الليله اااااه اااه وتلاقى البنات بيجروا ورا العروسه عشان ينولوا شرف صحبتها كدا وهى داخله القاعه ويتقاسموا شرف انهم يشيلوا ديلها اقصد ديل الفستان لما تلاقى العريس بيبخر العروسه عشان الحسد احسن تتكسر ولا حاجه وتلاقى العروسه بتبخر العريس احسن دا واخد عليها كمبيالات وشيكات عشان قطع الغيار الغير متوفره وممكن يوديها فى داهيه لما تلاقى بقى الستات بتمارس احسن هوايه ليها على مر التاريخ وهى النميمه ويقعدوا بقا يقولوا: انا عارفه يا ختى اخدها على ايه دا لا مال ولا جمال والتانيه تقولها : والله يا ختى من ناحيه الجمال فهى شبه الليفه المحروقه لكن من ناحيه المال لا دا الواد وقع واقف اه دا ابوها عنده عربيه كارو اقصد (ماقطوره)بتدخلوا شىء وشويات وتلاقى البنات بقا واقفه اللى تقول: ايه دا فستانها بيئه اوى والتانيه تقولها: اكيد مأجراه من عند الكوافير اللى عملها التسريح اللى شبه تسريحه المجانين دى لما تلاقي قرايب العريس مش عاجبهم قرايب العروسه و العكس صحيح طبعا و بيبصوا لبعض بإشمئزاز لما اول حجه تسمعها اول ما تدخل القاعه وقبل ما تشوف العروسه والعريس اغنيه هشام عباس (اسماء الله الحسنى) لما العريس والعروسه يرقصوا الرقصه الرومانسيه الازليه على اغنيه(غمض عينيك واحلم معايا) او اغنيه تامر حسنى(ومايحرمنيش منك) وكل البشر بيصوروهم بكاميرا الموبايل وهما بيقولوا لبعض (ياترى بيقولها ايه) لما تلقى الاغنيه الرومانسيه اتقطعت فجأه كانهم بيقولولهم انجزوا ويروحوا مشغلين اغنيه السهره(هاتجوز) لـ سعد الصغير وبعدها العنب لمعبود الجماهير (بعرورر) لما تسمع السؤال الابدي (هو البوفيه هايفتح امتى...الواحد جاع) لما يتعرض الفيلم التسجيلى البوفيه وكل ما يحتويه من لحمه وفراخ وديك رومى وكشك وسد الحنك لما تسمع الناس وهيه بتقول لالالا بس الاكل مكانش قد كده بعد تناول الطعام مباشره وعلى راى المثل (بعد ماكل واتكى قال رحته مستكه) لما تلاقي كل البنات اللي فى الفرح بيجروا ورا العروسه عشان طبعا ياخدوا البوكيه لما تحدفه و العروسه بقى بتزلهم لما تلاقى ام العروسه بتقول للعريس خد بالك منها يا حبيبي والعريس يقولها دى فى عينى يا طنط لما تلاقي العربيه بتاعه العروسه فيها جميع انواع والوان الورد و دلوقتي الموضه الجديده بقى البيبي لايت لما تلاقى الزفه انطلقت فى الشوارع مسببه الازعاج لخلق الله وبيب بيب بيب بيب بيب بيب بيب بيب بيب بيب كده انت تأكد انك فى فرح مصرى منقول للامانه |
يبقي إنت أكيد أكيد فى مصر
لما تذاكر جامد ولا تنجحش..... يبقى إنت أكيد أكيد فى مصر......... لما تتخرج ولا تشتغلش ........ يبقى إنت أكيد أكيد فى مصر.......... لما تشتغل ولا تكسبش ......... يبقى إنت أكيد أكيد فى مصر......... لما تحب وتفشل....يبقى انتا اكيد أكيد فى مصر....... لما تخطب كده ولا تتجوزش....يبقى إنت أكيد أكيد فى مصر .........؟؟؟؟ عظيمه يا مصر يا أم الدنيا
لما تلاقى من كل بيت خارج مدرس خصوصى يبقى انت أكيد أكيد فى مصر لما تطلع بطاقة انتخابية وتروح تنتخب ويقولك ان سيادتك ميت يبقى انت اكيد فى مصر لما رسم الزبالة سنة تلاقيه على فاتورة الكهرباء وسنة تلاقيه على فاتورة الغاز يبقى انت أكيد أكيد فى مصر لما تسئل الشعب فى اى حاجة ويقولك اللى نعرفه احسن من اللى منعرفوش يبقى انت اكيد فى مصر لما تهز وسطك وتلاقى نجاح باهر والناس بتصقفلك يبقى انت أكيد أكيد فى مصر لما تفتح التليفزيون ويكلمك عن انجازات الحزب الوطنى وتفتح الثلاجة وتكلمك برده عن تلك الانجازات يبقى انت أكيد أكيد فى مصر لو جبت في الثانوية العامة فوق الـ90% ومدخلتش إلا التجارة.. تبقي أنت أكيد في مصر لو لقيت في كل بيت واحد عنده امراض زى الفشل الكلوى وغيره .. تبقي أنت أكيد في مصر لو دخلت مستشفي تشيل الزايدة واتسرقت كليتك.. تبقي أنت أكيد في مصر لو