|
|
رد: زيت المحركات المانى الصنع LIQUI MOLY
اقتباس:
شكر وتقدير لشركة ليكوى مولى ووكيلها الجدير بالاحترام شكر واجب الى شركة ليكوى مولى على سرعة الاستجابه الغير معهوده من الشركات والوكلاء فى بلدنا ناس فى منتهى الذوق واحترام عقلية وشكوى العميل . انا مدخلتش على المنتدى بقالى يومين بس لقيت الناس قلبه الدنيا عليا وفعلا كلمتهم وشرحتلهم الموضوع كله بالتفصيل وبدل ما معظم الشركات بتعمل فى حالة شكوى العميل يفضل يجادل فيك عشان يلبسك انت الخطأ ويقولك انت استخدمت المنتج غلط ويديلك محاضره هبله عشان يطلع هو بطل ادام شركته . الناس فهمت الموضوع وشرحتلهم بالتفصيل و تجابو جدا وعرضو تعويضى بغيار زيت مجانا ووضع اضافه مانع تسرب الزيت على حسابهم وطلبو منى اروح مركز الخدمه بتاعهم عشان اغير الزيت وافحص العربيه فعلا ناس محترمين ويهمهم سمعتهم وسمعة منتجهم الف شكر وجزاكم الله كل خير |
رد: زيت المحركات المانى الصنع LIQUI MOLY
اقتباس:
ونسعد بخدمتكم دائماً |
شكر واجب لوكيل ليكوى مولى والموزع المحترم مركز اتوتك – أ- هشام ابو الدهب
شكر واجب لوكيل ليكوى مولى والموزع المحترم مركز اتوتك – أ- هشام ابو الدهب السلام عليكم يا جماعه للى كان متابع الموضوع وحكاية اول تجربه مع زيت ليكومولى وكانت مريره فعلا بس الحمد لله كل ده اتصلح وبقت تجربه جميله انا رحت غيرت الزيت امبارح فى مركز اتوتك المعتمد من ليكومولى واتفاجئت من المعامله بصراحه . انا كلمت استاذ محمد صبرى (فى ادارة ليكوى مولى) عشان اقوله انى رايح قالى هابلغ المركز وارجع اكلمك وفعلا كلمنى علطول وقالى الناس فى انتظارك . رحت المركز جنب كلية هندسه المطريه لقيته مركز متخصص فى زيوت ليكوى مولى فقط وكانت حاجه غريبه – المركز بيبيع زيوت ليكوى مولى بس وعنده كل الزيوت والاضافات . المركز فيه 2 صنايعيه لابسين عفريته شكلها حلو وبرده ليكوى مولى . بصراحه حسيت انى اول مره بغير زيت !! ليه بقى ؟؟؟ الماركه مش معروفه عندنا فصاحب المحل راجل بيفهم وعمل حاجه جميله اوى – جايب شاشه LCD فى نص المحل ومشغل فيها فيديوهات واعلانات واى حاجه عن ليكوى مولى ومنتجاتها. وانا واقف جه واحد افندى محترم بيسأل عن الزيت بدأ الصنايعى يقوله ان ده ماركه المانى وموجود بره من سنة كام ومصنع ومعبأ فى المانيا وافضل منتج فى 2011 ..الخ. شغل بايعين بتفهم مش فهلوه وكل منتج يقوله عليه سواء كانت الزيوت او ال Flush يفرجه على جزء من الفيديو بتاعه على LCD . المهم شفط الزيت القديم من عربيتى وغير الفلتر وحط الزيت الجديد 10w40 وبعدين قلى على منتج تانى بصراحه منتج رائع – اسمه EZI وده الحاجه الوحيده عنده اللى مش ليكوى مولى وهو اضافه لزيت المحرك لتقليل نسبة الاحتكاك قلت عادى فقام مشغل الفيديو بتاعه بصراحه تحفه – الفيديو كانو مصورينه فى معرض فورميلا الاهرام الاخير ومش موجود على النت فاخدته على فلاشه ورفعتها عشان كلنا نستفيد . http://youtu.be/B1FMPbjflX4 خلصت وكله تمام ومشيت بالعربيه وفعلا حسيت بفرق فى السحب صوت الموتور قل بنسبه بسيطه يمكن عشان هو اساسا كان واطى بس السحب بجد فرق مش وهم عشان السرعه زادت مع نفس rpm مقارنة بقبل كده السؤال المهم هنا ايه اللى حصل بعد عمل Flush وعمل كل الدربكه ديه – انا سألت استاذ هشام بو الدهب صاحب المركز وقلتله ان فيه ناس قالت انه منتج قوى جدا وممكن يكون اثر على اجزاء المحرك المعدنيه او على الاولسيهات قالى انه جربه شخصيا وفضى عبوه Flush فى علبه وحط معاه اولسيه (حاجه مطاط) لمده اكتر من ساعه ومحلصش اى تلف طب ايه اللى حصل ؟؟ سألنى هل الميكانيكى اللى غير الزيت كان رافع العربيه .قلت اه قالى اتوقع ان الزيت منزلش كله واتبقى شويه فى المكنه ولما اتحط الجديد اللى اتفضل من الفلش اثر عليه بصراحه ديه كلها استنتاجات لكنها ممكن تكون منطقيه لأن عبوة الفلش مكتوب عليها انها 300 ملى وتكفى كمية زيت من 5 لتر الى 61 لتر الخلاصه انه فعلا منتج كويس وهما ناس محترمين اوى وغيرت زيت وفلتر وكمان اضافه مانع الاحتكاك والعربيه بصراحة بقت الحمد لله زى الفل |
رد: شكر واجب لوكيل ليكوى مولى والموزع المحترم مركز اتوتك – أ- هشام ابو الدهب
اقتباس:
وشكراً لعرض تجربة حضرتك ونشكركم لثقتكم وإهتمامكم بمنتجاتنا |
| الساعة الآن 03:52 AM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017