|
حد يفهمنى لو سمحتم
انا ان شاء الله ناوى اشترى فيرنا بالتقسيط
ومش فاهم اى حاجة فى موضوع التامين ده وهل هو اجبارى ولا لأ وبيتدغع مرة واحدة ولا على اقساط ولو اقساط سنوية ولا شهرية وهل هو نفس التامين بتاع الترخيص ولا حاجة تانية ياريت حد يساعدنى علشان انا تايه |
رد: حد يفهمنى لو سمحتم
اقتباس:
كل سنة بسعر لختلاف قيمة السيارة ولو مستعملتهوش بتاخذ نسبة خصم تانية دة لو مغيرتش الشركة للاستفسار السريع 0125485222 |
رد: حد يفهمنى لو سمحتم
السلام عليكم مبروك اولا
ثانيا التامين الاجبارى الى فى المرور دة تبع المرور لازم تدفعة على شان ترخص لا مفر منة و اذا كنت هاتجيب العربية كاش يبقى مش مهم تعمل تامين تانى لكن لو العربية حظر بنك يبقى لازم تعمل وثيقة تامين اخرى فى اى شركة تامين القسط سنوى يدفع مرة واحدة و انصحك بالتمين على السيارة ليس من اجل البنك فقط و لكن للحفاظ على السيارة لا قدر الله من الحوادث الكبيرة الى ممكن تكلفك اموال بالالف فى الاصلاح اولا دة لمصلحتك قبل ما يكون شرط بنك |
رد: حد يفهمنى لو سمحتم
تامين الترخيص يختلف عن تامين السيارة الخارجي يعني في اي شركة تامين بره لان تامين المرور ده القصد منه في الاخر هوه تعويض لاي حد ممكن تحصله حدثه بسببك وبيدفعله ساعتها تعويض من شركة التامين وده طبعا مبيحصلش في بلدنا لو دوست علي الواحد 100 مره ولا جنيه شركة التامين بتدفعه لحد يعني من الاخر عملية نصب من المرور لا اكثر ولا اقل وثانيا التامين الخارجي ده انتا بتشوف ميزانيتك قد ايه وبتختار الشركة اللي انتا عايز تامن معاها وتقريبا كلهم هتلاقيهم زي بعض في الاخر هتختلف شوية من حيث سرعة الاستجابة لدفع مبلغ التعويض من شركة لاخري ونظام التامين الخارجي ده سنوي يعني كل سنة بتدفعه قبل ما تروح ترخص العربية وممكن تقسط التامين السنوي ده علي عدة اشهر بس لا تتجاوز السنة التامينية وتقبل تحياتي
|
رد: حد يفهمنى لو سمحتم
السلام عليكم استاذى
التامين الاجبارى الان بحد اقصى 40.000 جنية فى حالة التعويض حتى لو حكم المحكمة ب 100.000 يسدد التامين 40.000 فقط لو حضرتك طالبت بحقك هاتاخدة باذن الله لكن لما ترخص لازم تامن دة ضرورى |
رد: حد يفهمنى لو سمحتم
الف شكر لكل اللى رد
معلش انا عندى استفسار تانى مبلغ التامين بيبقى كام وايه هو التحمل ده؟ انا اسف انا عارف انى متقل عليكم |
رد: حد يفهمنى لو سمحتم
السلام عليكم اخى
مبلغ التامين هوة سعر العربية يعنى الفيرنا 67.000 هوة دة مبلغ التامين التحمل 4 فى الالف هيبقى للفيرنا 270 جنية تدفع فى كل حادث و الفكرة ان بتشارك الشركة فى نسبة الخطر 4 جنية لكل الف من مبلغ تامين العربية الى هوة 67.000 و دى بيخلى الوثيقة ارخص من الى من غير تحمل قسطك هيبى 1870 شاملة مصاريف الاصدار لو بتحمل 4 فى الالف و لو بدون تحمل هيبقى 2340 شاملة المصاريف و الضرائب نصيحتى انك تعمل بدون اى تحمل افضل ليك على شان لو حبيت تعوض فى حادث لا قدر الله بسيط مثلا ب 800 جنية يبقى هاتدفع 270 جنية + استهلاك قطع الغيار و القرار ليك اتمنى انى اكون عرفت اوضح ليك الموضوع و تحت امرك |
| الساعة الآن 02:16 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017