مصر موتورز مجتمع السيارات - موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة farouk89 (المشاركة 668332)

استاذ سيد عندي سؤال وانا بلف في اشاره شمال مثلا وبجيب العجل علي الاخر في اتجاه الشمال بسمع طقطقه عند الجانب الشمال بس مش بسمعها لو لفيت العجل الناحيه التانيه ارجو النصيحه وربنا يستر

الكبالن تعيش انت

جوز كبالن صينى كويسين :120 بكاوتشاتهم بشحمهم بافيزاتهم بكل حاجه

مصنعية تركيب : 40 للكوبلنين مع بعض

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

عربيتي نصر 128 1300 cc موديل 2007 ... عايز أعرف خلوص التاكيهات بتاعتها كام بالظبط خلوص تاكيه العادم وتاكيه الحر لو سمحتم

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة eemmrr (المشاركة 678869)

بالنسبه لظبط التاكيهات فهى تعتبر عمل يحتاج دقه عالية جدا لان الخطاء الواحد فيها سيؤدى الى تدمير محرككك

فيجب عليك التوجه الى اقرب واحد بتاع تاكيهات
وهو هيعرف يظبطهالك

ولو حضرتك من القاهرة او ضواحيها فانصحك بالذهاب الى متخصص تاكيهات فى فم الخليج بالقرب من السيده زينب
اسمه
محمد حماصه وهو اكثر من ماهر فى ظبط التاكيهات فانصحك بالذهاب اليه حتى لو مكانك بعيد فهو يستاهل المشوار

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

استاذ سيد ارجو المساعده في الاتي

السلام عليكم

اولا بعد قرايتي لموضوع عن التاكيهات في المنتدي وخطورة اهمالها فقلت لازم اشوفها فسألت علي حد كويس ورحتله وظبتهالي غيرلي البتاع المدور ده معلش اعذرو جهلي مش عارف اسمه ايه بس تقريبا هوه ده التاكيهات قعد يقيس كل واحده فيهم المهم اتغيرو وسحب العربيه فعلا بقي احلي بكتير ولكن العربيه علي الغيار الاول بتطلع بصعوبه لازم ازود بنزين ككتير مع الدبرياج مكنتش كده قبل التاكيهات وبحس ساعات ان العربيه بترجج كده بس ديه مش بتحصل علي طول حاسس انها قلت لما مشيت بيها فهل ديه حاجه عابره وهتروح بعد فتره عشان الدنيا تاخد علي بعضها ولا فيه حاجه مش مظبوطه

ثانيا
غيرت مساعدين ورا وجبت اتنين صيني عارف انهم مش كويسين قوي بس انا هقعد بيهم سنه اتعلم عليهم ولو حصل حاجه ابقي اغيرهم المهم السست الي كانت موجوجده العفشجي قلي انها ورق مصري وكانت تلاته ومخليه العربيه نشفه جدااا قالي لازم تشيل واحده فشلت واحده وقلت اسمع كلامه وهشوف في المطب عامله ايه بس بعد موصلت بدوس كده علي العربيه من ورا سمعت صوت تزيييق فهل ده عشان لسه جديد ولا ايه بالظبط لكن وانا ماشي بالعربيه مفيش الصوت ده

شكرا

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة farouk89 (المشاركة 678976)

بالنسبه للتاكيهات اللى غيرها ديه اسمها اطباق وهو غيرها علشان القديمه كانت التخانه بتاعتها غير مناسبه وده تمام اللى عمله اما بالنسبه لموضوع ان بتدوس بنزين جامد علشان تطلع فممكن يكون ده احساس عابر فقط والعربيه بتطلع عادى علشان حضرتك بتقول سحبها جامد ولكن فى الطلوع فقط ده اللى عامل معاك مشكله على العموم استنى يومين لو الموضوع اتظبط يبقى خلاص لو متظبطش يبقى عليك وعلى الراجل اللى ظبطهم ممكن يكون فى طبق متظبطش كويس مثلا ولا حاجه وعموما خلى بالك ان ظبطة الصيف غير ظبطة الشتاء الصيف الراجل بيفتح التاكيهات علشان متسخنش منك والشتا بيقفلها علشان تسخن بسرعه معاك ومتكلش بنزين

