مصر موتورز مجتمع السيارات - ارشيف الاستراحة 2010

انا حابب افكر الناس اللى مواليد التمنينات بحاجات عشنا معها وحبنها وكرهنا نفسنا لما كبرنا وعرفنا اننا بنتفرج على الحاجات ديه

فاكر برنامج ناموستى بتاع ماما ساميه شرابى

http://4.bp.blogspot.com/_vqQrR9iOPx...9%8A%D8%A9.jpg

وتقول فى مثل شعبى معروف يا اولا المطضر يعمل ايه وتفضل تلف على العرائس وفى الاخر يطلع واحد لابس بلوفرمعفن و شعره منكوش ويقلها يركب تاكسى يا ماما ساميه ترود عليه وتقوله ساميه واحمد (ثانيه واحده)

http://www.al-akhbar.com/files/image...c1.preview.jpg

ولا اغنية ابريق الشاى

http://i.ytimg.com/vi/qQOziFbfm98/0.jpg
لسيد الملاح اغنيه مستفزه جدا انا انا ابريق الشاى ايدى كده بوزى كده اصب الشاى وارجع كده ياراجل بلاش قرف طب ليه مقولش انا انا ازازة البيبسى صاروخ كده وطويله كده افور كده وعنيك تحمر كده

نيجى بقا لى البرنامج العظيم بتاع ماما نجوى و بقلظ ايه البرنامج التافه ده

http://i.ytimg.com/vi/jR6ovntGJNE/0.jpg

انا راضى ذمتكوا الصوره ديه تعبر عن برنامج اطفال اتفرجوا على برامج بره بتاعت العرائس زى مامبيت شو حاجه تفرح مش بقلظ فتره زمنيه لازم تتمحى من حياتنا

ونيجى للعظيم برنامج القناه الثالثه الساعه العاشره صباحا برنامج مين قال عايز جوائز لو حد يعرف مقدمة البرنامج ده يا جدعان يقول اسمها ايه برنامج قنبله بجد http://www.masrmotors.com/vb/smile1/41.gif http://www.masrmotors.com/vb/smile1/41.gif

ندخل على الكارتون نبدا بكابتن ماجد ارهنكوا انه كلوا فرح قووى كابتن ماجد عاد اليكم من جديد

http://up.kingsof3rb.com/files/193/ggg.jpg

سؤال حد يعرف الملعب اللى بيلعبوا فيه كام كيلو لو عرفت اتصل ببسام او وليد ؟؟
تانى حاجه الكوره البلاستيك اللى بيلعبوا بيها اللى بطير نص فدان وبتنزل فى الجول ولا الاخوان شوقى يا سيدى بيطلع فوق العارضه وبيحطها فى الجول اركب الهوا
وبسام اللى يكرموا اللى يشوط شوطه من كوم الشقافه يوصلها القللى

حد فاكر مازنجر وماهر والحوامه ربنا يعفينا من الكارتون المدبلج علشان انا جالى المراره

http://www.arabcomics.net/phpbb3/gal...1&image_id=883

الحلقه بتخلص بزرار واحد عاصفة الصحراء مكان من الاول ولا افروديت الله يكرمها تدخل فى الخناقه الاول تاخد قلمين على وشها وتوقع على لارض (ايه اللى دخل النسوان فى خناقات الرجاله)

يا سيدى على كارتون باباى

http://www.9ll9.com/up/uploads/d641a1c0dd.jpg

الراجل يضرب السبانخ من هنا يتحول زى الرجل الاخضر وهوبا يموت الوحوش عقبال لما زيتونه تكون عملت الارز بالشعريه حاجه بجد تجيب المغص انا بقا وانا صغير ركبت فى دماغى قومت شارى كيلو سبانج وكلتوا لوحدى فضلت واقف قدام المرايا ان حاجه تحصل مافيش ابويا قالى بتعمل ايه امى رديت عليه والجمله الشهيره بتاعت اى اب وام عندهم ابن صغير (سيب العيال تلعب)

ندخل على الاعلانات

طبعا بلا منازع يتصدر البان السحرى

http://up.mansouracity.com/upfiles/gVy86201.jpg

والجمل الشهيره لوعايز لون اخضر تعمل ايه يبقا كل ازرق على احمر ولو عايز لون بمبا تعمل ايه حط فسكوزى على فرانى انا فضلت متابع الاعلان امووت واعرف اللون الاسود بيعملوه ازاى

ندخل على اعلان ريرى

http://img523.imageshack.us/img523/8...arab111rb4.jpg

يا جدعان اللى كتب اغنية الاعلان ده لازم ياخد اوسكار هتلنا ريرى هتلنا ريري هتلنا منه باكو واتنين والصلاه على الزين الصلاه على الزين كانت الاغنيه ناقصه عم حسين بجد اعلان قاتل عامل زى اعلان ريد يتوغل وينتشر ويركنها ببطن رجله الايمن وتيجى فى العارضه !!!!

اخر حاجه ارهنك انك اشتريت اميجو اللى بينور صح

http://i27.tinypic.com/zkld0y.jpg

اهو المفروض بقا يعملوه دلوقتى بدل ما ازمة الكهرباء اللى ماشيه فى البلد بجد اللى فكر فى الفكره ديه شخص كان بيبص لى قدام !!!!

فى النهايه بعد ما قريت الموضوع ده قوم نفض التراب اللى عليك وردد الجمله الشهيره

قطتى الصغيره حلوه بس خنيقه نطت حته نطه وقعت رجل الكنبه اخص عليكى يا كلبه

الموضوع منقول