مصر موتورز مجتمع السيارات - موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة sayed2077 (المشاركة 680654)

معلش اعذرنى علشان بطاريتى اتسرقت وكنت سايبها مع سايس وكدا وعملتله محضر ومشاكل واتخانقنا وكان النهارده عليا امتحان ميكانيكا ورجعت البيت الساعه 2 بليل عقبال ما خدت حق بطارية جديده من السايس وعقبال ما قطرنا العربيه من قدام السايس لحد فندق الفور سيزون الحبل اتقطع واضريت استنى هناك عقبال ما المهندسين اللى معايا راحوا واشترولى بطاريه جديده وكان يوم اسود وراجع على البيت وداخل دخلة المعادى من الكورنيش لقيت لجنه ما يعلم بيها الا ربنا وعماله توقف العربيات عربيه عربيه انا قولت لو وقفونى يبقى اليوم كمل ومش رايح امتحانات كده بكره خلاص المهم الحمد لله عديت منهم وروحت الساعه 2 بليل تعبان وعاوز انام وعاوز اذااكر علشان الامتحان وربنا الوحيد اللى يعلم بحالى ومعلش لو صدعت دماغك معايا بس انا بحاول اوضح لحضرتك انا اتأخرت ليه المره ديه

واولا الحمد لله ان المشكله اتحلت خلاص

ثانيا جميل جدا انك جبت الحاجات اللى قولت عليها وهتحس ان المتور فايق معاك وم مكتوم وعلى فكره المصنعيه 40 جنية سعر ممتاز فعلا انا عندى الميكانيكى بتاعى بينفخنى لو حبيت اركب الحاجات ديه بس الحمد لله الواحد بقى بيعمل شوية حاجات بأيده ما عدا حاجات بسيطه كده وان شاء الله هتعلمها

بالنسبه للمبة البرتقالى اللى جنب البنزين فديه بترعش لما التنك بتاع البنزين بيبقى على النص مثالا فالبنزين مع المشيان والوقوف وكده بيترج جامد فالعوامه بتنزل وتطلع فلما بتنزل جامد بتنور اللمبة البرتقالى ولو حضرتك روحت فولت العربيه هتلاقى اللمبة مبقتش تنور تانى لان التانك مليان ومتقلقش من اللمبة البرتقالى ديه تحذير ان البنزين هيخلص والحكاية زى ما قولتلك بالظبط وعذرنى لو مش بدخل كتير علشان الامتحانات اللى ورايا والله واتمنى منك انك تدعيلى ربنا يسهلها معايا يارب وجزاك الله خيرا
اخوك فى الله سيد

والله انا برضه مريت بيوم سيء زي ده النهارده قلبي معاك معلش الحمد لله انها عدت علي خير وقدر الله ومشاء فعل انا عامل زي قفل للبطاريه كده ديه تقلل شويه موضوع السرقه بس الحمد لله انك بخير يا باشا وان شاء الله تعدي الامتحانات وتبقي زي الفلل والحمد لله المشاكل الي كانت عندي راحت معدي بس النهارده رحت احط بنزين وفعلا اللمبه مبقتش تنور بس يادوبك طالع من البنزينه العربيه بطلت وحلفت مدور جبتلها الميكانيكي بتاع المحطه طبعا حرامي جدا فك الابلتين والكوندنسر وركبهم زي العبيط تاني وجيه فك علبه الدريكسيون ومعرفش عمل ايه رحت دايره وبطلت وشغلت دارت قالي سلك الكونتاكت كان واقع وكان عاوز 20 جنيه المهم ادتله 10 وقلتله ربنا معاك مفيش غيرهم ويادوبك لفيت الاشاره وقفت تاني احتست بقي مش هطول عليك بس الكوندنسر طلع بايظ واتصلت بميكانيكي غيره بواحد استيراد والحمد لله الدنيا تمام الوقتي

المهم شد فالامتحانات وربنا يوفقك ان شاء الله

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة farouk89 (المشاركة 680676)