بالنسبه لورق السوست فحضرتك هل التزييق ده جامد اصل عموما ال 128 (كلها اصوات بتطلع من كل نحية ) ههههههههههههه فلو الصوت ده جامد جدااا روح للعفشجى تانى وخليه يجرب معاك العربيه

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة sayed2077 (المشاركة 679905)

استاذ سيد مش متعود انك تتاخر علينا كده زعلتني
ولا يهمك انا بهزر معاك وربنا يكون فعونك انا روحت للميكانيكي قلت يبص عليها الاول طلع ان فيه خرطوم من الي طالع من البوجيهات مفكوك هوه بس فتح الكابوت وحطه وقلي اطلع جرب طبعا انا مصدقتش بس فعلا الموضوع اختفي وغيرت بقي الحاجات الي انت كنت قايل عليها تتغير اول لما تجيب العربيه وركبها ب 40 جنيه وجبتها كلها ب 130 نفس الماركات وكل حاجه فعاوز اعرف المصنعيه تمام ولا ايه عشان ابقي فاهم هوه قالي 50 بس نزلت 10

وموضوع التزييق ده تهيقات معلش ديه غلطتي

بس الوقتي لمبه الي جنب عداد تانك البنزين لونها برتقالي تقريبا بتنور وتطفي جدا بتبربش ممكن اعرف السبب هل ده فلتر الزيت عاوز يتغير عشان ده الحاجهالوحيده الي جبتها ومغيرتهاش لسه ارجو الافاده
وشكرا جدا علي ردك

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة farouk89 (المشاركة 679996)

معلش اعذرنى علشان بطاريتى اتسرقت وكنت سايبها مع سايس وكدا وعملتله محضر ومشاكل واتخانقنا وكان النهارده عليا امتحان ميكانيكا ورجعت البيت الساعه 2 بليل عقبال ما خدت حق بطارية جديده من السايس وعقبال ما قطرنا العربيه من قدام السايس لحد فندق الفور سيزون الحبل اتقطع واضريت استنى هناك عقبال ما المهندسين اللى معايا راحوا واشترولى بطاريه جديده وكان يوم اسود وراجع على البيت وداخل دخلة المعادى من الكورنيش لقيت لجنه ما يعلم بيها الا ربنا وعماله توقف العربيات عربيه عربيه انا قولت لو وقفونى يبقى اليوم كمل ومش رايح امتحانات كده بكره خلاص المهم الحمد لله عديت منهم وروحت الساعه 2 بليل تعبان وعاوز انام وعاوز اذااكر علشان الامتحان وربنا الوحيد اللى يعلم بحالى ومعلش لو صدعت دماغك معايا بس انا بحاول اوضح لحضرتك انا اتأخرت ليه المره ديه

واولا الحمد لله ان المشكله اتحلت خلاص

ثانيا جميل جدا انك جبت الحاجات اللى قولت عليها وهتحس ان المتور فايق معاك وم مكتوم وعلى فكره المصنعيه 40 جنية سعر ممتاز فعلا انا عندى الميكانيكى بتاعى بينفخنى لو حبيت اركب الحاجات ديه بس الحمد لله الواحد بقى بيعمل شوية حاجات بأيده ما عدا حاجات بسيطه كده وان شاء الله هتعلمها

بالنسبه للمبة البرتقالى اللى جنب البنزين فديه بترعش لما التنك بتاع البنزين بيبقى على النص مثالا فالبنزين مع المشيان والوقوف وكده بيترج جامد فالعوامه بتنزل وتطلع فلما بتنزل جامد بتنور اللمبة البرتقالى ولو حضرتك روحت فولت العربيه هتلاقى اللمبة مبقتش تنور تانى لان التانك مليان ومتقلقش من اللمبة البرتقالى ديه تحذير ان البنزين هيخلص والحكاية زى ما قولتلك بالظبط وعذرنى لو مش بدخل كتير علشان الامتحانات اللى ورايا والله واتمنى منك انك تدعيلى ربنا يسهلها معايا يارب وجزاك الله خيرا
اخوك فى الله سيد