المشاركة الأصلية كتبت بواسطة bmkbmk (المشاركة 328181)

هحكيلكم حكاية تانية
زى ما حضراتكم عارفين من المشاركة اللى فاتت انا عايش حاليا فى الكويت
اشتريت غسالة المفروض انها نوع محترم بس للأسف طلعت بتعطل كتير جدا يعنى مرة كل 4 او 5 شهور ... المهم كان عليها ضمان 3 سنوات و خلال فترة الضمان يوم ما تعطل اتصل بالشركة تانى يوم يبعتولى فنى يصلحها فى ساعتها لو ينفع و لو محتاجة قطعة غيار يجيبها تانى يوم و ييجى و تتصلح و كله تمام بدون اى مشاكل و طبعا بدون اى رسوم..

فى مصر اشتريت غسالة برده من شركة المفروض انها محترمة .. الغسالة اشتغلت مرتين و باظت كلمت الصيانة كل يوم و التانى هنبعت لك واحد و شرف الباشا بعد الخناقات و المحايلة و صلحها و برده باظت بعد يومين تانى و اتصالات تانى و تالت لحد ما جالى الباشا الكبير بتاعهم قلتله انتو ليه بتعذبونا على ما بتيجو ؟؟؟؟ قالى علشان انت المرة اللى فاتت مادفعتش الرسوم (مع ان الباشا اللى قبله ماطلبش الرسوم)... رسوم ايه مش الغسالة فى الضمان قالى لأ فيه رسوم و فيه فلوس قطع غيار كمان قلتله امال ضمان ايه بقى اللى بتقولو عليه.. المهم فك الغسالة و قالى دى محتاجة قطعة غيار بس القطعة مش موجودة فى الشركة ممكن نجيب قطعة مصرى بدالها .. قلتله يعنى الاصلية بايظة و المصرية هى اللى هتشتغل ؟؟؟
قالى ماتقاطعش بس قول ان شاء الله .. قلتله و ان شاء الله هتيجى امتى قطعة الغيار قالى بعد 3 ايام و فضلت 10 ايام اكلمه فى التليفون كل يوم يقول بكرة ....(منتهى النصب و منتهى قلة الأدب) آخر ما زهقت شلت الغسالة ووديتها على المعرض و بدلتها بواحدة تانية و طبعا دفعت الفرق زى الشاطر و حسبى الله و نعم الوكيل .

المشاركة الأصلية كتبت بواسطة احمد بدر1978 (المشاركة 327289)

عيب عليك دة انت حبيبى من ايام اشمون

المشاركة الأصلية كتبت بواسطة hazem_khidr (المشاركة 327770)

اولا شكرا ليك يا كومي باشا علي متابعتك و انتباهك
انا الحمد لله بنافس في اعلي مشاركات مفيده للاعضاء
فاهمني ياللي فوق و انتعارف نفسك كويس444546

انما تقدر تيجي في المركز التاني مكاني مش كدهايه ياترى
اما اشوفك بس
بهزر معاك يا ابو حميد اوعي تضايق

المشاركة الأصلية كتبت بواسطة rooming (المشاركة 327427)

بصوا هو الحل مش فى الترشيد لآن ده محتاج شعب متحضر يقدر يستوعب أفكار زى دى , لكن هو مبدئيا اللى بيحصل إن الاحمال بتزيد جدا فى الصيف نظرا لإرتفاع درجة الحرارة وان الناس كلها بتشغل تكييفات ومراوح + ان فى الصيف الناس بتسهر فى كل مكان والمحلات والمطاعم وكل المنشأت فتلاقى الشبكة مبتستحملش فبنعمل إيه عندنا بما انى شغال فى الكهرباء وبقيت بكره فصل الصيف علشان اللى بنشوفه ,

اللى بيحصل الطبيعى ان لما الحمال تزيد ومفيش ما يقابل الاحمال من زيادة فى الانتاج ان المحطات بتخرج من الخدمة فبنعمل الاتى:
نيجى على المحطات اللى مغذية الاقاليم والارياف بالاخص فى وقت الذروة ونفصل عنهم الكهربا ده بيبقا على مستوى الجمهورية علشان نخفف الاحمال فتفضل الشبكة مستقرة ومتخرجش من الخدمة محطات مهمة لآن طبعا المدن غير الريف فيها مصالح مهمة من سجون واقسام شرطة ومنشأت جيش ومستشفيات ووحدات إسعاف ومطافى والحاجات دى لو إنقطع عليها الكهربا هتبقا كارثة. لكن لو احنا زى الدول التانية اللى بتحل المشاكل فعلا بطرق علمية ومدروسة مش نقفل المحلات ونقطع عيش الناس الغلابة المطحونين ولا نفصل الكهربا على الناس فى عز الحر وفى عز إحتياجهم ليها ,

كنا انشأنا محطات توليد كهربا جديدة هتحل الازمة دى جذريا واللى هيقوللى المحطات دى بتتكلف جامد هقوله الوزارة بتكسب اكتر. فيا ريت الناس المسئولة تفكر بعقلانية شوية وبمنطقية

المشاركة الأصلية كتبت بواسطة elmanahry (المشاركة 328447)