رد: تجربتي مع الماتريكس(حازم خضر)
 

هو دلوقتي لما تقول للاعضاء انا ركبت عربيات محدش فيكم ركب ربعها يبقي دا معناه ايه؟؟
هو حضرتك مش شايف انت بتقول ايه
وماحد شقال اني ركبت عربيات مصر كلها
انا كنت عايش في الامارات لفتره و ركبت عربيات ما نزلتش اساسا هنا
و اصحاب الماتريكس متهيالي ردوا عليك كويس و باقي الاعضاء
يا ريت تثبت عكس كلامي بالتجربه في الماتريكس او في اي عربيه تانيه

رد: تجربتي مع الماتريكس(حازم خضر)
 

السلام عليكم ورحمة الله وبركاته
ماتيجي نستهدى بالله كدة ياجماعة
آه بالمناسبة يا أ.حازم حضرتك كنت فين في الإمارات ياباشا؟
أ.حازم و م.كاكا مهما حصل فا دا موضوع عام على منتدى فبالتالي كلنا بنحاول ناخد بالنا من لهجتنا في الكلام والتخاطب وخاصتا لو كان كلامك موجه لشخص بعينه وأنا هنا بقصد م.كاكا بكلامي حاول تفيد وتستفيد ياعني لو شايف إني خبرتك كبيرة قوي في السيارات إعملنا موضوع وحاول تفيدنا وإيه رأيك لو نبدأ بالماتريكس ياعني مش عيب
كمان يا أ.حازم الموضوع مش محتاج كل المناقشة دي في التعليقات الموضوع جميل ولو حد من الأعضاء كان رأيه مخالف أو خرج عن المألوف إسلوب الحديث ممكن بمنتهى البساطة نعتبر رأيه لشخصه أو نعتبر الإختلاف في الرأي لا يسفسد للود قضية وصوابع إيدك مش زي بعضها ولا كل الناس أسلوب تخاطبها زي بعضه.
عموما وعن تجربة شخصية أنا كانت معايا ماتريكس أوتو مو 2004 وبقول كانت لأني ربنا رحمها مني من كام يوم وبعتها وبصراحة هيا حمالة قسية مقالتشي لأ على أي بهدلة ياعني (كانت بتاخد على دماغها وترجع تتصلح وتمشي وتخدم تاني)ROSE4U.
وعلى فكرة كون السيارة تقيلة على ماتورها أو لأ فا دا بيرجع لوضع خاص بالسوق المصري وكمان وجهة نظر كل واحد ياعني هنا الماتركس 1800 سي سي وبردو ماكانشي عاجبني سحبها وبقول عليها بطة بلدي وواحد تاني ممكن تكون عاجباه جدا 1600.
GIFT4U

رد: تجربتي مع الماتريكس(حازم خضر)
 

يا جماعة هو اللى يقول كلمة حق فى الزمن دة يبقى وحش ؟؟؟ العربية ثقيلة فعلا على الموتور و صعب تنقذك من اى موقف فى الطريق او تخطى سيارة اخرى الا اذا فحتت الموتور يعنى كارثة و عاملين الموتور 16 صباب من غير اى لزمة و لا لهم اى فائدة فى سحبها و شغل التكيف بعد ما تغير فلتر البنزين و شم احلى ريحة بنزين فى الصالون و استمتع بأحلى دبدبة فى المطباط
و حمل و اطلع مطلع و شم احلى شياط من اسطوانة الدبرياج و العربية لسة جديدة و لو نسيت الحزام و ضربت فرامل ممكن تقع من على الكرسى او تلبس فى البربريز لان الكرسى عالى و بلاستك التبلوه تعبان و مش انيق خالص و بيلم تراب بغباء و مش سهل تنظيفه بسبب خشونته و الشنطة صغيرة لا تسع شنط السفر و المصيبة الاكبر ان كل ما واحد يسند على العربية لازم ارد وراه الصاج بسبب ضعفه الشديد اقول كمان و لا اكتفى بذلك

رد: تجربتي مع الماتريكس(حازم خضر)
 

قشطه يا باشا ... تعالالي بقى من خلال الشاشه
تصدق ان انا معايا الاوتوماتيك منها ومعدي بيها ال100 الف كم وملتزم بالصيانه في التوكيل كل 10 الاف
وطبعا كل مره بغير زيت و فلاتر ... وعمري ما شميت ريحه بنزين
وعربيات كتيره بيكون الفلتر تحت الكنبه .. فمش عارف ايه كانت المشكله بالنسبه ليك .. يمكن وانت بتغير الفلتر دلدقت شويه بنزين و لا حاجه

