رد: تجربة الكيا نيو سيراتو - 1600 سى سى اوتوماتيك.
 

التقييم ليس مطلقا,
التقييم نسبى, يعنى مقدرش اقيم عربية صغيرة بمحرك صغير زى الماروتى مثلا بنفس المعايير اللى بقيم بيها عربية عائلية بمحرك يعتبر ذو حجم جيد بالمقاييس المصرية على الأقل.
و برضو لازم ناخد فى الاعتبار سعر السيارة.
لو عربية مدمجة و صغيرة كان لها نفس التسارع هديها درجة أعلى بكثير, فالموضوع نسبى, و هو فى النهاية تقديرى تماما, و طبعا مقارنة مع فئة السيارة السعرية و الحجمية, بالاضافة الى عيوب التصميم.
فى النهاية تحياتى لك و شكرا على سعة صدرك.
انا فى روسيا حاليا لمدة ثلاثة اسابيع, ادعيلى عشان الجو صعب بالنسبة لى جدا فأنا مخلوق استوائى فى الأساس أعيش فى الأماكن الحارة, و هذه ليست الأجواء المناسبة لى.

رد: تجربة الكيا نيو سيراتو - 1600 سى سى اوتوماتيك.
 

+1
-----------

رد: تجربة الكيا نيو سيراتو - 1600 سى سى اوتوماتيك.
 

حضرتك انا مكنش قصدي انك تدور على موضوعات للالتيا و ال 308
انا كنت بتكلم عموما عن الموديلات الجديده للشركتين
الالتيا مش منتشره خالص ... الغالبيه بتفضل الليون عنها
مع انهم مبنيين على نفس الشاسيه والمكونات والالتيا اكبر و اوسع .. لكن شكل الليون شبابي اكتر .. في حين ان الاكبر سنا حيقولو طيب ما نجيب جيتا و لا اوكتافيا
ودول اللي عارفين ان سيات التيا و ليون وسكودا اوكتافيا مبنيين على شاسيه و مواتير الجولف و الجيتا
بمعنى ان لو حضرتك سمعت عن مشاكل في عربيه منهم حتكون غالبا نفس المشكله في بقيه العربيات
اللي سمعته ان الفتيس ال DSG الاستخدام العنيف بيبوظه بسرعه ... يعني الفتيس هايل و سريع وموفر للبنزين و متحسش بالنقلات .. بس مش بتاع حرق وكبس ليل نهار
فيما عدا ذلك العربيه تحفه
لكن للاسف مش منتشره ... لا ... دي نادره كمان :(

البيجو عربيه جميله لكن معرفش ليه دايما ال 307 ساعات كنت بسمع و اشوف مشاكل فيها
لدرجه ان كان زميل في الشركه جاب ال 307 SW ازرق .. و بعد اسبوعين لقيتها بقت فضي ... سألته عن السبب قالي ان العربيه كانت بتجيب زيت من تحت .. وكان جايبها خليجي بس غيروها ليه
غير اني ساعات اسمع عن مشاكل سخونه او تكييف او فتيس وبرضو في نفس الموديل ال 307
طبعا حضرتك شايف اني عمال اقول اسمع او شوفت ... فممكن تكون حالات فرديه
او ممكن ال 308 غير ال 307
علشان كده قلت لحضرتك دعبس وراها الاول
وان شاء الله ربنا يوفقك لاحسن حاجه
كان نفسي افيدك اكتر .. بس انا قلت اللي عندي في حدود معلوماتي
والله اعلم

رد: تجربة الكيا نيو سيراتو - 1600 سى سى اوتوماتيك.
 

بالتأكيد التقييم ليس مطلق
والا كان كل الناس قيمو زي بعض بالظبط
لكن وجود معايير للتقييم او نموذج مثالي يعبر عن الحد الامثل optimum بتقرب المسافات ... بحيث نلاقي التقييمات متقاربه .. يعني تبص تلاقي الحكام مثلا بيدوا درجات قريبه من بعض .. لكن اكيد مش حيدو نفس الدرجه مع استبعاد اعلا و اقل درجه لتقليل معامل الخطاء
وفعلا في عناصر كتير بتتحكم في معايير التقييم
يعني معايير تقييم محرك الماروتي اكيد حتختلف عن موتور الفئه الخامسه
فكل فئه تتبع نفس المعايير
والا كل العربيات الصغيره الرخيصه حتاخد صفر و كل العربيات الكبيره حتاخد فول مارك

انت حاول ترجع بدري لأن كل مادا البروده حتزيد .. ده اذا مكنتش وصلت تحت الصفر حاليا ... روسيا بررررررررددد جدا ...


ومتنساش تحكي لنا عن العربيات هناك ... بس خلي بالك لو حاولت تصور ... لان العربيات الفاخره هناك تقلق من اصحابها و حراسهم
ترجع بالسلامه ان شاء الله ...

رد: تجربة الكيا نيو سيراتو - 1600 سى سى اوتوماتيك.
 

مع احترامي لاسلوبك اللي حاولت ان تتسم فيه بالاحترافيه و لكنه اولا و اخيرا يعبر عن رأيك الشخصي القابل للصواب و الخطأ!
انا اؤيدك و بشده ان الخامات الداخليه في الصالون رديئه جدا بطريقة انا نفسي استغربت منها لأن الموديل الشكل القديم كان خاماته افضل! دا حتى الفيرنا خاماتها افضل
التابلوه شكله حلو و رياضي و لكن الخامات فعلا افسدت جماله
الشكل الخارجي مقتبس بالكامل من الهوندا سيتي مع فروقات طفيفه و ممكن تقارن الاتنين
انا اول ما العربيه نزلت عجبني التصميم الخارجي جدا و هوا بينتمي الى التصميمات الثوريه اللي بتعتمد على الكمبيوتر في التصميم مش زي العربيات الايطاليه اللي بيتم تصميمها على يد فنانين و مصممين محترفين تشعر بشخصيه متفرده لكل عربيه يتم تصميمها
الموتور ملائم و لكن طبعا محرك 2000 كان يبقى افضل بس مين حيشتريها لما تتباع ب 250 الف
الوزن ميزه للثبات مع انه اثر على الاداء و اللي عايز اداء يشتري الكوبيه

العفشه ناشفه بس الفرامل كويسه!

شكرا على الموضوع و ارجو تقبل التعليق

رد: تجربة الكيا نيو سيراتو - 1600 سى سى اوتوماتيك.
 

انا خدت كام صورة بالفعل, بس لسه مخدتش للسيارات و عموما السيارات الفاخرة قليلة جدا هنا, و انا فى "تيفير" و دى مدينة صغيرة مش فى موسكو عشان كده معظم السيارات من الفئة المتوسطة لكنها متنوعة جدا.
الجو فعلا بقى تحت الصفر حاليا الحرارة بتتراوح بين 0 و -5 تحت الصفر, ربنا يستر.
و أحلى حاجة مفيش سيراتو كتير هنا 444546

رد: تجربة الكيا نيو سيراتو - 1600 سى سى اوتوماتيك.
 

صحيح ايه اكتر نوع عربيات منتشر في روسيا (غير العربيات الروسي طبعا )