مصر موتورز مجتمع السيارات - اسعار قطع غيار رينو لوجان

يا باشا انا عن نفسى بعد تجربه اللوجان فانا شايف انها احسن اختيار
العيب الوحيد اللى فيها هو انه قطع غيارها ممكن تكون اغلى شويه من الفيرنا
لكن ثبات احسن من الفيرنا
عيوب تقفيل اقل بكتير من الفيرنا
سعر ارخص من الفيرنا
كاوتش اكبر من الفيرنا من غير ما تحتاج تجنط(زى الفيرنا)
فول اوبشن زى الفيرنا
موتور 1600 معدل انه يشتغل ببنزين 80(طبعا دى ضربه قاتله للفيرنا واللانوس على حد السواء ده لو كان ال80 موجود بس مش مشكله)
انا ركبت الاتنين وحسيت ان الصالون قريب من بعضه فى المساحه
فى حين ان اللوجان خاماتها انضف
بس لو انت بتحب الجرى والشد والكلام ده يبقى فيرنا عربيه بتطلع من اى عربيه 1600 موجوده
واى استفسار انا موجود بأذن الله اخوك بوب الجامد

السلام عليكم
الف شكر يا باشا على المجهود الرائع ده
انا بس عاوز اتأكد من معلومة ان الموتور بتاع اللوجان 2010 ينفع يشتغل ببنزين 80 من غير مشاكل او انك تضطر تلعب فى كهربة العربية
برجاء الرد للاهمية
مع خالص تحياتى