مصر موتورز مجتمع السيارات - استفسر عن دهان سيارتك !!!!!!!

مصر موتورز مجتمع السيارات (https://www.masrmotors.com/vb/index.php)

- جسم و هيكل السيارة (https://www.masrmotors.com/vb/forumdisplay.php?f=176)

- - استفسر عن دهان سيارتك !!!!!!! (https://www.masrmotors.com/vb/showthread.php?t=103983)

رد: استفسر عن دهان سيارتك !!!!!!!

اقتباس:

المشاركة الأصلية كتبت بواسطة autofinish (المشاركة 858187)

http://www.masrmotors.com/vb/showthread.php?t=52220
ادى العيش لخبازه

استاذي الفاضل اولا رد علي الموضوع مستفز
بس احب اعرفك اني افضل واحد بدون غرور اكون خباز المهنه دي
اولا دي ورشة والدي من سنة 1984م ووالدي خبره 49 سنه في المهنه دي واتعلمها في عابدين
اللي هي اساس المهنه دي
وانا عملت الموضوع ده علشان الناس متكونش فريسه للصنايعيه معدومي الضمير وده واضح من افشاء بعض الاسرار الفنيه للمهنه
ثانيا لو هنتكلم عن سابقة الاعمال
1-مسئولين تجديد سيارات مجموعة شركات مصطف البليدي قبل وفاته
2-تجديد سيارات لكافة شركات التأمين حتي عام 2006م
3-مسئولين تجديد سيارات وزارة الزراعه حتي قيام الثوره
4-اول كابينة رش سيارات عموميه في الجيزه كلها وكان في ناس برده في القاهره بتجهز وتيجي ترش عندنا من الخياله وعين الصيره والسيده عائشه والقاهره كلها
قبل ما كباين الرش تكتر وتلم وتبوظ المهنه
ومكنش في غير كابينة مرسيدس بجوار مقار وفولفو ودي مراكز متخصصه
5-كان لينا اكثر من عميل عربي وكان في امير سعودي كان بيجبلنا عربيات نرشهاله من السعوديه وامريكا ويرجعها تاني
وعلي شرط العربيه تيجي من امريكا تترش نظافه في 8ساعات فقط وترجع تسافر تاني
6-بس حاليا والدي سنه كبر وبياخد شغل خفيف
7-الكابينة اللي عندي ركبها مهندسين ايطاليين سنة 1990 وكانت جاية من ايطاليا جديده واصروا انهم ياخدوا والدي يشتغل معاهم في ايطاليا مشرف دهان ورفض انه يسافرنظرا لإنبهارهم بخبرته وكان لسه سنه صغير
8-وخبرتي المتواضعه دي من 8سنين عمل مع والدي لحد متجهت لمجال تاني بس لسه الورشه بتاعت شغاله وليل عملائي الحمد لله
9-لو حضرتك تعرف توني اكبر مستورد للدهانات في التسعينات احنا اللي خلناه دخل البويه الفرن
10-لحد دلوقتي في عربيات بتجلنا من مراكز مشهوره لشخصيات مهمة لمعالجة عيوب بيها
11-في الفتره من 1998-حتي 2001 جالنا 3عربيات من مركز الوطنية للمرسيدس اللي في الجيزه لمعالجة بعض العيوب بها واعادة دهانها بالكامل

وطبعا ده جزء لضئيل جدا من سابقة الاعمال
علي مدار 29سنة

يبقي لازم تعرف انك تدي العيش لخبازه

رد: استفسر عن دهان سيارتك !!!!!!!

