رد: اى سؤال بخصوص الرخام و الجرانيت انا تحت امركم
 

بصفة عامة لاينصح بعمل قرص المطابخ من الرخام . اما بخصوص نوعية الرخام الكاليميرا فهو رخام تركى لونة بيج ويحتاج للمحافظة الشديدة وخصوصا من الزيوت حيث تسبب بقع لايمكن ازالتها .
اما بخصوص الاسعار فلكى لا اظلم احد شغل المطابخ تحديدا لا يمكن تقييم السعر الا بعد رفع المقاسات وايضا معرفة مكان التركيب ( لحساب تكلفة النقل ) وايضا معرفة الشقة بالدور الكام ( لحساب تكلفة التشوين ) فشقة بالدور الاول تختلف عن شقة بالدور السابع مثلا . واخيرا كمية الرخام بالمتر المربع ( تكاليف مطبخ باجمالى 4م2 تختلف عن مطبخ 10 م2 )
مع خالص تحياتى

رد: اى سؤال بخصوص الرخام و الجرانيت انا تحت امركم
 

انا ليا استفسار هو الجرانيت لسلام العمارة اية احسن نوع ويستحمل و تكلفة ممكن تكون فى حدود كام ؟ شكرا

رد: اى سؤال بخصوص الرخام و الجرانيت انا تحت امركم
 

الافضل ان تكون الخامة من اى نوع جرانيت مصرى والنوع يحدد على حسب اللون المطلوب اما عن التكلفة هتكون فى حدود 250 جم للمتر الطولى

رد: اى سؤال بخصوص الرخام و الجرانيت انا تحت امركم
 

هل ممكن يكون فيه رخام فاتح للارضيات لا يحدث فيه بقع ام كل الرخام بيبقع والافضل هو الجرانيت بس الجرانيت ديما غامق وانا محتاج فاتح جدا من فضلك انصحني بايه فاتح اوي زي لون الجلاله بس طبعا جلاله رخام بينقر ويبقع محتاج لو جرانيت نفس الون او افتح كمان او رخام لا يحدث فيه بقع ؟؟؟؟؟؟

شكرا لحضرتك

رد: اى سؤال بخصوص الرخام و الجرانيت انا تحت امركم
 

لو حضرتك محتاج خامة بيج سادة فافضل خامة هى الكاليميرا وهى رخام تركى . اما بخصوص البقع انا بخاف من الرخام فى قرص المطابخ لوجود زيت او شاى او خلافة من الاشياء التى من الممكن ان تسبب بقع فى الرخام . اما فى ارضية رسيبشن فالاحتمال غير وارد

رد: اى سؤال بخصوص الرخام و الجرانيت انا تحت امركم
 

والله احتمال شيء يقع عليه وارد طبعا اطفال ومساحه كبيره فالاحتمال وارد هل الكاليميرا التركي بيبقع برده ولو بيبقع ايه جرانيت فاتح ينفع يكون في الارضيات ؟؟؟؟؟؟

رد: اى سؤال بخصوص الرخام و الجرانيت انا تحت امركم
 

حضرتك قلت انك لا تحبذ الرخام المصرى بكل انواعه فى الارضيات بسبب التنقير والحفر بمرور الوقت ... لكن فيه بعض الشركات بتقول انهم بيعالجوه فى افران حرارية لغلق المسام وبالتالى لا ينقر مع الوقت ، ايه رأى حضرتك فى الكلام ده ؟؟؟؟؟
وايه انسب نوع رخام سواء مصرى او مستورد يكون سعره معقول باللون البيج يناسب ارضيات الريسبشن
وسعره كام رخام الكاليميرا التركى والكريم مارفل ؟؟؟؟