المشاركة الأصلية كتبت بواسطة rooming (المشاركة 327427)

بصوا هو الحل مش فى الترشيد لآن ده محتاج شعب متحضر يقدر يستوعب أفكار زى دى , لكن هو مبدئيا اللى بيحصل إن الاحمال بتزيد جدا فى الصيف نظرا لإرتفاع درجة الحرارة وان الناس كلها بتشغل تكييفات ومراوح + ان فى الصيف الناس بتسهر فى كل مكان والمحلات والمطاعم وكل المنشأت فتلاقى الشبكة مبتستحملش فبنعمل إيه عندنا بما انى شغال فى الكهرباء وبقيت بكره فصل الصيف علشان اللى بنشوفه ,

اللى بيحصل الطبيعى ان لما الحمال تزيد ومفيش ما يقابل الاحمال من زيادة فى الانتاج ان المحطات بتخرج من الخدمة فبنعمل الاتى:
نيجى على المحطات اللى مغذية الاقاليم والارياف بالاخص فى وقت الذروة ونفصل عنهم الكهربا ده بيبقا على مستوى الجمهورية علشان نخفف الاحمال فتفضل الشبكة مستقرة ومتخرجش من الخدمة محطات مهمة لآن طبعا المدن غير الريف فيها مصالح مهمة من سجون واقسام شرطة ومنشأت جيش ومستشفيات ووحدات إسعاف ومطافى والحاجات دى لو إنقطع عليها الكهربا هتبقا كارثة. لكن لو احنا زى الدول التانية اللى بتحل المشاكل فعلا بطرق علمية ومدروسة مش نقفل المحلات ونقطع عيش الناس الغلابة المطحونين ولا نفصل الكهربا على الناس فى عز الحر وفى عز إحتياجهم ليها ,

كنا انشأنا محطات توليد كهربا جديدة هتحل الازمة دى جذريا واللى هيقوللى المحطات دى بتتكلف جامد هقوله الوزارة بتكسب اكتر. فيا ريت الناس المسئولة تفكر بعقلانية شوية وبمنطقية

المشاركة الأصلية كتبت بواسطة mesho70 (المشاركة 327442)

ماهو انت ما تعملش المصيبة وبعدين ترجع تقول ربنا يستر ( معرفتش اكتبها بصوت عالى ولكن انت ممكن تتخيلة )
عموما ًً ربنا يستر

المشاركة الأصلية كتبت بواسطة hesham mansour (المشاركة 327410)

المشاركة الأصلية كتبت بواسطة نبيل عبدالرحمن (المشاركة 327495)