مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- 124 و 125 و 131 و 132 (https://www.masrmotors.com/vb/forumdisplay.php?f=218)

- - FIAT 132 2000 (https://www.masrmotors.com/vb/showthread.php?t=3168)

رد: FIAT 132 2000

اقتباس:

المشاركة الأصلية كتبت بواسطة adriano_lala (المشاركة 195177)

أهلا بيك يا أستاذ حازم وشكراً جداً على مداخلتك المثمرة

أنا فعلا انهرده روحت مع عمي لمعرض عربيات في شبرا بتاع واحد صاحبه ولقينا عنده 4 عربيات 132 كلهم 1600CC

واسعارهم واحدة 13 وواحدة 14 وواحدة 15 وواحدة 18

بس فعلا زي ما انت قولت اكتر واحدة شدتني ليها اللي ب18 دي شكلها ناعم جدا ومفيهاش أي تعريج والببان سليمة ومركبة جنوط وشكلها ماشاء الله .. المهم الراجل قاللي ممكن اخلصهالك على 17 او 16 ونص ..

بس عمي قاللي لأ كتير وقلبنا في اللي ب13 و 14 و 15 فهو قاللي ان اللي ب14 حلوة جدا هي موديل 75 وقالي لو صرفت عليها الفين توضيب للشكل الخارجي هتبقى زي الفل ..

بس احنا مشينا وقولناله هنجيلك تاني وانا لسه بفكر بقى .. بس فعلا انا لما شفت ال132 وسوقتها انهرده كرهت اللادا دي أنا مكنتش بسوق غير اللادا أصلا فلما ركبت ال132 حسيت إني كنت بسوق قطر قبل كدا .. :)

على العموم إن شاء الله لو خلصت في حاجة من الاربع عربيات دي أو شفت غيرهم هبقى أجيبلك صورها إن شاء الله وتقولي رأيك وأي تعديلات تشوفها مناسبة هعملها فوراً ..

وشاكر ليك مرة تانية يا فندم

طب ما هي ام 14 دي و موديل 75 لو صرفت عليها الفين جنيه يعني حتبقي ب 16
طب لو ام 18 دي حالتها كويسه و موديلها كويس يبقي توكل علي الله
شرا العبد و لا تربيته زي ما بيقولوا و خصوصا الفرق مش كبير
دا لو صرفت 2000 بس ما صرفتش اكتر من كده
يا تري ام 18 دي موديل كام؟؟؟

رد: FIAT 132 2000

اللي ب18 دي موديلها 77 وشكلها عامل زي الـ2000 سي سي بالظبط لكن هي 1600
يعني رأيك أشوف دي أحسن واحاول انزلها زي ما الراجل قاللي ل16 ونص مع صاحب العربية ؟

رد: FIAT 132 2000

اقتباس:

المشاركة الأصلية كتبت بواسطة adriano_lala (المشاركة 195277)

دي علي فكره احسن عربيه فيهم
بيسموها في السوق 2000 كداب
نفس شكل ال 2000 لكن زجاج عادي مش كهربا و شكلها افضل من ال جي ال اس و الموديلات الاقدم
لو العربيه دي نضيفه اتوكل علي الله
يعني صاج و صالون و فرش و تابلوه و فرش سقف و فرش ابواب
و جنوط و شبكه و فوانيس و نواكل الابواب كامله كلها
يبقي خدها وبلاش تشتري عربيه تقعد تصرف عليها و يا عالم حترجع كويسه ولا لاء

رد: FIAT 132 2000

صح انت عندك حق والله
ان شاء الله بكرة هنروح نتفرج عليها تاني وناخد معانا سمكري وربنا يكرم بقى

رد: FIAT 132 2000

اهلا يا جماعه معاك عاشق 132 محمد من طنطا انا عندى 132 2000سى سى وموديل 79 ولكن بحالته نادرجدا انك ممكن تلاقى واحده زيها انا عندى واحده موتسبيشى القرش ودى بتاعتى انا اما 132 فهى بتاعت والدى وانا بحب العربيه جدا وبحب اركبها عن عربيتى لانها عمليه جدا وبعدين احب اوضح حاجه انا العربيه عندى ما بتاكلش بنزين خالص لانها بتعمل 170 كيلو فى الصفيحه الواحده والعربيه لونها نحاسى وبفرش بلادها الاصلى (الفبريقه) السقف مش متهان خالص والتابلوه بحاله شاذه جدا والتكيف شغال والباور والسنتر والزجاج الكهرباء ولسه لحد دلوقتى بجنوط بلادها المروحه والموتور متعمرش خالص ولسه بحالته والله العظيم وده لان العربيه مرفوعه 16 سنه ودا بسسب ظروف عمل مالكها الاول ويمكن سيادتكم تعرفوها وهى والده المذيع ادهم الكمونى مقدم برنامج سكوت هنغنى وطبعا هى كانت بتهمل فى مجال الاذاعه والتلفزيون وكانت عربيه الشغل تاتى لاخذها من الفيلا وترجع بها الى هناك وكانت هذه السياره مرفوعه فى جراش الفيلا 16 سنه حتى اشتراها والدى من تاجر سيارات وبقيت معنا حتى الان والعربيه انا ميشت بيها 160 كيلو وهى بسم الله ماشاء الله ثابته تماما على الارض ومن اقوى العربيات فى المناورات على الطريق وعمل الغرس وكان جيلى فيها 27 الف ووالدى مر ضاش يبعها خالص ويعتبر صالون السياره من افخر الصلونات الموجوده بالسيارات ولو حد عاوز صور للعربيه ممكن يراسلنى على الايميل بتاعى MIDO202020002000@YAHOO.CO M

رد: FIAT 132 2000

اهلا و سهلا بيك استاذ محمد معانا
يا ريت حضرتك ترفع الصور في المنتدي
علشان تفرجنا علي تحفتك بارك الله لك فيها
دا اميلي لو تبعت ليا الصور اكون شاكر و ارفعها انا
hazem_khidr@yahoo.com

رد: FIAT 132 2000

اجمل ما انتجت فيات على مدار تاريخها
انا كان معايا وادة المانى لمدة 24 سنه
عربيه ترفع رأس صاحبها فعلا
لكن لندرة قطع غيارها الاصليه بعتها وانا زعلان عشر ة عمر ولا ايه