دخلت مكتب حكومي وقالولك فوت علينا بكرة.. تبقي أنت أكيد في مصر لوخلصت دراستك وخدت الشهادة وقعدت علي القهوة سنين لحد ما الحكومة توظفك.. تبقي أنت أكيد في مصر لو أنت في بلد ربع سكانها ساكنين في عاصمتها.. تبقي أنت أكيد في مصر لو سألت عسكري المرور تعرف تكتب وتقرا ورد وقال أعرف أقري وأكتب بس نمر العربيات.. تبقي أنت أكيد في مصر لو لقيت عجوز وعجوزة ماشيين ومعاهم سلم خشب لزوم طلوع الرصيف.. تبقي أنت أكيد في مصر لو لقيت سواقين العربيات راسمين أحزمة أمان علي صدورهم تبقي أنت أكيد في مصر لو سمعت وشفت عربية مطافئ الحريق سواقها بيزعق في الميكروفون: فين الشارع اللي فيه الحريقة تبقي أنت أكيد في مصر لو قريت وسمعت أن الحكومة حتنهي عقود شركات الزبالة الأجنبية لأنها لم توف بالتزاماتها ( وكان ليه من أصله)! تبقي أنت أكيد في مصر لو مزنوق في الشارع وملقتشي مراحيض عامة (تحت الكوبري يا معلم او جنب اي سور) يبقي أنت أكيد في مصر لو سمعت الناس بتتجنب الذهاب لأقسام الشرطة منعا للبهدلة تبقي أنت أكيد في مصر لو سمعت أن القضايا بيتحكم فيها بعد وفاة المتقاضين.. تبقي أنت أكيد في مصر! لو فتحت التليفزيون وشفت ظرف البيت بيتك.. تبقي أنت أكيد في مصر لو سمعت كلمة أهلا يا باشا وائمورني يا باشا.. تبقي أنت أكيد في مصر لو شفت الست تخلع جوزها بعد طول عشرة.. تبقي أنت أكيد في مصر لو تقف في طابور علشان رغيف العيش.. تبقي أنت أكيد في مصر لو حد النهاردة اسمه بوحة وإمبارح كان اسمه اللمبي والحد ده يقش ملايين.. تبقي أنت أكيد في مصر لو سمعت الكبير بيقول للصغير حضرتك تبقي أنت أكيد في مصر لو سمعت إن فيه ناس بتتجوز في خمس أو سبع نجوم وناس تانية مش لاقية تتجوز.. تبقي أنت أكيد في مصر لو رحت مرة تصلى فى جامع وبعد الصلاة تلاقى اللى بيقولك خلاص يا افندى احنا بنقفل وهنفتح على معاد الصلاة الجاية تبقي أنت أكيد في مصر لما تلاقى الجد فى ايده حفيده و الناحية التانية الشيشة فى ايده يبقى انت اكيد اكيد فى مصر ... يبقى انت اكيد اكيد فى مصر منقول |
النتخابات الامريكيه
ملاحظات سريعة على الإنتخابات الأمريكية
واحد : لم ألاحظ أي وجود لقوات الأمن .. أو الأمن المركزي ولا حتى الأمن الغذائي إتنين : لم يكن هناك حبر فسفوري ولا تركواز تلاتة : مافيش وزير داخلية ولا رئيس لجنة إنتخابات بيعلن النتيجة .. أنا بصراحة مش عارف النتيجة بيعرفوها إزاي أربعة : إعلان فوز الرئيس بيتأكد بإقرار المرشح الخاسر بفوز الرئيس خمسة : جون ماكين مش هايدخل السجن خمس سنين عشان مش بيزور توكيلات أمريكاني ستة : مافيش ولا واحد ولا حتى أي جهة متطرفة جاب سيرة تزوير في النتيجة سبعة : ماحدش جاب سيرة بلطجة ولا حتى خناقة واحدة .. ، أنا مش فاهم إنتخابات إيه دي تمانية : الناس إنتخبوا في النهار والنتيجة طلعت بالليل ، كأنها انتخابات نقابة النقاشين تسعة : الإتنين المرشحين إتصلوا ببعض بالتليفون فور إعلان النتيجة عشرة : ماكانش فيه أتوبيسات بتنقل الموظفين والمواطنين عشان ينتخبوا حداشر : لم تذيع السي إن إن ولا الإي بي سي أغنيه إخترناك الأمريكاني ولا أمريكا اليوم في عيد إتناشر : مافيش أي حد إشتكى من عدم وجود إسمه في الكشوف الإنتخابية . . ده إذا كان فيه أصلاً تلاتاشر : ماسمعتش كلمة بطاقة إنتخابية أربعتاشر : نسبة المشاركين ستة وستين في المية .. أكتر من مية وسبعتاشر مليون ... خمستاشر : ماطلعتش اشاعات ان "جيمي باراك أوباما" - هو المرشح القادم للحزب الوطني الديموقراطي - أقصد الحزب الديموقراطي ستاشر: الشبه بين إنتخاباتهم وإنتخابتنا تنحصر في أن باراك تعني باللغة السواحيلية ( اللغة الكينية ) ؟؟؟؟؟؟ ياتري ايهPOLICEE |
رد: ازاى تعرف انك فى فرح مصرى
الله ينور ياباشا
|
| الساعة الآن 05:59 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017