رد: حوار مع ابليس
 

لا اله الا انت سبحانك اني كنت من الظالمين

اللهم انت ربي لا اله الا انت خلقتني وانا عبدك وانا علي عهدك ووعدك ما استطعت اعوذ بك من شر ما صنعت ابوء لك بنعمتك علي وابوء لك بذنبي فاغفر لي فانه لا يغفر الذنوب الا انت


لا الله الا الله

ربنا يرحمها ويتولاها برحمته ويصبرك يا استاذنا وربنا قادر يخفس بابليس سابع ارض لاكن حكمة ربنا انه مسخره علشان الناس اللي ايمانها ضعيف واانا اتمني ان ايماني يكون قوي زي حضرتك وياريت حضرتك تدعيلنا بالهدايه

رد: إسترجل وخليك بطاطس !!!!!!!!!
 

رد: يوم فى التجنيد ....... ربنا مايخلى حد يشوفة !!!!!!
 

عندك حق يااستاذ محمد بس عايز اقول لحضرتك حاجة ان كل اللى هناك واحنا خارجين قعد يشتم ويدى ويلعن فى اليوم اللى اتولد فية ومنهم كتييير واخدين اعفاء زى المشكلة ان ياريت يكون التعامل ميرى او عسكرى دة احب ماعلينا يكون فى نظام انما التعامل مش كدة خالص درجة بالغة السوء وعلى فكرة انا قدمت فى اختبارات الشرطة من 4 سنين وعديت وزن وطول وكلة وخرجت طبى عظام والمعاملة كانت على احسن مايكون والله يعنى الشرطة طلعت احسن من الجيش 10000 مرة وتقبل خالص تحياتى وكل عام وحضرتك بخير

المصري والعفريت
 

لقيت الفانوس مرة ودعكته -- طلعلى عفريت قاللى شبيك لبيك

قلت خلاص الذل أنا ودعته -- ويا عفريت بالطلبات هاهريك

قالى هأوأو يا إنسان -- دانا العفريت بن الجان

ما يهمنيش مكان وزمان -- واطلب وعندى البرهان

قلتله عاوز قمح زُرع فى مصر -- ومسؤولين يبطلوا فشر

وحكومة متعصرنيش عصر -- ومرتب يسترنى لآخر الشهر

وعاوز عيش بدون طوابير -- وحكومة ضد التبذير

وانتخابات من غير تزوير -- ورئيس سابق أشوفه كتير

وعاوز فى بيتى كيلو دقيق -- وسبب مقنع لأى حريق

ومجلس شعب بدون تصفيق -- وفى كأس العالم لينا فريق

وعاوز أزور شرم الشيخ -- وصباعين كفتة اللى فى السيخ

وأشرب مرة عصير بطيخ -- وأخرج من القسم بدون تلطيخ

ونفسى الضحكة ترجع تانى -- وحتة لحمة كندوز أو ضانى

وجنيه مصرى زى البرانى -- ورصيف للمشى أنا وخلاّنى

رد العفريت عليا بغشم -- وقال يا مصرى ماكنش العشم

بص.. أنا ممكن أنقلك الهرم -- واسدلك الأوزون اللى اتخرم

وأرجعلك الأكل اللى اتهضم -- وأعملك بقرة من الغنم

وأعملك قصر من العدم -- وأقولك معنى شرم برم

بس طلباتك طلبات ملموس -- عقله خلاص أكله السوس

ده تخطيط يا بنى ومدروس -- إنك تعيش على طول موكوس

وأحنا بناخد منكوا دروس -- إزاى نخلى العفريت متعوس

ويا رب ترجعنى تانى الفانوس -- وزى بعضه أعيش محبوس

بدل ما أخرج واتبهدل زيك -- وأعيش موكوس على متعوس
الموضوع منقول

الموت علي الطريقه المصريه
 

الموت على الطريقة المصرية



واحد ‏سأل ‏مصرى: عايز ‏تموت ‏إزاي ‏؟



عاوز ‏تموت ‏شهيد

يا تركب ‏قطر

يا تركب ‏عباره

‏ياتركب طياره



عاوز ‏تموت ‏م ‏الجوع

ياتشترى ‏شقه ‏بالقسط

ياتشترى ‏عربيه ‏بالقسط

يا تدخل عيالك مدرسة خاصة



عاوز ‏تموت ‏م ‏الحسره

ياتتفرج ‏ع ‏الفاترينات ‏فى ‏ستى ‏ستارز

ياتروح ‏زياره ‏لمارينا





عاوز ‏تموت ‏م ‏الغيظ

ياتتفرج ‏ع ‏القنوات ‏المحليه

ياتتفرج ‏ع ‏النشره ‏الجويه



عاوز ‏تموت ‏م ‏الزهق

ياتستنى ‏الإشاره ‏لما ‏تفتح

ياتستنى ‏دورك ‏فى ‏التأمين ‏الصحى

ياتستنى ‏دورك فى الفرن



عاوز ‏تموت ‏م ‏الهبل

يا تسمع تصريحات المسئولين بعد كل كارثة

يا تتفرج على برامج المسابقات



عاوز ‏تموت ‏مخنوق

ياتروح ‏مصلحه ‏حكوميه

يا تقرا ‏الجريده ‏اليوميه



عاوز ‏تموت م الخضة

يا تركب ميكروباص

يا تعدى الشارع على رجليك



عاوز ‏تموت ‏مفروووس

ياتقف تستنى ‏تاكسى

ياتركب الترام



عاوز ‏تموت ‏مرعوووووب

ياتستنى ‏نتيجه ‏الثانويه ‏العامه

ياتستنى ‏نتيجه ‏التحاليل ‏عند ‏الدكتور



عاوز ‏تموت ‏مشهور

ياتتجوز ‏رقاصه

ياتنصب ‏على ‏بنك



عاوز ‏تموت ‏مليونير

ياتعمل ‏فيديو ‏كليب

ياتلعب ‏كوره



عاوز ‏تموت ‏ورا ‏الشمس

ياتشغل ‏مخك

ياتفتح ‏بؤك



عاوز ‏تموت ‏م ‏الحزن

ياتحط ‏الحكومه ‏ف ‏بالك

يا ‏تشجع ‏الزمالك



عاوز ‏تموت ‏م ‏الضحك

يا تسمع تصريحات وزارتا الصحة و التعليم

يا تروح تتطعم من أنفلوانزا الخنازير



عاوز ‏تموت ‏ف ‏حالك

أعمل ‏نفسك ‏دايما....‏مش ‏واخد ‏بالك444546