المشاركة الأصلية كتبت بواسطة Ahmed1977egypt (المشاركة 762847)

حتى لا احبط راغبى شراء اللوجان – ده كان تعليقات فى منتدى منافس قى نيل ماتور "لو رجع بيك الزمن قبل ما تشتري اللوجان ... كنت هتشتريها برضه؟"
اقتباس من AirForces = و رجع بيا الزمن كنت هجيبها برضو لأنها حققتلى كل اللى كنت عاوزه فى عربية فى الفئة دى ويمكن اكتر كمان وبحمد ربنا انه وفقنى ليها
اقتباس من mohamed1979= لو رجع بيا الزمن كنت حختار اللوجان بدون تفكير
فى الأساس انا بتاجر فى العربيات على خفيف و ركبت عربيات كتير جدا و من 5 سنين تقريبا دخلت فى موديلات الرينو عموما و عرفت قد ايه العربيات دى محترمه وقويه
لأستعمالى الشخصى جبت الأكسنت عربيه محترمه بس مفهاش ثبات و كان فى تقفلها مشاكل زجاج بيخرج من مكانه التابلو بيشقق من الشمس كراسى ناشفه بعتها و جبت الأفيو كسر زيرو من واحد صاحبى و يا رتنى ما جبتها بس الحمد لله
شف لوجى (حبتها من اول نظرة) عند محمد زكى اول دفعه فى المغربى حجزتها و استلمتها فى شهر 5/2009
معايا من سنه و الحمد لله بدون اى مشاكل و بعشقها
و الحمد لله مبسوط منها على الأخر و ربنا يكفينا شر طريقها
اقتباس من elshaky = انا لو رجع بيا الزمن هشترى لوجان من جديد حتى ولو معى فلوس الاكسنت ار بى لاسباب كتير
1- ارتفاع العربيه الذى لا يؤثر عليها تماما ( بسبب الايروداينمكس الرهيب اللى موجود فى العربيه )
2- الماتور الجبار ( وان كان اقل من الاكسنت ار بى لكنه بالنسبه لى ممتاز )
3- اوروبى ( لازم الكل يفسر الكلمه دى )
4- ثبات مفيش بعد كده ومش محتاج اكتير من كده يكفى انك تتخطى خط ال 180 بكل امان وراحه
5- حبى للعربيه الزائد عن حده بجد بحب العربيه اوى اوى وبضايق لما اقعد يوم ما اسوقهاش
6- يكفينى شرفا انى راكب عربيه اوروبى ومن صنع الشركه العالميه رينو
اقتباس من blackhorse123 =كنت بقارن بينها وبين الفيرنا وطبعا كنت هشتريها الف مره عربيه تحفه فى كل حاجه
اقتباس من أبو أدم = لو كان معايا نفس الفلوس ....

كنت هاجيب اللوجان ....... بلا تردد ........

وساعتها فكرت فى السيمبول والجين 2 ... زيرو ...
والانسر 1600 .... مستعملة ....

ولما ظهرت اللوجان قولت من غير مقارنة

و لا استلف ولا حاجة ....

انا مش عايز من العربية اكتر من كدة...... تبقى اللوجان

و بالاستخارة وفقنى الله و الحمد لله لللوجان
اقتباس من elshamy79 =
بصراحة أنا كنت بقارن بينها و بين بروتون ساجا و نيو أكسنت

بس بعد دراسة كويسة لقيت إن الساجا لازم تطلع بره المنافسة لحاجات كتير يطول شرحها
أما النيو أكسنت فلقيت إنى لازم أزود فى الميزانية حوالى 16 ألف جنيه على حاجات أقل ما يقال
عنها إنها مش مؤثرة معايا أوى ... على سبيل المثال لا الحصر :
- فرق التابلوه العصرى
- نظام التعليق الخلفى
- موتور هيونداى 1600 cc cvvt الجبار
- سعر إعادة البيع اللى مش بطال أبداً

بس بعد صلاة إستخارة .. ربنا وفقنى للوجان و إاستلمت موديل 2012 و لقيت حاجات كتير تانية لم تكن فى حسبانى بصراحة:
- علو مش طبيعى
- عفشة قوية ونعمة فى نفس الوقت
- موتور حاسس إنه هيسعفنى إن شاء الله ولو إنه فى التليين
- وسع الصالون اللى ما كنتش قادر أتوقعه

علماً بإنى متزوج وعندى أطفال فالجرى والتفحيط والغرز اللى على الضيق حاجات عفا عليها
الزمن بالنسبة لى .

وأولاً و أخيراً الحمد لله على كل شئ وربنا يطعما جميعاً خيرها و يكفينا شرها .. اللهم آمين
---------------------------------------
يريت اصحاب المنتدى تتفاعل حتى نعرف حقيقة اللوجان ولا خلاص محدش موجود