مصر موتورز مجتمع السيارات - رابطة مالكى الاكسل

مصر موتورز مجتمع السيارات (https://www.masrmotors.com/vb/index.php)

- Hyundai Excel - اكسيل (https://www.masrmotors.com/vb/forumdisplay.php?f=241)

- - رابطة مالكى الاكسل (https://www.masrmotors.com/vb/showthread.php?t=22421)

رد: رابطة مالكى الاكسل

اقتباس:

المشاركة الأصلية كتبت بواسطة toto_hoho82 (المشاركة 560548)

استفسار عادى :عند تغيير زيت الماتور وجدت مقياس الزيت يظهر علامة الزيت بين علامتى F-L , ويميل الى علامة F فهل هذا مقاس مضبوط وخاصة انى مغيرتش فلتر الزيت يعنى وضعت 3.5 لتر زيت

الكتالوج فيه لو من غير فلتر يبقى 2.7 لتر لو هتغير الفلتر يبقى 3.1 لتر

رد: رابطة مالكى الاكسل

اقتباس:

المشاركة الأصلية كتبت بواسطة toto_hoho82 (المشاركة 560548)

نصيحة : ابقى اتأكد ان السيارة فى مستوى افقى تام لأن لو العربية مركونة مايلة ناحية اليسار ( لو انت واقف امام العربية ) بيكون مستوى الزيت ناقص على المقاس والعكس صحيح

رد: رابطة مالكى الاكسل

السلام عليكم
انا معايا اكسيل اوتو من حوالى سنة و استخدامى ليها قليل عشان بسافر بره معظم الوقت
العربية الحمد لله كويسة على اد فلوسها و صفقة رابحة.
غيرت مساعدين ورا KYP غاز على زيت و فرق معايا فى الثبات جدا
دلوقتى المفروض انى هغير المساعدين اللى قدام و كنت ناوى اجيب مساعدين غاز او زيت على غاز عشان ازود الثبات بس قلقان من العربية تبقى ناشفة لان للاسف اكتر حاجة مش بحبها فى العربية انى بحس بكل حاجة فى الارض و انا ماشي.
كمان عاوز منكم خدمة اللى عنده العربية مظبوطة يصور لنا توصيلات خراطيم الهوا بتاعت الكربيراتر عشان معرفتيش اوصلهم فى كتالوج الصيانة.
عندى مشكلة ظهرت قبل الشتا ان العربية ما بتدورش و هى باردة بسهولة و بتاخد حوالى 4 او 5 محاولات عشان تدور ولو حاولت ازودلها بنزين تبطل لكن لما افتح الشفاط تلقط اسرع مع العلم ان البطارية جديدة و 70 امبير. يا ترى ده سببه ايه؟
الموضوع ده ظهر بعد لما نظفت الكربيراتير بالمنظف اللى بيترش جواه.
أرجو النصيحة من اهل الخبرة.

رد: رابطة مالكى الاكسل

اقتباس:

المشاركة الأصلية كتبت بواسطة miam0502788391 (المشاركة 559841)

انا من رأى انك تكشف على الشربونة بتاعة المارش

ازيك يا دكتر محمد يارب تكون بخير
الكهربائى قالى لو الشربونه عمر ما لعربيه تنطق خالص
العربيه قعدت 4 ايام تدور كويس و من اول مره عادى جدا حتى ولو مركونه يومين كاملين
لكن اليوم اشتغلت الصبح كويس وبعد الضهر كمان
وفصلتها 5 دقايق وجيت ادور
مدارتش وعملت صوت ترترتترترتر ولمبة الزيت بس اللى شغاله ولمبة الدينامو لا
فضغطت ع الكونتاك زى ما حضرتك قولتلى وفعلا لقطت لوحدها من اول مره بعد ثوانى
اللى مستغربله ان العيب ده مش مستمر وايه علاقته بهزة قطاش لبطارية
نفس الكهربائي بتاعى قالى انى محتاج كتاوت تقوية للمارش تساعد المارش و البطارية لوحالتهم ضعيفه للدوارة بدل ما تغيرا لمارش او الاوتوماتيك بتاعه
(( سعرا لمارش كام لو سمحتمو الاوتوماتيك بتاعه ))
وقالى فى كتاوت يابانى ب 75 بتركيبهم و قالى هتجرب لو ظبطت خير مظبطتش هتاخد فلوسك تانى
بس مش دى المشكله بالظبط
انى اخشي ان يكون عيب بطارية وهى ا يضا لسه فى الضمان والغريب ان عينها خضراء وقياس شحنها سليم
وكمان هل كتاوت المارش دى ممكن تغطى ضعف البطارية وتوهمنى فى المستقبل ان البطارية سليمه وتكون بايظه
اعمل كتاوت ولا اكشف ع البطارية الاول ؟؟؟؟؟؟؟
متابع معاكم
وشكرا جزيلا:fun_36_3_16[1]:

رد: رابطة مالكى الاكسل

مش عارف اقول لحضرتك ايه يا استاذ وائل
على العموم اكشف على البطارية مش هيكلفك حاجة قبل ما تتغرم فى موضوع الكتاوت
ثم الراجل بيعملك الكتاوت بالضمان