المشاركة الأصلية كتبت بواسطة aryme (المشاركة 277361)

بص ياباشا الاختيار فى الاول وفى الاخر ليك انتا بس اهم حاجة انتا اية ظروفك علشان كل واحد فينا بيشترى عربية بيبقى عارف هو شاريها علشان حاجة معينة يعنى مثلا انتا لو مش بتحب الجرى وعندك اسرة يبقى اللوجان صفقة رابحة شنطة كبيرة وصالون مش وحش وعفشة كويسة وموتور مش بتاع جرى - ولو انتا مثلا شاب وبتحب الجرى والمخاطرة على مسؤليتك يبقى الفرنا
موتور قوى فرامل تعبانة ومفيش ثبات بالنسبة لى فاشلة الصراحة - اما بالنسبة للانوس فهى اقتصادية جدا فى كل حاجة كمان اعادة البيع سهلة جدا - اما بقى لو جينا للصينى فهو محدش يقدر يحكم علية دلوقتى لكن انا سمعت من ناس كتير سواقيين تاكسى ان البى واى دى عربية جميلة جدا
فخمة من جوا وهاتجيبلها حاجات التويتا وقالوا كمان انها احسن من الاسبيرانزا والله واعلم
وفى النهاية انتا وحدك الى تقدر تحدد انتا عايز اية

المشاركة الأصلية كتبت بواسطة ابن فنان (المشاركة 277958)

الفيرنا كامه واحده

المشاركة الأصلية كتبت بواسطة Meemo The Beast (المشاركة 280316)

معنى كامة واحدة Single CAM أي عمود كامات واحد و هو عبارة عن عمود مصنوع من مادة شديدة تاصلابة مكانه رأس المحرك و هو مسئول عن فتح و غلق الصمامات (الصبابات) و في المحركات القديمة التصميم مثل اللوجان و الفيرنا ال1500 فقط يكون عمود كامة واحد مسئول عن فتح و غلق 8 صمامات 4 منهم بنزين و أربعة لخروج العادم من الشكمان و أما المحركات ذات الكامة المزدوجة Twin CAM وهي مسئولة عن فتح و إغلاق 16 صماما فهي الأحدث تصميما و تولد قوة حصانية أكبر مثل الفيرنا 1600 و الBYD
و حتى أكون دقيقا فإن المحركات ذات الكامة الواحدة أكثر إقتصادية و يمكن استخدام بنزين 80 معها بينما المحركات الأحدث ذات نسب الإنضغاط الأعلى تحتاج بنزين أعلى 90 أو 92 أوكتين