مصر موتورز مجتمع السيارات - تقرير عن مشاكل وعيوب نيسان صني 2009

مصر موتورز مجتمع السيارات (https://www.masrmotors.com/vb/index.php)

- صنى SUNNY (https://www.masrmotors.com/vb/forumdisplay.php?f=205)

- - تقرير عن مشاكل وعيوب نيسان صني 2009 - 2010 (https://www.masrmotors.com/vb/showthread.php?t=17410)

رد: تقرير عن مشاكل وعيوب نيسان صني 2009 - 2010

اقتباس:

المشاركة الأصلية كتبت بواسطة مصطفى خاطر (المشاركة 113818)

سلام عليكم يا أخونا
انا بعمل في الامارات و السيارة الصني هنا نتنزل تقفيل كوري و تمنها 44950 درهم يعني بالمصري حوالي 66 الف + جمارك 30الف توصل الفل اوبشن حوالي 99 الف جنية مصري موديل 2010 علشان عليها عرض
ايه رأيكم كدة هل هلاقي فيها نفس عيوب المصري ولا اتوكل على الله

عمر ما الجمرك يبقى 30 الف بس!!! متنساش ان في ضريبة 15% + سيف وارد 5%

رد: تقرير عن مشاكل وعيوب نيسان صني 2009 - 2010

اقتباس:

المشاركة الأصلية كتبت بواسطة Dr.Khaled Youssef (المشاركة 304243)

شاكر لحضرتك على الاهتمام
هوالمهندس قاللى انه فى حدود الطبيعى 30 او 40 فوق و تحت
وقاللى ان دة الطبيعى بتاع الصنى وقاللى كل الصنى الجديد كدة لأن موتور المروحة قوىجدا ؟؟!!
بس انا بشوف الهزة فى الموتور بعينى بتهز هزة كل ثانية او اتنين (غير الرعشة السريعة الطبيعية الموجودة برضة)
الهزة دى متحسش بيها الا لما المروحة تشتغل لان قوتها بتزيد!

السلام عليكم ورحمة الله
والله يا جماعة أنا عندى نيسان صنى 2009 EX نبيتى ، أنا شايف أن العربية ممتازة يمكن بس موضوع كرسى السائق بيزيق هو ده العيب الوحيد بيها ، وبعدين مين بيقول أن الصنى حوت بنزين ، العيب فى مالك السيارة لأنه ببساطة بيسيب البنزين لحد ما ينتهى من التانك وبعدين يحط بنزين ودة عيب فى جميع السيارات الحديثة لآنها برشاشات وليست كربراتير ، أنا لا يمكن أحلى مؤشر البنزين يوصل لحد النصف وبعدين أفول بنزين 90 تقريبا تأخذ 20 لتر والسيارة بتعمل معايا ما بين 200 - 220 كيلو فى 20 لتر

رد: تقرير عن مشاكل وعيوب نيسان صني 2009 - 2010

اقتباس:

المشاركة الأصلية كتبت بواسطة tigernet (المشاركة 113033)

انا ياباشا لما اشتريت عربيتى لانسر من المعرض سالت صاحب المعرض راية فى النيسان صنى قالى انها كعربية حلوة بس احنا حطنا ايدانا فيها و انت عارف ايدانا
و انا العيوب الاى سمعتها عيوب تقفيل مش صناعة

انا سمعت انى اللى عاوز يشترى نيسان صنى اخره لغاية موديل 2005 عشان العربية يبانى 100%وانا عن نفسى معرفش استعمل غير النيسان وبخاصة فى الحر عشان تكيفها مشاء الله عليه وعربية مريحة فى القيادة وعملية وحمالة اسية لانى جربت كذا نوع من العربيات بس مش هحدد عشان محدش يزعل .

