مصر موتورز مجتمع السيارات - الخائفون من شراء اللوجان

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - الخائفون من شراء اللوجان (https://www.masrmotors.com/vb/showthread.php?t=96966)

رد: الخائفون من شراء اللوجان

اسف للاخطاء فى الكتابه لانى مش واخد اوى على الكتابة التاتش ...!!

وكان رأيى ان الميزه الوحيده اللى فى نفس فئه اللوجان " اللانوس و الفيرنا - و اى هيونداى كمان) سهوله الصيانه فى اقرب مكان ....و ان ممكن الواحد يتجنب الموضوع ده بانه يعمل للعربيه الصيانه الدوريه فى مواعيد مظبوطه ...اكيد فى مواعيد الضمان ..و برضه يعملها لما يخلص الضمان

اى عربيه مهما كانت سهولتها ...اعطالها المفاجئه ..نتيجه تكاسلنا و انتظارنا لما تظهر المشكله نسعى لحلها ...و ده بيعطل اكتر صدقنى

انا كان معايا 128 " كسر زيرو عامله 5000 كم" .......مفيش اسهل من كده ...و طبعااااااااااااااااا ...مكنتش بروح لاى صيانه الا لما تظهر مشكله ! ..بس طبعا المشكاكل كانت بتظهر فجأه و تعطلنى ...تخلينى اركنها ممكن يوم او اتنين ! لحد لما افضى لها ...و كنت باخد مواصلات ! ...

وطبعا مكنش مطروح فكرة ان اروح كل 5 او 10 الف من نفسى كده اعمل صيانه دوريه ...هههههه.....

الواحد لو هايشترى 128 لانوس فيرنا و كل الحاجات سهله الصيانه ديه ! ...و حاسس ساعتها ان كده ابتعد عن وششش تخصيص يوم للصيانه الدوريه للوجان مثلا ....هيلاقى فجأه ظهرله عطل فى كهربا او ميكانيكا او مارش...ولو مستعجل يا باشا هاتركنها و تاخد مواصلات ...و تستنى تجيب صنايعى و اشتغالاتهم و قلة خبرتهم التى لا حصر لها !!!!!!!!!!

رد: الخائفون من شراء اللوجان

ههههههه بتوع الفيرنا مش عاجبهم انتشار اللوجان خالص ولا حتى فكرة انها ممكن تنجح ههههههههههههه
انتوا عالم زى الفل :CHUBBY~36:
اخبط على تابلوة الفيرنا و اخبط على تابلوة اللوجان :k_crying77[1]:ههههههه

رد: الخائفون من شراء اللوجان

اقتباس:

المشاركة الأصلية كتبت بواسطة sherifabden (المشاركة 758890)

طب وهوامشورا عليك ولا حاجة يعني بعيد عنك اوي ولا ايه ؟؟

مسافة 70 كيلو تقريبا ذهابا ومثلهم ايابا

رد: الخائفون من شراء اللوجان

اقتباس:

المشاركة الأصلية كتبت بواسطة أشرف المصري (المشاركة 759210)

مسافة 70 كيلو تقريبا ذهابا ومثلهم ايابا

طب ما دي مسافة بسيطة
بالكتير اوي لو الدنيا حبكت هتاخد ساعة رايح وساعة جاي

رد: الخائفون من شراء اللوجان

شكرا على الموضوع الجميل :Bravo: ، أنا فعلا عايز أشتري لوجان أوتوماتيك وخايف من الآتي:
1- مشاكل الفتيس اللي بسمع عنها
2- مشكلة العزل وحرارة المحرك اللي بتخل على الكابينة
3- أسعار قطع الغيار المرتفعة
4- بحس ان هيكل العربية ضعيف والرفارف فيبر
5- استهلاك البنزين بسمع انه عالي
5- الفوانيس الأمامية ضعيفة الاضاءة
6- سعر اعادة البيع

