رد: اغرب من الخيال بالنسبة لنا فى المعاملات التجارية
 

يا باشا محلات ماركس أند سبنسر هنا فى الكويت و هى محلات انجليزية معروفة
بيسمحوا باستبدال بضاعتهم او استرداد تمنها بعد 3 شهور من تاريخ الشراء بشرط تكون البضاعة بحالتها
و ده فى حد ذاته نوع من انواع حسن المعاملة بس للأسف فيه ناس بتستغل النقطة دى و تلبس الهدوم و ترجعها بعد خروجة ولا اتنين :)

رد: اغرب من الخيال بالنسبة لنا فى المعاملات التجارية
 

هنا في الامارت اغلب المحلات بتعمل كدة المهم يكون معاك اصل الفاتورة و لو اكتر من 3 اشهور يجب ان تكون البضاعة بحالة جيدة

رد: خلى بالك يا أبو نورا
 

ايه يا جماعة محدش قرا الكلام بتاع الحزب الوط قصدى ابو نورا بخصوص الميزانية والمنحة شكلنا كده هنتظبطايه ياترى

رد: إصدار قرار لتحديد ميعاد لإغلاق المحلات فى مصر..............
 

ها إيه رأيكوا فى الكلام ده يا جماعة عايزين نشوف أراء

رد: إيه اللى محققتهوش فى 2010 ونفسك تحققه فى 2011
 

انا نفسى انا كمان ربنا يكرمنى بشقة تمليك بدل منا ساكن مع حمايا

تليفون الريس
 

أعلن الرئيس عن رقم تليفونه حتي أمسك جميع المواطنين بتليفوناتهم ..!!



حتي الأطفال ... أحبوا أن يكلموا ..عمو الريس .....




كان أمل الجميع ..شرف مكالمة الرئيس ....وعرض مشكلته عليه ... !!


تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 580 * 420.


رقم محمول ... الرئيس ..!!


مش عارف


012


010


011


وافق الريس ان يعطي كل شعبه رقم موبايله

وبمجرد أن وافق الرئيس تم عمل حملة إعلانية ضخمة وغير مسبوقة في طول البلاد وعرضها للإعلان عن الرقم ... وتم كتابة الرقم علي لوحات مضيئة عملاقة أعلي العمارات والمباني الحكومية وقد صيغت الدعاية بعبارات جذابة وشيقة ...منها :

((إتصل برقم الرئيس ..وإنت وأهلك هاتهيص .... ))

((إتصل بالرئيس ... يكون لك خير ونيس ....))

ولم تنس الدعاية المرأة في هذه الحملة فكان منها ما يقول :

(( إتصلي بالرئيس .... وبكره يجيبلك العريس .... ))
وكان للأطفال أمل الغد أيضاً نصيب فكتبت لهم إعلانات تقول :

(( كلموا عمو الريس ))


هذا خلاف الإعلانات التليفزيونية والكليبات المثيرة التي رصد لها ملايين الجنيهات حتي تخرج الحملة بصورة مشرفة ووطنية ....


وتم الإتفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية :

آآآلو الريس فين ... الريس هنا ...هنا هو ... أقولوا مين
وذلك لأن هذه الأغنية سهلة وتوحي أن الرئيس قريب ومتواصل مع شعبه ...

وكان الخلاف حول المكالمة هل تكون مجانية أم لا ..وتم حسم الموضوع بأن تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم مشاريع الصرف الصحي والمياة وعمل نهضة تنموية مستقبلية ...


وأخيرا

جاءت ساعة الصفر .... وبدأت الخدمة ... وتلقي الرئيس عدة مكالمات :


المكالمة الأولي :

- ألو ....

- أيوا ...

- إنت الريس ...

- أيوا يا حبيبي ... إيه مشكلتك ....

- أنا ياريس دخلت قسم شرطة أعمل محضر قام الظباط والمخبرين ضربوني علي قفايا وجابوا ساعة رقمية وقعدوا يشوف من حيضربني أكتر علي قفايا في الدقيقة وما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف ... يرضيك كده ياريس وأنا ولا مجرم ولا حاجة أنا رايح أشتكي وأعمل محضر في الجيران ...

