مصر موتورز مجتمع السيارات - استفسر عن دهان سيارتك !!!!!!!

مصر موتورز مجتمع السيارات (https://www.masrmotors.com/vb/index.php)

- جسم و هيكل السيارة (https://www.masrmotors.com/vb/forumdisplay.php?f=176)

- - استفسر عن دهان سيارتك !!!!!!! (https://www.masrmotors.com/vb/showthread.php?t=103983)

رد: استفسر عن دهان سيارتك !!!!!!!

السلام عليكم ورحمة الله وبركاته ......
استاذ ايمن سؤال محتاج اجابتك لو تكرمت

بمعدل اسبوعى حاليا اقوم بغسل السيارة بالماء فقط ثم تجفيفها ثم استخدام واكس ABRO من اجل لمعان السيارة وسهولة تنظيفها من الاتربة فهل يوجد اضرار اذا استخدمته اسبوعيا ؟ وهل يعتبر نوعا جيدا ؟
فى انتظار ردك

رد: استفسر عن دهان سيارتك !!!!!!!

اقتباس:

المشاركة الأصلية كتبت بواسطة موديز ريو 2013 (المشاركة 836078)

عربية حضرتك زيرو مفيش مشكله من غسلها حيث ان الصاج معالج ضد البارومه الصدأ ومفيش مشكله من استعمال الواكس ولكن في الصيف احذر من غسلها اثناء وقوفها في الشمس لمده طويله حتي لاتؤثر علي الدهان

رد: استفسر عن دهان سيارتك !!!!!!!

اقتباس:

المشاركة الأصلية كتبت بواسطة michohat (المشاركة 835930)

السمكري متوفر عندي والحمد لله
باقي المتطلبات هل ممكن توفيرها وازاي وهتبقي مثلا ف حدود كام؟

زي ماقولت لحضرتك المشكله في الصنايعي المحترف واللي عنده ضمير
عربية حضرتك متالك فضي لو اتعملت من بره علشان تتعمل صح اقل واجب 1600 جنيه ده لو البويه العاديه الشائع استخدامها اوميجا وفي بويات طبعا غاليه زي الاسكنز والـ سبيس هيكر بس ساعتها هتوصل العربيه معاك ل 3000 بويه من بره بس
المشكلهانك تلاقي صنايعي ميضيعلكش فلوسك في الارض

رد: استفسر عن دهان سيارتك !!!!!!!

اقتباس:

المشاركة الأصلية كتبت بواسطة أيمن الروبي (المشاركة 817228)

فيه معلومه يا جماعه احب اضيفها انهارده الا وهي :-

في مشكله تواجه الشباب من الجنسين ممن يمتلكون سيارات زيرو ولم يسبق دهانها من قبل واصبح بها بعض الخرابيش والخبطات ويتركونها مشوهه بحجة ان البويه تفضل فبريكا
نقولهم طب ماتدهنوا العربيه وبرده هتفضل فابريكا طب ازاي

هنا بقي يفرق الصنايعي التعبان من الصنايعي البروفشنال

الصنايعي التعبان يعمل ايه

بيمعجنلك القطعه كلها مثلا الكابوت كله او الباب كله والخ وبعد كده يبطن العربيه كلها بالفلر وبعد كده يرش البويه وبالتالي لما حضرتك تيجي تبيع العربيه وييجي اللي هيشتريها يروح مخربش حته بآله حاده في ايديه علشان يتأكد انها فابريكا يبص يلاقي ظهر من الخربوش معجون وفلر تحتيها وبالتالي يقولك دي مش قابريكا ومرشوشه وشكلها واخده خبطه جامده

الصنايعي المحترف يعمل ايه

ييجي علي المكان اللي فيه خبطه او خربشه ويمعجنه علي قده ويبطن علي اده وبقيت القطعه ماينجيش جنبها غير انه يخدها صنفره خفيفه علشان البويه الجديده تمسك عليها
وبعدين
في حالة ان البويه ساده مش ميتالك بيرش القطعه كلها
ولو البويه ميتالك يرش الخبطه او الخربشه علي قدها والقطعه كلها يديها ورنيش
وبالتالي لما ييجي حد يخربش العربيه يأي اله حاده هيلاقي الصاج ظهر معاه ولا أثر لمعجون ولا بطانه
وبالتالي العربيه فابريكا ولم تهان ولم يحدث لها حوادث

أدعو لي و لأسرتي بالصحه والستر دنيا و آخره

جزاك الله خير
و بارك لك و لنا جميعا فى اسرنا و صحتنا
:Bravo::Bravo:

رد: استفسر عن دهان سيارتك !!!!!!!

اقتباس:

المشاركة الأصلية كتبت بواسطة أيمن الروبي (المشاركة 836592)

السلام عليكم ورحمة الله وبركاته استاذ ايمن
اشكرك بجد على اهتمامك بان حضرتك ترد عليا وعلى جميع المشتركين بالموضوع
انا فعلا لما اقوم بغسلها اغسلها فى الصباح عندما تكون الشمس خفيفة ثم اقوم بمسحها على طول بعد الغسيل ثم استخدم الواكس هل يوجد اى نوع جيد ؟ انا استخدم ابرو صنع فى امريكا (علبة صاج)
هل يوجد اى مادة لتغطية السيارة بها لحمايتها اثناء السير بها على الطرق السريعة لتفادى حبات الطوب الصغير التى تخدش البادى للسيارة؟

رد: استفسر عن دهان سيارتك !!!!!!!

استاذ ايمن اولا اشكرك جدا على تعاونك معانا
انا متابع معاك من اول الموضوع علشان كنت برش عربيتي واستفدت جدا من اجاباتك على اسئلتى
بس للاسف الصنايعي بتاعي مطلعش عنده ضمير خالص
انا اخترت بوية اوميجا على اساس تبقي رخيصة ومتتسرقش

ومش هتصدقوا ان الصنايعي علشان يسرق منى كيلو فيلر ب 37 جنيه خسرني 1800 جنيه

الصنايعي بدل ما يرش فيلر رش دوكو رصاصي لون زى الفيلر بالظبط وبعتني للكابينة
والعامل وهو بيرش بصينا لقينا البوية بتقطق بلغة الصنيعية فوشت
جه الصنايعي اتخانق معاه وقاله كان المفروض تحط مصلب على البوية وراح عامل الوش الثاني بالمصلب وبرضه فوشت
فصاحب الكابينة جه وقال ان العلاج الوحيد اننا ترشها ورنيش وبعد كدة تتسحق وتترش بوية تانى وورنيش وتم فعلا اللى قاله صاحب الكابينة
بس للاسف الصنايعي علشان ميخسرش بدل البوية الفرن رش دوكو رصاصي وعليه ورنيش
فطبعا انا كنت عايز لون فضي لامع ميتاليك وهو عملها رصاصي فاتح
فطبعا شكلها مش عاجبني خالص وكمان البوية فى الكبوت اتشققت من تحت الورنيش
واحلي نكتة ان انا مديله لحد دلوقتى 1700 جنيه وبيتصل بيا علشان ياخد ال 100 جنيه
وبيقولى لو فيه غلطات يصلحها عنده فى الورشة من غير كابينة وبالبوية الدوكو فطبعا انا رفضت

فانتا يا استاذ ايمن رأيك ايه فى الموضوع ده واغير لون العربية ازاى
هل لازم اجيبها على الصاج تانى علشان اضمن ان البوية الجديدة متشققش ولا اعمل ايه