مصر موتورز مجتمع السيارات - استفسارات فى التقسيط 2010

مصر موتورز مجتمع السيارات (https://www.masrmotors.com/vb/index.php)

- تقسيط السيارات (https://www.masrmotors.com/vb/forumdisplay.php?f=62)

- - استفسارات فى التقسيط 2010 (https://www.masrmotors.com/vb/showthread.php?t=18042)

رد: عايزة أشتري عربية بالتقسيط في حدود .... ساعدوني

هى اللانوس عامة عربية كويسة, بس بعد مابقت تابع شيفروليه مستواها نزل, وبقوا بيحطوا فيها قطع أرخص وأسوء, علشان كده قلت الفيرنا أحسن, ده غير أنها تابعة لتوكيل منصور وده عيب فى حقها.

أنما هى عربية جميلة بالنسبة لكماليتها وسعرها, وتنفع للسواقة الهادية, وعامة أنتشار موديل اللانوس يدل على نجاحها.

رد: عايزة أشتري عربية بالتقسيط في حدود .... ساعدوني

نفسي أعرف الأتوس دي سعرها زاد 5000 ليه... من كتر ماهي مغرقه البلد ... ولا إمكانياتها الفظيعه يعني ... توكلي على الله وخدي السبارك وإن شاء الله مش هتندمي ...وحكاية قطع الغيار غاليه دي مش هتحتاجيها دلوقتي لأن العربيه لسه جديده وكمان لما تنتشر شويه القطع هترخص وهتبتدي تتوجد بره التوكيل فهيتخفض سعرها ... صلي إستخاره وتوكلي على الله .

مطلوب رد مفصل عن تقسيط المستعمل

السلام عليكم ورحمة الله وبركاته

أنا بفكر أشتري سيارة مستعملة وأرغب بمعرفة إمكانية تقسيطها من عدمه
وفي حالة إمكانية ذلك أرجو موافاتي بمقدار القسط والفائدة وكل التفاصيل (هنا في الموضوع) وفقاً للبيانات التي سأوفرها وهي كما يلي:

1- السيارات المطلوبة ما بين 75000 و80000 موديل 2007 أو 2008
2- المقدم المتاح 25000
3- أنا مقيم في القاهرة
4- يمكن تقديم مفردات مرتب ب5 آلاف جنيه
5- يمكن دفع قسط شهري بحد أقصى 1500 جنيه

المطلوب في حالة امكانية التقسيط:
1- نسبة الفائدة السنوية
2- القسط الشهري (إن كان ضمن السقف المحدد أعلاه)
3- أقصى عدد ممكن لسنوات التقسيط

شكراً مقدماً لكل من سيتفضل بالرد

رد: عايزة أشتري عربية بالتقسيط في حدود .... ساعدوني

متوسط السعر اللى انتى حطاها بيخلينى اسئلك ليه ما فكرتيش فى اللادا وخصوا ان الشكل بالنسبة ليكى مش عامل فرق وها تلاقى امكانيات وقطع غيار ومتانه ممتازة بالنسبة لفئة السعر ديه وعموما ان دلوقتى بقى فيها باور كمان يعنى عيب الدركسيون التقيل بقى مش موجود

رد: عايزة أشتري عربية بالتقسيط في حدود .... ساعدوني

injection ألف شكر على الرد والمتابعة والاهتمام لكنك رشحت عربية في فئة سعرية أعلى من إمكانياتي

bassemali أنا كنت شبه مستقرة على سبارك بس لما شفت أسعار قطع الغيار صراااحة خفت أخد الخطوة ديه .. عموما ردك شجعنى إن شاء الله أعمل استخارة وربنا يقدم اللى فيه الخير.. مشكور جداااااا

wael_khaled الحقيقة جربت سواقة اللادا ولقيتها متعبه وصعبة .. عموما لو فيها باور وتكييف وشبابيك كهربا وقفل مركزي ((((:))))) يمكن أغير فكرتي عن اللادا .. مشكور على الرد والاهتمام

الأخوة الطيبين انجكشن / باسم / وائل مشكورين على الرد الله يسعدك وييسر أمركم

طيب ايه رأيكم في الألتو 1100 معلش حتعبكم معايا

رد: عايزة أشتري عربية بالتقسيط في حدود .... ساعدوني

أنا دعبست شوية, ولقيت ريفيو بسيط عنها بأحد المواقع نظرا لأن ماليش أى أحتكاك معها.

اقتباس:

بداية الألتو منها موديلات كثيره بدأ من ال 800 سي سي و نهاية ب 1100 سي سي, ميزتها الوحيدة عن الماروتي التي هي في نفس حجمها هو انها مزودة بتكييف و تظل رخيصه الثمن.

المواصفات: 800 سي سي بدون كماليات

800 سي سي تكييف فقط

800 سي سي جميع الكماليات مانيوال

1.1 سي سي تكييف و كاسيت و سنتر, مانيوال

الأسعار: 800 سي سي بدون كماليات = 45,000

800 سي سي تكييف فقط = 49,000

800 سي سي جميع الكماليات مانيوال = 53,000

1.1 سي سي تكييف و كاسيت و سنتر, مانيوال = 60,000

اقتباس:

المميزات و العيوب

على الرغم من وجود مكيف هواء بالسياره إلا انه ليس ذا قيمه لإنه يضعف من عزم المحرك و يجعل القيادة مزعجه في حالة تشغيل التكييف, هذا بالنسبه للمحرك 800 سي سي, اما بالنسبه ل 1.1 سي سي فسعرها مبالغ فيه جدا و سيظل المحرك الصغير مزعج عند تشغيل المكيف.

السياره مجملا لم تحقق مبيعات و قطع غيارها مرتفعة الثمن و غير متاحه و مساحتها ضيقه, الأفضل منها في فئتها هي الماروتي.

وسعرها بصراحة غالى جدا بالنسبة لسيارة هاتشباك و سوزوكى كمان.

أيه رأى حضرتك فى البرايد, فيها كل اللى حضرتك طالباه بسعر أرخص كمان.

رابط خارجى عنها

http://www.egyspeed.com/blog/?p=128

رابط لموضوع بالمنتدى

http://www.masrmotors.com/vb/showthread.php?t=1511

رابط لقسم برايد بالمنتدى وبه مواضيع مهمة عنها.

http://www.masrmotors.com/vb/forumdisplay.php?f=136

رد: عايزة أشتري عربية بالتقسيط في حدود .... ساعدوني

مستر injection بجد اراء حضرتك ممتازة .. لان انا كمان كنت بفكر في الماروتي بس فعلا لقيتها فاضية بس هي المشكلة ان الماروتي ممكن تكون اقل قسط مقارنة بحاجات كتير بس لو الكيا برايد ممكن قسطها يكون برضه قريب من الماروتي هتكون احسن بس انا مش لاقيه اسعار لكيا برايد خالص هنا ع النت