- بص يا مواطن ... إحنا كلنا في خدمة الوطن.. والشعب في خدمة الشرطة ..لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك ... لازم تضحي شوية علشان الوطن ...!!

- شكراً ياريس ..ربنا يخليك لنا ويخليك للوطن ...


المكالمة الثانية :

- ألو

- أيوااا

- الريس معايا شخصياً

- أيوااا ... قول يا مواطن ... إيه مشكلتك ...

- أنا ياريس وغيري ملايين ساكنين في المقابر وتحت الكباري وفي عشش في ال ...

- أسكت ..إتكلم عن نفسك بس يا مواطن بلاش تعميم ... إنت عايز تعمل لي تنظيم علي التليفون؟ فاهم.. ولا أفهمك بطريقتي ...

- فاهم فاهم يا ريس ...

- كمل يا مواطن ...

- نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون...

- واضح يا مواطن إنك مش متعلم ومش فاهم حاجة ... تسكينك في المقابر إنت وغيرك ده له حكمة عظيمة ..

إنت عارف إن الدين بيأمرنا بزيارتها للموعظة والإعتبار من وقت للتاني عشان نعرف أنها دنيا فانية ...

وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك ضريبة إتعاظ .... !!

- طب ما تيجي ياريس تتعظ عندنا شوية ...

- إخرس ... يا ..(....)

دببببب ...

وتم غلق الخط ...


المكالمة الثالثة :


- ألو ....

- أيوااااااا

- الريس حبيبنا معانا ....

- أيوه أيوه كده ....إيه مشكلتك يا حبيبي ...؟؟

- أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة بآخد مصروفي من والدي وقاعد علي القهوة طول اليوم ... نفسي أشتغل ياريس ...

- أنت غريب قوي يا مواطن ... مش تحمد ربنا إننا مريحينك ..عايز تروح للشقي برجليك ... وبعدين مالها قعدة القهوة ... إتعلم منها حاجة تفيدك ...ممكن تبقي بطل شطرنج زي كسباروف وساعتها تعرف إن جلوسك علي القهوة كان مصلحة ...

- ياريس عايز أكون نفسي ...

- ما تكونها يا حبيبي حد حايشك ...؟!!

- أكونها إزاي من غير شغل ..؟؟

- إيه يا مواطن أنا ماسك أعصابي ... إنت عايز البلد تكون ملايين من الناس.. إحنا فاضيلنك ولا إيه..؟؟ إحنا عندنا عيال بنكونها برضه .... خلي أبوك يكونك يا مواطن ...

دبببب ...وتم غلق الخط ....


المكالمة الرابعة ...

- ألو ..صباح الخير ياريسنا يا جميل ...

- ألوووووووووو...صباح الجمال ... أيوه يا شابة .. إيه مشكلتك وأنا أحلها لكي في فمتوثانية ...

- أنا يا ريس وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما ....

- هههههه ... إنت تحمدي ربنا ...جواز إيه وقرف إيه ...خلفة وطبيخ وواحد متخلف ينكد عليكي ومسئولية ... خليكي كده ....

- ياريس ... نفسي أحب وأتحب ....

- يا مواطنة ... حب الوطن كفاية عليكي ....

- يعني أتجوز الوطن وأجيب منه عيال ..!!!

- يوووه ... إنت مش عجبك كلامي طيب ...

دبببب .. وإنتهت المكالمة ....

عاش الريس



منقول

رد: إصدار قرار لتحديد ميعاد لإغلاق المحلات فى مصر..............
 

لامو اخذه كده ده عجز فادح من الحكومه
ما يبصو للصين ماشيه ازاى وادنا مرتين
وبعدين المحلات اللى بتاكل الناس عيش دى ماهو طبعا اللى ايدو فى الميه مش زى اللى ايدو فى النار