مصر موتورز مجتمع السيارات - رابطة مالكى الاكسل

مصر موتورز مجتمع السيارات (https://www.masrmotors.com/vb/index.php)

- Hyundai Excel - اكسيل (https://www.masrmotors.com/vb/forumdisplay.php?f=241)

- - رابطة مالكى الاكسل (https://www.masrmotors.com/vb/showthread.php?t=22421)

رد: رابطة مالكى الاكسل

اقتباس:

المشاركة الأصلية كتبت بواسطة miam0502788391 (المشاركة 592984)

حد يعرف اسعار مقصات الاكسيل بكام جديد أو استيراد
الطقم بيجى كله مع الجلب والبيض ولا كل حاجة بتتباع لوحدها ؟؟

دى اسعار حاجات فى العفشة جديدة شاريها من حوالى 3 شهور

مقص كورى 150 جنيه مش هيونداى
مسمار ميزان 15 جنيه اصلى هيونداى
كاوتش مسمار ميزان 10 جنيه للقطعة اصلى هيونداى
طقم تيل خلفى كورى اصلى هيونداى 115 جنيه
طقم تيل خلفى كورى 65 جنيه

و طقم المقصات بيجى مع بعضه جلب و بيض و كله و بالمرة اكشف على العفشة كلها بالمرة عشان تخلص
و الافضل طبعا الجديد و اى حاجة فى العفشة لازم تكون جديدة
و لو انت فى المنصورة اعملها عند عبده فواكه و اشترى الحاجة من عند عادل وديع

و ماترميش او تسيب المقصات القديمة لان ممكن تحتاج منها مسمار او حتى صامولة بعد كده

رد: رابطة مالكى الاكسل

السلام عليكم
بالنسبة للفرامل
النهارده لاحظت انى قبل ما اشغل الكونتاك دوست ع الفرامل لقيتها ناشفه اول ما شغلت العربيه لقيته نزلت تحت رجلى وطرت شوية ( وجالى نفس شعور لما تكون الفرامل هربانه -- ربنا ما يوريها لحد ) بس هى شغاله كويس بس قلقان من انها طرية شوية
هل هذا طبيعي ؟ ولا لازم تكون ناشفه وفى مقاومه لرجلى فى جميع الاحيان سواء العربيه مبطله او شغاله
(( لان عندى زيت الفرامل بينقص مقدار شفة خزان الزيت كل اسبوعين تلاته مثلا ))
نرجو الافاده وشكرا جزيلا

رد: رابطة مالكى الاكسل

اقتباس:

المشاركة الأصلية كتبت بواسطة Good09 (المشاركة 593063)

جزاكم الله خيرا
بس ايه الفرق بقا بين الكورى والاصلي والاورجينال
وكمان وجدت فى كلام حضرتك كلمة مش هيونداى يعنى ايه ؟
مع العلم طبعا ان العربيه اصلا كوري ؟ يبقي ليه التاجر بيفرق بين الكورى والاورجينال ؟

وفين مكان عبده فواكه ؟ من فضلك

وياريت لو نتعرف ونتقابل فى بلدنا المنصورة يكون لينا الشرف اكيد

وشكرا جزيلا

رد: رابطة مالكى الاكسل

اقتباس:

المشاركة الأصلية كتبت بواسطة waelsalah (المشاركة 593057)

السلام عليكم
هل يلزم للكاوتش الجديد ترصيص للاربع اطارات بالجنوط
ولا ده امر استثنائي احتياطى
وشكرا جزيلا

السلام عليكم يا استاذ وائل
لازم ترصص لأن وزن الجنط بالكاوتش القديم غير وزنه بالكاوتش الجديد
فيه ناس كمان بتقول لازم تظبط زوايا بعد الكاوتش الجديد لو مركب كاوتش امامى

رد: رابطة مالكى الاكسل

اقتباس:

المشاركة الأصلية كتبت بواسطة waelsalah (المشاركة 593088)

الفرامل وانت مبطل العربية بتكون ناشفة ولما تدور بتكون طريه ده طبيعى
اللى مش طبيعى انك لما دوس العربية لا تهدى او تقف على درجة الضغط اللى حضرتك متعود عليه
لو حضرتك حاسس ان الفرامل واطيه شويه ممكن تعلى عادى , خلى العفشجى يطلع الهوا اللى فيها ويكون من الاربع عجلات مش من عجلة واحدة او اتنين زى ما بعض العفشجية بيستسهل
بالمرة خليه يتأكد من دورة الفرامل من عند الخزان لحد التيل وشوف اذا كانت جلد خزنة الفرامل اللى ورا هى اللى بتسرب الزيت ولا لأ وده مش هيبان الا لما تفك الطنبورة