الغريبه بقى اني سافرت بيها شرم الشيخ مرتين وكنا اربعه كبار و طفلين والشنطه شالت كل شنطنا ولو حضرتك عندك اطفال حتبقى عارف انهم بيحتاجو هدوم و غيارات في السفر اكتر من الكبار .. يعني شنطهم اكتر و اكبر من شنط الكبار
اصل اكيد انت عارف ان الكنبه بتطلع لقدام فالشنطه بتكبر و كمان فيه مسند فوق الشنطه بتحط عليه الاكياس و الحاجات الصغيره
وطبعا العربيه كانت محمله على الاخر بني ادمين و شنط بس الحمد لله ان عفشتها اللي بتدبدب في المطبات موطيتش العربيه و خليتها تبرك في الارض والا مكنتش حعرف اعدي اي مطب
وتصدق كنت ماشي بالعربيه 140 كم /س والحمد لله الفتيس لا اشتكى من تحميل و لا الموتور اشتكى من سرعه
وطبعا سفريتين شرم دول غير سفر اسكندريه مرتين في السنه و بيكون معايا الوالد و الوالده و طفلين 7 و 3 سنين ... وتخيل باخد معايا فوق الشنط عربيه اطفال .. بس الصراحه باخد الصغيره اللي بتتطبق مش الجريكو الكبيره

طيب حضرتك بتقول انك لو فرملت جامد حتتزحلق من على الكرسي تخبط في البرابريز ... ليه هو انت ناوي تطلع فوق التابلوه !!!
اصل التابلوه كبير و طويل و البرابريز بعيد اوي عنه !!
فبصراحه مش فاهم انت ازاي وقعت من على الكرسي ... هيا مره حصلت مع بنتي كانت قاعده جنبي و نامت وفرملت جامد شويه فتزحلقت في الدواسه ... بس هيا عندها سبع سنين ومن الحجم السمباتيك
ما علينا
عموما التابلوه خامته زي خامه اي عربيه كوري .. بلاستيكي ناشف .. لكن بقاله 4 سنين لا شقق و لا لونه غير و لا قشر ولا قال هات حته حته حته :)
الصاج ضعيف زي اي عربيه جديده دلوقتي يعني مش حاجه جديده بس انا دايما بسند على العربيه وعمري ما احتجت ارد صاج .. لكن فعلا مره واحد دخل جامد في الباب الوراني و خبط عليه جامد بايدي رديته تاني :)

بس انا عايز اسألك سؤال
انا لاحظت ان عضويتك بقالها سنه كامله من نوفمبر 2009
لكن مشاركاتك 4 بس كلهم في الموضوع ده اللي بقاله اكتر من 7 شهور
ايه يا باشا .. هو انت عملت عضويه في المنتدى و بعدين سافرت في حته مفياش نت و لا ايه !!!
ولا النت عندك ما بتلقطش غير الموضوع ده بالذات !!!!
يا ريت نشوف مشاركاتك و خبراتك في اقسام المنتدى المختلفه و فكك بقى من الموضوع

اقول كمان و لا تكتفي بذلك :)

رد: تجربتي مع الماتريكس(حازم خضر)
 

براحة علية شوية و النبى علشان انا قلبى ضعيف و على فكرة العربية اللى كانت معايا مانيوال مش اتوماتيك و لو معايا اتوماتيك كنت شقيت هدومى منها و فى ناس كتير قابلتهم فى التوكيل بيشتكوا من رائحة البنزين بسبب النظام الغبى بتاع الفلتر فى التانك يعنى انا مش حالة فردية زى ما انت فاكر و على العموم انت لو مغرم بها و بتتغاضى عن مساوئها بهذا الشكل فحلال عليك الماتريكس اما انا فالحمد لله تخلصت من سواقة الميكروباص الماتريكس اخيرا و نصحت الناس لوجه الله ليس اكثر لانى حكمت عليها بعقلى و ليس بعاطفتى و بحكم خبرتى كمهندس ميكانيكا و لكم الشكر و التقدير و كل عام و انتم بخير بمناسبة العيد .