مينفعش تغير الكوندنسر باستيراد لان الكوندنسر ما هو الا مكثف وليه عمر افتراضى ولو اتعرض للرطوبه وكدا بيقلل جدا من عمروا الافتراضى وهل حضرتك متأكد انك اشتريت الابلاتين والكوندنسر الانجليزى ولا الفرنساوى مع الحاجات اللى انت اشتريتها ولا حضرتك اصلا مشتريتش ابلاتين وكوندنسر مع العلم الابلاتين والكوندنسر الانجليزى كويسين جدا والحمد لله بيعيشوا بقالهم بتاع ثلاث شهور معايا وشغالين كويس وكل مره كده قبل كده كنت بجيب الفرنساوى ممكن يلدع بعد اسبوع مع العلم الانجليزى علبتهم زرقاء فى احمر كدا و على العموم سيب الكوندنسر ياخد وقته لغاية ما يبوظ وابقى اشترى ابلاتين وكندنسر انجليزى من محل قطع غيار عليه ضغط وبيبيع كتير علشان الكوندنسر ميلحقش ياخد رطوبه والحمد لله انها جت على اد كده

وربنا يسترها ان شاء الله فى الامتحانات

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة sayed2077 (المشاركة 680728)

والله يا استاذ سيد اشتريت كل حاجه بالحرف وهو فرنساوي ومن واحد الناس كلها بتشتري منه بس معرفش قل معايا ليه علي العموم همشي بيه شهر كده وهبقي اغيره ان شاء الله

عندي سؤال بالمره مؤشر الحراره فالنص باالظبط واللمبه تطفي وتولع وهوه برضه فالنص فتقريبا الحراره ثابته ولا بتقل ولا بتزيد ولو زادت حاجه بسيكطه قوي ممكن يكون بيتهيقلي كمان بس عيل الطبيعي انها تكون فالنص كده ولا ايه وامتي ابقي فخطر بالظبط

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة farouk89 (المشاركة 681051)

ما انا قولتلك ماتجبش الفرنساوى قولت هات الانجليزى الفرنساوى كله دلوقت مضرووب خلاص بالنسبه بقى لمؤشر الحرارة فده الطبيعى بتاعه انه يبقى فى النص لان ديه درجة حرق البنزين الامثل وطول ما هى فى النص متقلقش من حاجه اهم حاجه المؤشر ميقربش من المنطقه الحمرا وكدا العربيه بتاعتك طبيعية جدا الحمد لله

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

يانهار ابيض العلبه كانت زرقا فانا قلت اكيد ديه الي انت تقصدها هغيرها ان شاء الله وابقي طمنا علي امتحاناتك يا باشا

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اولا شكرا على الموضوع الجميل دا
انا عندى عربية 128 وفى يوم بدور العربية واتحرك ملقتش فرامل وكنت بسمع نفس لما ادوس على الفرامل واحد قلى السيرفو فكيته وغيرتله الطقية وكام اولسية لكن الموضوع زى ماهو مفيش فرامل طيب اعمل ايه تانى معلش انا بحب اعمل الشغل بنفسى دى هوايه عندى وشكراSPAGETY

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

قبل اي حاجه اشكر كل القائمين علي هذا الموضوع المفيد
:Wkiss5::Wkiss5::Wkiss5:

الحمد لله ربنا ةكرمني واشتريت 128 1300 موديل 90
ب16000الف بس فيه ناس كتيير قالتلي ان هي غاليه
المشكله ان العربيه كل ما تيجي تطلع بيها العربيه مبتقومش بسرعه والمارش يفضل شغال لغاية ما البطاريه تنام
المهم هنوديها لكهربائي علشان يشوف الدينامو (هل ممكن يكون بسبب ان انا لسه السواقه مش تمام؟)
في ميكانيكي شاف العربيه وقالي ان العربيه بتترج جامد وهي طالعه وقالي ان ده بسبب الشاسيه فيه شروخات وممكن توسع بس قالي اتعلم عليها وبدع كده نبقي نغيرلك فردتين الشاسيه الاماميين
وقالي ان فردتين الشاسيه الاماميين عايزين يتغيروا وهيخشلهم في حوالي900 جنيه بالسمكره