عزيزى ايمن الروبى
العبد لله الفقيراللى بيكتبلك واحد من 35فرد سافروا هولندا سنه1999 لتدريبات سيكنزوكذلك المانيا في شركه باسف جلازوريت في 2003 والوحيد في مصر المعتمدمن شركه ديبون العالميه اللى هى صاحبه ومالكه مصانع سبيس هيكر و ستاندوكس كدعم فنى و استشارى للالوان السيارات وتعديلها بما يتناسب من تركيبات خاصه للشرق الأوسط وتونى قسيس نفسه معرفش يعمل اللى انا عملته في شركته بل ان التحديثات كانت توصلنى قبل ما تجيلو ولو تسمع عن شركه اسمها شريون ويليمز في امريكا-دى زى كابسى في مصر-انا المشرف على معمل الألوان بتاعها وصدق اولا تصدق ان المعمل موجود في مصر بمدينه السادات وانا ومعايا بعض الزملاء بنقوم بعمل التركيبات الصحيحه ليهم على نظام الوانهم وهما عاملينو هنا علشان التكلفه اقل بكتير من امريكا
المهم يا سيدى اللى ما يعرفك يجهلك انت راجل بروفشنال في الصنعه وانا متخصص في الألوان والدعم الفنى زى المشاكل اللى مكن تواجها في عمليه الطلاء او استخدام منتجات جديدهمش عارف تتطبق ازاى زى كده وكمان عندى درايه بكافه انواع الدهانات العالميه والأصليه للسيارات يعنى ممكن ادلك على صنف البويه الأصلى للسياره علشان اللون يطلع تمام وعلى فكره السيكنز بقى ترتيبه الثالث عالميامن 2011 شوف يا معلم احنا ممكن نتعاون مع بعض ازاى احسن ما نخبط في بعض.......ماشى ياكبيييييير سلام

رد: استفسر عن دهان سيارتك !!!!!!!

اقتباس:

المشاركة الأصلية كتبت بواسطة autofinish (المشاركة 864388)

اولا انا مخبطش فيك لأن ده مش من اخلاقي وممكن تعيد قراية المشاركه بتاعتي
ثانيا كان ردك مستفز اعتقد كان في كلام افضل تخش ترد بيه يعني (الله ينور ) (او تضيف معلومه) مفيش مشكله انا عامل الموضوع ده لخدمة اعضاء المنتدي مش اكتر ومش علشان استفيد منهم بشغل مش تدخل وتقول ( ادي العيش لخبازه )
سلاااااااااام

رد: استفسر عن دهان سيارتك !!!!!!!

السلام عليكم

كان عندى استفسار عن دهان السيارة و درجة لمعانه , بمعنى ان حضرتك بتلاقى المرسيدس و البى ام الجديد بيلمع لمعة كدة غريبة .. اكنها مراية بالظبط ..

عندى عربية هوندا سيفيك 92 كحلى كنت عايز ارشها اسود .. بس عايز رشة مراية .. زى دى كدة http://www11.0zz0.com/2013/05/09/05/626167416.jpg هى نفس الموديل و نفس كل حاجة و نفس اللون اللى انا عايزه باللمعة دى بالظبط هتكون التكاليف ايه ؟! والله المستعان

رد: استفسر عن دهان سيارتك !!!!!!!

هو الموصوع اتقفل ولا ايه ؟! مفيش حد هنا

رد: استفسر عن دهان سيارتك !!!!!!!

اقتباس:

المشاركة الأصلية كتبت بواسطة M.Sami el adham (المشاركة 882602)

عزيزى التجهيز الصح لعمليه الطﻻء باستخدام مواد اصليه ذات جوده عاليه يدلك نفس النتيجه يعنى يفضل ان يكون مواد البطانه والمعجون من نفس ماركه االبويه اللى انت تفضلها وده برده بيعتمد على حرفيه عامل الطلاءفى استخدامها

رد: استفسر عن دهان سيارتك !!!!!!!

اولا احب اشكر استاذ ايمن على ذوقك ومساعدتك للجميع ومعلوماتك القيمة .
ثانيا دائما دائما الشجرة المثمرة تكون محط انظار الجميع فعلشان كدا هناك اخرون يحاولون الظهور على اكتاف الشخص الناجح وهو لو مكانش عارف قيمه موضوعك كويس وان هو قيم جدا مكانش اهتم انه يدخل ويعمل دعاية في موضوع حضرتك ..
على العموم حضرتك تستاهل كل خير وان شاء الله هيكون فيه تعاون بيننا قريب وانا ساكن جنبك وكان نفسي اقابل بجد حد محترف في المهنة دي لان على راي المثل .. النجومية مسؤولية .. وانت نجم نجم نجم وربنا يقدرك ويوفقك .