رد: تقرير عن مشاكل وعيوب نيسان صني 2009 - 2010

اقتباس:

المشاركة الأصلية كتبت بواسطة adelahmed5 (المشاركة 299629)

الحقيقه انا مبسوط جداً من هذا التقرير و انا معايا نيسان صنى اوتوماتيك 2010 و يسعدنى المشاركه فى هذا الموضوع
1-عزل غير جيد : مش قو ي ولكن طبعا ليس بمثيلتها في التقفيل اليباني( انت دافع كام)
2- كراسي بتزيق : نعم خصوصاً كرسى السائق بيزيق
3- كنبه بتهبط : مش عارف العربيه لسه عامله يدوب 5500 ك
4- دركسيون تقيل نسبيا : شوف هو فعلاً تقيل بس ممكن تكون ميزه أحياناً
5- بعض المشاكل المتعلقة بالمساعدين والعفشة : مقدرش أفيدك انما هى نشفه دا حقيقى
6- صوت الموتور العالي مقارنة بمثيلاتها 1600 cc : هو عالي فعلا و بيعلى اكتر بعد 120
7- ضيق الكنبه الخلفية : اعندك حق تماماً انا موافق جداً
8- دواسة البنزين بطيئة الاستجابة فى التسارع : موافق جداً انا ركبت اوبل استرا فرق كبير بين استجابه الأوبل و الصنى .
9- رعشة فى الفتيس : لأ غير موافق
10- خدمه ما بعد البيع : أسمح لى أضيف أكتر حاجه قرفانى فى النيسان حسبى الله فى مودرن موتورز ابو رواش

السلام عليكم ورحمة الله وبركاته
أولا شكرا يا استاذ عادل على الامانة في الرد
ويعلم الله اني ما قصدت الاساءة الى نوع سيارة بعينها عند كتابة هذا التقرير
ولكني قصدت الافادة والاستفادة من آراء وتجارب الآخرين
لأني فعلا كنت في غاية الحيرة عند اتخاذ قرار شراءها وقت كتابة التقرير
وبسؤال أهل الخبرة وكثير من مالكي هذه السيارة جمعت بيانات التقرير
لذا اشكرك مرة ثانية على أمانتك في الرد وتوضيح العيوب والمشاكل بالسيارة في ردك على التقرير ليستفيد منه باقي الاعضاء.
وياريت كل

رد: تقرير عن مشاكل وعيوب نيسان صني 2009 - 2010

اقتباس:

المشاركة الأصلية كتبت بواسطة ahmedmohelsayed (المشاركة 629357)

السلام عليكم ورحمة الله وبركاته
المهم انت فى الاخر اشتريت ايه ؟

رد: تقرير عن مشاكل وعيوب نيسان صني 2009 - 2010

اخوانى مالك سيارات نيسان صنى انا عندى سياره نيسان صنى موديل 2011 عندى مشكله عمله ليا قلق كبير واعرض المشكله على حضرتكم المشكله فى الفتيس عند تغير من الار الى الدى او العكس اسمع صوت خبطه قويه ترج السياره وهى تقريبا خبط حديد ببعضه بطريقه غبيه وهدا العيب من يوم استلام السياره ودهبت ا لسبع وحجز السياره عشره ايام عندهم واخدت العربه كما هيا علما بان السياره عمل 11000 كيلو متر احدا عشر الف كيلو متر برجا من يصل الى حل يتصل بى على الرقم 01004316254ولكم منى الف شكر

رد: تقرير عن مشاكل وعيوب نيسان صني 2009 - 2010

اقتباس:

المشاركة الأصلية كتبت بواسطة ymn (المشاركة 640092)

السلام عليكم ورحمة الله وبركاته
المهم انت فى الاخر اشتريت ايه ؟

أنا يا سيدي في الآخر الحمد لله بعد الاستخارة والاستشارة
ربنا أكرمني وقررت بعد طول حيرة واشتريت نيو أكسنت سبورت أتوماتيك موديل 2010
وعيوب النيو أكسنت من وجهة نظري :
1- إن عافشتها ناشفة شوية وبفكر أغير الكاوتش يمكن يفرق
2- أعتقد إن الكنبة الخلفية لما برجع كرسي قائد السيارة للآخر بتبقى ضيقة شوية.

ومميزات النيو أكسنت من وجهة نظري :
1- الثبات على الطريق (ما شا الله لا قوة إلا بالله)
2- سحبها تقييمه من وجهة نظري برضه جيد جدا الى ممتاز
3- رائعة في المناورات لأن حجمها يساعد عاى المناورة بسهولة بإذن الله.