مصر موتورز مجتمع السيارات - ارشيف الاستراحة 2010

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - ارشيف الاستراحة 2010 (https://www.masrmotors.com/vb/showthread.php?t=21694)

رد: 10 نصائح لتعيش ب400 جنيه شهريا حياه سعيدة

اقتباس:

المشاركة الأصلية كتبت بواسطة samirayad (المشاركة 276505)

أعتقد

لاداعى للبذخ

وكفايه موبايل واحد ............طوووووووووووو ل العمر

وممكن الواحد يستثمرهم

أو يشيلهم فى دفتر توفير

على أساس

بعد المعاش

يكون أدخر مبلغ كويس

يستطيع به شراء عكازين للترجل عليهما

مع تدهور الحاله الصحيه فى الكبر

يا رب بس نوصل لسن ال 30 الحكومه خلت الواحد بقا بينسي اسمه وبيخرف والزهيمر شغال الله ينور

اقتباس:

المشاركة الأصلية كتبت بواسطة amrmohamed1975 (المشاركة 276587)

ياعم احمد دي كده تبقي اتعشت على الاخر و ممكن تلقي نفسك فى التغيير الوزاري الجديد جنب نظيف عدل بس خد بالك ان الكلام ده هيخلي شعبيتك تتراجع فى المنتدي ايه رايك المنتدي و لا الوزارة ROSE4U

عيب عليك تسئل السؤال ده الوزاره طبعا حد يطول يبقي وزير علي الاقل هعمل ل 100 سنة اودام في خلال كام شهر يادوبك اعديلي شحنتين لحمه مضروبه للبلد واعيش كينج بقية حياتي

اقتباس:

المشاركة الأصلية كتبت بواسطة lol64 (المشاركة 276776)

مش هاينفع ياعم احمد الحسبه دى متنساش المخالفات بتاعه اى حاجه ان شاء الله المشى حتى اللى الحكومه موفرهالنا وربنا يجعله عامر

يا عم علاء متسخنيش عليهم خليني ساكت احسن

اقتباس:

المشاركة الأصلية كتبت بواسطة احمد بدر1978 (المشاركة 276785)

انت اكيد غلطان فى الرقم انت قاصدك 4000 صح

وياريتهم بيكفوا يا كبير ده يدوب يغطي قسط العربية ومخلفاتها والرش بتاع اي مصلحة عايز تقضيها

رد: 10 نصائح لتعيش ب400 جنيه شهريا حياه سعيدة

اقتباس:

المشاركة الأصلية كتبت بواسطة zoomaa2007@maktoob.com (المشاركة 276819)

طيب يا كروسير دة بالنسبة للناس اللى ربنا بيحبهم ولسة ما تجوزوش .لاكن المساكين اللى متجوزيين وعندهم بدل العيل أتنين يعملوا أيه يا معلم دنا بلف حولين نفسى يا راجل وكمان العيال لسة مفاعيص واحد أربع سنيين والتانى أربع شهوروبعدين يا معلم أنت نسيت العربية أكبر بلوة فى الدنيا . يلا الحمد لله

ربنا يعينك يا زعيم ويخليلك ولادك ويبعد عنك الحكومه علشان بتفكر تفرض ضرايب علي عدد العيال في البيت ربنا ينتقم منهم شوية شوية هنشوف ضريب بتتفرض علي النفس اللي داخل وخارج مننا وانا عن نفسي لغيت فكرة الجواز خالص طالما حال البلد بقا بالمنظر ده

اقتباس:

المشاركة الأصلية كتبت بواسطة Bahi (المشاركة 276823)

طيب وفواتير الكهربا والميا والغاز أو الأنبوبة وايجار الشقة ...الخ؟ أنا رأيى ال40 الباقية يدفعهم قسط الكفن والقبر علشان بيغلوا كل يوم! اللهم ألطف بعبيدك وأرحمهم من الظالمين ... آمين

فعلا يا استاذ هشام الواحد يلحق يشتري الكفن قبل ما يغلي هو كمان ونشوفلنا اي ركن ندفن فيه وربنا يرحمنا من دي بشر

اقتباس:

المشاركة الأصلية كتبت بواسطة SmoothRider (المشاركة 276962)

السلام عليكم ورحمة الله وبركاته
أنا عضو جديد هنا، والحقيقة سعيد جدا بالمنتدى ومواضيعه وأعضاؤه المحترمين

بلاش الكلام عن المصاريف أحسن الواحد بيدخل السوبرماركت يجيب شوية حاجات عبيطة يطلع دافع 500 أو أكتر.

اللهم أغننا وارحمنا.

تحياتي للجميع

نورت المنتدي يا جميل واحنا اللي اتشرفنا بمعرفتك والله عندك حق انا عن نفسي بدخل اسبينس اقل واجب 600 جنيه مصاريف

ربنا يرحمنا برحمته

رد: 10 نصائح لتعيش ب400 جنيه شهريا حياه سعيدة

اقتباس:

المشاركة الأصلية كتبت بواسطة tarek elbadry (المشاركة 277134)

يبختك يا عم احمد انتة لسة بطولك عازب طب احنا نعمل اية

بطل يا عم طارق نق ما انا مغروز في قسط العربية وبكح جير وجبس

اقتباس:

المشاركة الأصلية كتبت بواسطة فاطومه المصريه (المشاركة 277177)

هههههههههههههههههههههههه لا والله ومين اللى هيصدقكك ويعمل كدة اصلا

ادينا يا فطومه بنحاول نمشي اومورنا مع الحكومه طيب بالله عليكي تقولي ايه لواحد بيقولك ان اسرة تقدر تمشي نفسها ب 400 جنيه

ما لازم طبعا نحاول نشوف هنصرف ازاي ال 400 جنيه علشان نعرف نبني مستقبلنا ومستقبل ولادنا

ولا ايه رائيك

عندك حل تاني نقدر نصرف بيهم ال 400 جنيه

رد: 10 نصائح لتعيش ب400 جنيه شهريا حياه سعيدة

انا اقولك بقى يا سيدى
ال 400 جنيه دول ممكن نعتمد على اكله واحدة فقط وهى السلطه بدون طماطم
وممكن نعمل مزرعه عيش غراب " مشروم " ودة يكون بديل غذائى بدل اللحمه
وبالنسبه للعيش مش ضرورى نشتريه ممكن نخبزه احنا فى البيت اوفر وانضف
وبالنسبه للموصلات ممكن نعمل جمعيه و نشترى عجله واحدة بس وكل فرد فى البيت يستعملها او موتسليكل

ها فكرنى با ايه تانى عاوزله حل ؟

رد: فزورة لو لقيت لها حل ممكن تكسب جائزة لن تتخيلها

اقتباس:

المشاركة الأصلية كتبت بواسطة فاطومه المصريه (المشاركة 277225)

لا للاسف مليش نفس الناس تدعى عليه :)

عندك حق والله بس علي فكرة دي انتخابات بورنجا العظمي