مصر موتورز مجتمع السيارات - نظره على الأحداث

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - نظره على الأحداث (https://www.masrmotors.com/vb/showthread.php?t=72436)

رد: نظره على الأحداث

[QUOTE=MmFFoR;556551]لو تم القضاء على المتظاهرين في الميدان و وأد هذه الصحوة فلنقرا الفاتحة على شرفنا و حريتنا و كرامتنا لثلاثين سنة قادمة عل و عسى ان يحقق احفادنا ما عجزنا عنه او يقضي الله امرا كان مفعولا - بس مش حنشوف تطور او احترام او حرية او عدالة طول عمرنا بعد النهاردة - اللهم بلغت اللهم فاشهد

ياأخ ممفور الناس إللى موجوده فى التحرير مش هما دول شباب الثوره إللى الشعب أيدهم ووقف معاهم فى بدايه الثوره
دول أشكال تانيه ......دى ناس خارجه عن الشرعيه .....عارف خارجه عن الشرعيه يعنى إيه .....يعنى مش عايزين الإنتخابات إللى إستفتى عليها الشعب تتم .
شباب الثوره إللى كانوا فى التحرير فى بدايه الثوره ظلوا 18 يوم فى الميدان ولم يرتكبوا أى مخالفه أو يكسروا محلات أو يحرقوا عربيات الناس أو ممتلكات الشعب .

رد: نظره على الأحداث

يا اخ ممفور فى لعبة كبيرة جدآ بتتلعب على مصر وفى ناس مستاجرة وبتاخذ فلوس علشان تخرب وتدمر وبتسمى نفسها مظاهرين . المتظاهرين بجد اللى كانوا نازلين يوم الجمعه وبعدين روحوا لكن بتوع يوم السبت والنهارده دول بلطجيه مستاجرين غرضهم انفلات امنى والاطاحه بالمجلس العسكرى .كل المتظاهرين الشرفاء انصرفوا من الميدان مساء الجمعة فى الميعادالمحدد لانهاء المظاهرات . تقدر تقوللى المتظاهرين اللى فى الميدان دلوقتى ينتمون الى اى حزب او تيار سياسى. فى تيار سياسى قال ان المتظاهرين المتواجدون حاليآ بالميدان ينتمون اليهم كل التيارات الساسيه انصرفوا من الميدان يوم الجمعه

رد: نظره على الأحداث

اقتباس:

المشاركة الأصلية كتبت بواسطة مادا (المشاركة 556575)

أرادات أمريكا ان تدمر بلد عربي قوي جداً اسمه العراق .. فاستغلت وجود حاكم فاسد ديكتاتور و تدخلت لتنقذ الشعب منه و من ظلمه ( مع انها كان من الممكن أن توقف دعمها المادي و العسكري له )

فدخلت لتخلع الطاغية فدمرت كل مؤسسات الدولة و متاحفها و مرافقها و جيبشها و كل مظاهر الحضارة كنتائج غير مقصودة في عملية خلع النظام ( أعراض جانبية ) حتى أنتهت الدولة .. ثم قامت بحل الجيش و تعيين مجلس رئاسي مدني به عملاء أمريكا في العراق ... ثم تفجيرات متبادلة بين الشيعة و السنة في غياب الأمن حتى ادخال البلد في صراع طائفي ...

ما حدث في العراق هو ما يحدث الآن تماماً في مصر من بعد الثورة .. و سيظل عملاء أمريكا يمارسوا دورهم في اقناع الناس بأن لا شيء تغير و الحاكم الحالي أكثر فساداً من مبارك ليأتي من تريده أمريكا أو تعيش مصر في فوضى للأبد

رد: نظره على الأحداث

اقتباس:

المشاركة الأصلية كتبت بواسطة akefpop (المشاركة 556589)

كلامك كان يبقى صح لو كان بعد 8 شهور البلطجية اتلمت و الداخلية نضفت من الفساد الى فيها و المحاكمات لرموز النظام البائد محاكمات بجد مش مسرحيات خايبة, الانفلات الامنى الى بدورة يسبب بانهيار الاقتصاد متعمد و مقصود, و الموجودين قى التحرير ثوار شرفاء رغم انف الجميع.

رد: نظره على الأحداث

يا جماعة لا مؤاخذه هيا إسطوانة مشروخة و بترددودها من غير وعي !!!

مأجورين أيه و خونة أيه و أمريكا أيه ؟؟؟؟

أنتم مش متابعين و لا بتتعاموا ؟؟؟

العيال عمالين يطحنوا بقالهم يومين !!!

ده كله عشان أيه عشان شوية متخلفين عايزين يفضوا 200 نفر

ده لو اشتغلنا بنظرية المؤامرة يبقي المجلس بس اللي متآمر و هوا صاحب المصلحة الوحيد

و بإفتراض أقصي درجات حسن النية

يبقي غبي وفاشل