رد: رابطة مالكى الاكسل
 

استفسار عن البنزين هل الاكسل موفرة للبنزين ام لا؟
وبمعني اخر هل استطيع ان احطلها بنزين 80 عشان اقتصادي ام لا؟ ولماذا ؟ وما مدي خطورته؟
وهل يفضل للتوفير اقلبها غاز ام انه غلط؟

رد: رابطة مالكى الاكسل
 

انا عن نفسى مظبطها وبحط ليها بنزين 80 ورغم ان معدل الأنضغاط للمحرك فى 1500 سى سى اكبر من 9 يعنى كده المفروض يتحط ليها بنزين 90 الا انى بحط 80 برضه *

رد: رابطة مالكى الاكسل
 

ممكن اعرف الفرق بين الاكسيل الهاتش بالك والسيدان من حيث قطع الغيار وتمنها وهل تختلف الهاتش باك عن السيدان فى قطع الغيار ولاهى هى ؟
وايه اول موديل فى الهاتش باك ؟ والتقفيل كورى ولا مصرى ؟
وياريت اسعار الهاتش باك لكل موديل

رد: رابطة مالكى الاكسل
 

زى بعض فى قطع الغيار ماعدا الشنطة و الرفارف الخلفية و يوجد كمان عربيات ببابين بس لكن نادر تشوفهم
اول موديل هاتش بالك 91 و طبعا كان كورى لكن فى بس قليل موديلات تقفيل مصرى
و الموديلات كلها زى بعض من 91 الى 98 و خلى بالك فى انواع انجيكشن و اخرى كاربيراتير زى السيدان بالظبط
الهاتش باك ارخص ممكن من 25 ل 27 حسب الحالة
السيدان افضل لان الهاتش تقيلة فى بيعها

رد: رابطة مالكى الاكسل
 

قدامي اكسل 94 وصاحبها طالب 27000 ولسه ما شفتهاش وبيقول التكيف محتاج سربنتينة
فياريت تقدرولي تساوي كام قبل ما اشوفها عشان اعرف اتفاوض معاه

رد: رابطة مالكى الاكسل
 

السلام عليكم
يا جماعة انا كنت عايز أسأل على أحسن ماركات و أنواع لتيل الفرامل يركب للإكسيل ،
وكمان أنضف انواع الطنابير الامامى والخلفى
يعنى من الآخر عايز نظام فرامل كامل بس يكون جامد أوى ولو فى تعديل للماستر او السيرفو او الخراطيم عشان يحسن الآداء يبقى تمام

فياريت اللى يعرف يقولنا بس ياريت بالتفاصيل المملة وكمان بالأسعار التقريبية
فى انتظار ردودكم
وشكرا

رد: رابطة مالكى الاكسل
 

1300 و لا 1500 و هاتش باك و لا سيدان و حالتها عاملة ايه ؟ ده المهم و ما تستعجلش و خد حد خبرة معاك اهم حاجة الحوض و القوايم و الشاسيه و انها ماتكونش رشه دواخل و بطارية و كاوتش جداد و لا لأ و هل العفشة مظبوطة و لا عاوزة شغل
و ربنا يكتبلك اللى فيه الخير