غير بقه الحاجات الرخمة زي اماكن زراير الازاز ومؤشر الاتجاهات سواء يمين او شمال الاتنين بينوروا ومكان الكلكس ونور المارشدير بينور ناحية واحدة بس وكرسي السائق اللي لازم تقوم من عليه عشان ترفعه

شكر وتقدير

رد: الخائفون من شراء اللوجان

بص مبدئيا انا لسه مستلم امبارح العربيه يمكن عملت بيها حوالي 75 كيلو بس حرد عليك برضه

اقتباس:

المشاركة الأصلية كتبت بواسطة kordy_777 (المشاركة 760739)

شكرا على الموضوع الجميل :Bravo: ، أنا فعلا عايز أشتري لوجان أوتوماتيك وخايف من الآتي:
1- مشاكل الفتيس اللي بسمع عنها
الفتيس سلس جدااا ماشاء الله ولا في عضه ولا حاجه
دوس دبرياج عالاخر وغير براحتك والدبرياج بيفصل في نص الدواسه يعني عالي شويه بس ناعم جدا فمبتحسش بالطول ده

2- مشكلة العزل وحرارة المحرك اللي بتخل على الكابينة
بصراحه محستش باي حراره جوه الكابينه ماشاء الله

3- أسعار قطع الغيار المرتفعة
بس معمره وبعدين انت في الضمان 3 سنين يعني مش حتشغل بالك
ولو قلقان بزياده امن عليها وريح نفسك

4- بحس ان هيكل العربية ضعيف والرفارف فيبر
اي عربيه زيرو والحديث بالذات لازم الصاج يكون خفيف عشان فرق السرعه وبعدين بص السعر

5- استهلاك البنزين بسمع انه عالي
بالنسبالي طبيعي يبقي عالي اول 5000 وحيقل بعد كده ان شاء الله(الكاتالوج بيقول كده)

5- الفوانيس الأمامية ضعيفة الاضاءة
والله الاضاءه ماشاء الله عليها شديده جدااا ماشي عالواطي طول السكه ومستخدمتش العالي خالص الا لما بحتاج اعدي من حد
وفارش عالارض وموضح كل حاجه
اللي نوره واطي شويه الفوج لايت

6- سعر اعادة البيع
اصلا انت لو بتفكر في اعادة بيع متفكرش في زيرو اصلا لان طبيعي انك حتخسر فيها واحسنلك هات كسر زيرو او مستعمل نضيف
لكن اللي بيفكر يجيب زيرو بيفكر في عربيه تعيش معاه وحتة البيع مش في دماغه

غير بقه الحاجات الرخمة زي اماكن زراير الازاز ومؤشر الاتجاهات سواء يمين او شمال الاتنين بينوروا ومكان الكلكس ونور المارشدير بينور ناحية واحدة بس وكرسي السائق اللي لازم تقوم من عليه عشان ترفعه

بالنسبه لمكان زراير الازاز اللي قدام ممكن اتقبلهم واخد عليهم لكن اللي رخمين بجد بتوع ازاز ورا
وبالنسبه لمؤشر الاتجاهات حيشغلك في ايه انا عن نفسي مش شاغلني في حاجه وهو انا لما باجي ادي اشاره حبص عالتابلوه انا مولع انهي اتجاه اكيد بتبقي عارف
والكلاكس مريح جدااا علي فكره جديد عليا بس مريح
والمارشدير واحده بس يمين لان غالبا الركن كله بيبقي يمين
والناحيه التانيه لمبة فوج لايت لان لو في ضباب وانت عالسريع اكيد اللي حيعديك حيبقي عالشمال هو تصميم اوروبي مش اكتر ميعيبش العربيه يعني
والكرسي لازم تقوم من عليه طبيعي لانه بالضغط زي كرسي الكمبيوتر ازاي حيترفع وهو عليه قوة ضاغطه وبعدين بتظبطه مره واحده بس وخلاص مش كل شويه حيتحرك يعني
من الاخر العربيه باللي انا شايفه فلوسها فيها وربنا يكرمك ويوفقك للي فيه الخير ان شاء الله :)
شكر وتقدير