رد: رابطة ملاك ومحبى السفينه فيات 132
 

رد: رابطة ملاك ومحبى السفينه فيات 132
 

اقتباس:

المشاركة الأصلية كتبت بواسطة محمدصلاح القاضى (المشاركة 707955) الوش عندى الومنيا عادى بس كنت بسمع انك لو ركبت البوجيه غلط وحاولت تقرص عشان تخليه يبات ممكن تشرخ الوش

ال400 جنيه يجيبوا طقم مساعدين خلفى بالسوست
انسى التكييف دلوقتى وركز على الأساسيات
انا بقى عاوز اربع سوست جداد بالمساعدين يباشا

اول الشهر من ضمن المصاريف غيرت دلفاك ام اكس 3 مع زيت أبرو
وحطيت نص كيلو شحم فى الفتيس ونص كيلو فى الكارونة مع الزيت الفتيس موبيل فالفلين 140 علشان كان صوت الكارونة الفتيس عاليين

لكن مع الأسف فرحة ماتمت ركنت العربية وقبلها بلية الدبرياج مطلعة صوت نقرشة بتروح لما بتدوس دبرياج:fun_broken:

رد: رابطة ملاك ومحبى السفينه فيات 132
 

[محمدصلاح القاضى]
تعرف يا هشام انا اكتر حاجه مضيقانى اوووى
هو اولسيه الكرنك مش عارف هيظبط ولا ممكن يبقى العن من دلوقتى ولازم اطلع المكنه برا وجايز الاسطوانه والديسك ميظبوطش وحورات وافلام
انا الموضوع دا اكتر حاجه محيرانى اوووى لكن الموتور شكله يقرف الزيت مغطيه من كل حته مع التراب غير انى اما ادور العربيه الصبح القائى تحتها بقعة زيت محترمه من الكرنك على الساعه على الجوانات انا هنجن والله وعاوز احكم الموتور صح عشان العزم يبقى تمام
ثانيا ان شايف رشح زيت على جنب الموتور اليمين من عند البستم الثالث لحد الرابع مش عارف دا جوان بيسرب ولا تسريب الكامه من فوق هو دا السبب
ومن ناحية التسقيف فان معلى الكهربا اليومين دول لان البوجيه بينفث وعشان كدا لازم اروح اعمله
انا عاوز اما انزل القاهره اسأل على الحاجات دى وبالمره اكون جبت الحاجه بتاعت ايمن معايا
وان شاء الله هنزل اشتريها بكرا من باب الامان [/QUOTE]


بعد مساء الخير على الجميع وتحيه لاحلى شباب
اسمحوا لى اشارك بخبره بسيطه فى موضوع الاويسيل بتاع الكرنك ومشكله الزيت التى لاتنتهى
فى الصوره المكان اللى بيركب عليه الاويسيل ( اللى عليه الاسهم ) المكان ده مع طول الوقت والتشغيل الاويسيل بيجرح ويحفر فى الصلب ومهما غيرنا بيفضل مكان الحفر يجيب زيت
العلاج الوحيد ليه بيقى فك الكرنك ويروح للخراط يخرط مكان الاويسيل ويركب جلب جديده وبكده بيتمنع هروب الزيت واى حل غير كده طول مامكان الاويسيل بايظ يبقى تضيع للوقت والفلوس
انا عملته عند الخراط كلفنى 130 جنيه بس ساعتها كنت بعمل عمره والكرنك كان مفكوك طبيعى
http://img577.imageshack.us/img577/4485/cranks2.jpg

رد: رابطة ملاك ومحبى السفينه فيات 132
 

على فكره ياجماعه المكان اللى يجيب زيت بعد تغير الجوان او الاويسيل يبقى فيه مشكله بمعنى الكرونه بتجيب زيت او كرتير الزيت بيجيب زيت رغم تغير الجوان يبقى الكرتير فيه اعوجاج بسيط ومهما حطيت سيلكون استحاله يمنعه لان ضغط الزيت والسخونيه اقوى من السيلكون
كل الحاجات دى عشتها واتمرمت فيها وبتجى فى النهايه الاكتشاف بالمصادفه او حد يدلك عليها
انا بقى قرفان وركنا العربيه لانى اكتشفت ان ترس المناول بيلعب فكيت الموتور بره وفكينا الترس لقيت دراع المناول مكسور وواقع جوه كرتير الزيت وهو نازل كسر مسوره البخار عشان كده انا سالت من فتره على كميه الزيت اللى بتطلع من خرطوم الفايظ وطبعا اكتشفت ان الماسوره لما باظت الزيت كله بقى ملوش مكان غير خرطوم الفايز طبعا اشتريت غيره وغيرت السبيكه وكانت شغلانه مقرفه 3 ايام شغل وكله كوم والتدوير على ماسوره البخار اتبهدلت على مالاقتها فى عزبه زفت ( شلبى سابقا ) وباعوهالى بالعافيه ب 100 وكانهم عاملين فى صدقه او حسنه لله وقفلت الموتور وركبته ودورت العربيه والشغله اتكلفت اكتر من 700 جنيه جيت تانى يوم ادورها لقيت البطاريه ماتت بمعنى كلمه ماتت رحت مغطيها ومن يومها وهى مركونه ونفسى مسدوده منها
لكن شويه كده وهرجع ليها لانى بجد مهما قسيت واتمرمت منها بحبها ومنه لله اللى خلانى احيها ههههههههههههههههههه

رد: رابطة ملاك ومحبى السفينه فيات 132
 

كلامك جميل جدا

ومعلش قدر الله وماشاء فعل

هل كان فيه أعراض تانية قبل ماتعرف موضوع المناول ده

يعنى المفروض كانت لمبة الزيت تنور ، او مايبقاش فيه ضغط زيت وبرضو اللمبة تنور ، اه اللى خلا الأمور توصل لكده
واه اللى خلا الترس يقطم عيب فى الإسبراتير مثلا ؟