|
سوال مهم لو سمحتم
لو سمحتم عاوزة استفسر عن حاجة انا الحمد الله اشتريت سيارة لوجن جديدة من اسبوع من المعرض ودفعت 3.5 % كاش من قيمة السيارة تامين للمعرض حوالى 2345 وهو اللى جابلى وثيقة التامين من شركة اسمها مصر للتامين التكافلى ما كتبتش ولا مضيت على اى ورقة ولما اتحكت منى العربية رحت المعرض دخلنى لمكتب التامين وقالولى لازم تجيبى لينا مقايسة اصلاح من التوكيل ب 250 جنية وبعدين يجى المندوب يعاين ثم استنى موافقة الشركة ثم اصلح واجيب الفواتيروبعدين الشيك يطلع بعد 20 يوم هل دى هى الاجراءات ولا دى شركة معقدة وانا اضحك علية واعمل معاهم ايةptmnlo123per144
<!-- / message --> <!-- controls -->http://forum.masrmotors.com/AboNoRa_...c/progress.gif |
رد: سوال مهم لو سمحتم
ايه مقايسة اصلاح من التوكيل ب 250 جنيه ديه انا عربيتي كان الكاوتش عندي اضرب بمطوه 3 فرد الله يجازي اللي عمل كدا ولو اعرفه مش هسيبة غير في العناية المركزة المهم عملت محضر واتصلت بالتامين واديتهم رقم المحضر وبعتوا واحد من عندهم جه عاين العربية وقلي تحب تعملها فين قولتله التوكيل طبعا بدون تفكير المهم بعتولي ونش خد العربية وروحت التوكيل بصوا علي العربية ومضولي علي استلام العربية وكلمت التامين عندي وقالوي العربية هتستلمها بعد يومين وهيكون الشيك رحلهم في التوكيل وفعلا بعد يومين اتصلت بيهم في التوكيل قالولي العربية خلصت لكن في 200 جنيه بس هدفعهم نتجية استهلاك الكاوتش في العربية وكانت الفاتورة عاملة 1150 جنيه قولت مش مشكلة ودفعتهم وخدت العربية ولا روحت عملت مقايسة ولا دفعت المبلغ كله وروحت طالبت بيه التامين ولا الكلام ده كله اللي انتي بتقولي عليه شكلهم كدا هيخلوكي تلفي حوالين نفسك انتا ادخلي فيهم شمال زي العبد لله علشان انا اول ما كلمت بتوع التامين عندي قالولي الكاوتش مش متغطي في الضمان روحت قولتلهم تــــــــــــــــــــــــ ـــــيـــــــــــــــــــ ــــت وربتلهم الرعب وخليتهم قالولي خلاص اوك هندخلها التوكيل بس الكلام ده خد تقريبا لحد ما استلمت العربية 3 اسابيع عبال ما طلع روحي معاهم
|
رد: سوال مهم لو سمحتم
بس انا عايز اقولك حاجه يا ريت تصوري بس التجريحة اللي في العربية وانا هقولك علي الصح اللي المفروض يتعمل علشان ممكن تتعالج بحاجات سهلة جدا ومتتعبيش نفسك مع التامين لو العربية تجريح بس بسيطة جدا لكن لو تجريح والصاج عندك اطبق ده بتبقي مشكلة تانية فصوريها احسن وارفعيها علي المنتدي
|
كيفيه التامين على السياره
بسم الله الرحمن الرحيم
الاخوه الاعزاء باذن الله سوف استلم سياره كيا برايد (سايبا) موديل 2009 بعد عده ايام بتقسيط 50% على سنتين اريد معرفه احسن شركات التامين واكثرهم مصداقيه بدون غش وباسمع عن نسبه تحمل وبلاغ وحاجات كثير مش فاهمه خالص واحسن الطرق للحصول على التامين فى حاله لاقدر الله حدوث حادث ولك جريل الشكر الاستاذ محمود فراج 0183391113 mahmoudfrag665@yahoo.com |
رد: كيفيه التامين على السياره
اولا مبروك على السيارة
انا هاتكلم عن قناة السويس للتامين النسبة للسيارة الزيرو بدون اى تحمل 3.25 % + مصاريف الاصدار بتحمل 4 فى الالف 2.6 % + مصاريف الاصدار تحمل 4 فى الالف هوة 4 جنية لكل الف من ثمن السيارة و النسبة دى ثابتة لا تتغير يعنى لو العربية ثمنها 100.000 جنية تدفع فى كل حادث 400 جنية لكل مرة تصلح فيها و هنا التحمل معمول على شان سعر الوثيقة يبقى اقل شوية فىالفلوس و احب اقولك ان لما بتصلح بيبقى فى نسبة استهلاك قطع غيار و دة فى كل الشركات تدفع 10% من قيمة قطع الغيار الجديدة مثال يعنى لو انت هاتصلح فى التوكيل و السارة كانت مشتريات قطع الغيار 1000 جنية تدفع 100 جنية عند قناة السويس توكيل فى ابو رواش معتمد كيا نسبة استهلاك قطع الغيار 3% فقط يعنى لو قيمة مشتريات السيارة 1000 جنية هاتدفع استهلاك 30 جنية مش 100 جنية و الله ولى التوفيق |
رد: سوال مهم لو سمحتم
السلام عليكم
هما ما نصبوش عليكى دة النظام المتبع للشركات التى تعتبر ضعيفة فى السوق الشركات الكبيرة بيبقى ليها نظام افضل بيبقى فى تعاقد مع مراكز تصليح و بتروحى تصلحى بس و ما تدفعيش فلوس غير التحملات التى منصوص عليها فىالوثيقة لكن مافيش نصب ولا حاجة |
رد: كيفيه التامين على السياره
مشكور ياستاذ -------------------
|
| الساعة الآن 06:25 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017