رد: كل ما يخص بيجو 307
السلام عليكم ورحمة الله وبركاته وكل عام وانتم بخير يا جماعة انا عندى كذا مشكلة فى ال 307 موديل 2006 منها ال بى اس اى اللى مش مخلى الشنطة تفتح والسى فى بتاع الكلاكس وكذا حاجة كمان الحاجات دى اسعارها خيالية فى التوكيل حد يعرف مكان غير الحرفيين لانهم بصراحة استغلاليين جدا سمعت ان فيه قطع مستعملة ليها فى قليوب وطنطا ودمنهور حد جاب حاجة من هناك؟لو حد يعرف اى مكان كويس يا ريت يقولى
|
رد: كل ما يخص بيجو 307
انا احترت بجد , ناس تقول العربيه تحفه وناس تقول وحشه وتكيفها سيئ وقطع غيارها غاليه والفتيس فيه مشكله وحرارتها بتعلى وسعر اعاده البيع وحش وصيانتها فى مصر صعبه , انا عايز اجيبها لانها عجبانى جداا بس الكلام اللى بقراه محيرنى |
رد: كل ما يخص بيجو 307
اقتباس:
مش دى شركة بيجو اللى نعرفها العربية عيوبها بالجملة والمشكله الاكبر سعر اعادة البيع ومتقولش مش عاوز ابيع |
رد: كل ما يخص بيجو 307
اقتباس:
العربيه ثابته جدا ومريحه جدا والتكنولوجيا فى عاليه التكيف بتعها حلو ومش سيئ خالص قطع الغيار بتعتها غاليه نسبيا لكن مش قوى بس معمره انا بصلح الحاجات المهمه فى التوكيل بص السيرفس الكامل فى التوكيل بى 700 جنيه طبعا مش اى حد بيصلحها يعنى الحرفيين ناس متخصصه فى البيجو بس موضوع الفتيس انت لو سخنت العربيه قبل متطلع الصبح هتلاقيها معاك تمام انا من ساعه مجبتها النتشه محصلتش معايا كتير اعتقد مرات قليله وعموما اى عربيه هتحافظ عليها هتبقى معاك كويس لو بهدلتها هتبهدلك طبعا اعاده البيع مقلكش شوف العربيه كانت زيرو بكام وانت لو جبتها مستعمل بكام نصيه لو بتغير على طول مجبهاش لكن لو هتجيبها تقعد معاك مثلا بال 8 سنين او كده يبقى هاتها هيبقى معاك عربيه ماركه كويسه ومريحه واوبشن وكله وربنا يوفقك فى الافضل |
رد: كل ما يخص بيجو 307
السلام عليكم
شكراً علي الموضوع الرائع وارجو الافاده بخصوص سيارة بيجو 307 sw موديل 2007 اوتوماتك مطلوب 85 وارجو معلومات عن قطع الغيار و الصيانه شكراً |
الساعة الآن 07:15 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017