|
رد: عملت كام حادثة مع الستات في حياتك؟
عندك حق والله
|
رد: عملت كام حادثة مع الستات في حياتك؟
كتيير دول عيزين يتمنعوا من السواقة نهائيا
|
رد: عملت كام حادثة مع الستات في حياتك؟
هههههههههههههه
والله ضحكتونى وفرحانه فيكووووووووووو علشان حسيت انكو يا حرااااااااام متغاظين مننا قووووووووووى اما بقى نيجى لموضوع السواقه ده زى ما فى بنات كش بتعرف تسوق فى رجااااااااااااله كتير مش بيعرفوا يسوقوا وفاكرين ان اى بنت جمبهم بتسوق مش بتعرف تسوق ويقرصوا قدامها ويغلسوا عليها وهى ماشيه على اساس بقى انها هتكش وتمشى زى الفار جمب الحيط وفاكرين نفسهم انهم خلاص مفيش حد غيرهم يعرف يسوق بس انا عن نفسى الحمدلله ردا على الى قال لو مفيش كوسه محدش هيعدى من اختبار المرورو انا عديت ومن غير كووووووووووسه ومن اول مرة:waving: ردا على الى بيقول شوف الفرق بين عربيات البنات وعربيات الرجاله بسم الله ماشاء الله ومن غير حسد الحمدلله يا رب عربيتى مش فيها اى خبطات وده مش انا بس كل اصحابى وقرايبى نادر اما عربيتهم تكون مخبوطه :clapW15: اما بقى بالنسبه للموبايل والى بيتكلموا فييييييه الرجاله اكتر من البينات فالموضوع ده جدااااااااااااااااا وفى حاجه اسمها كار كت تتكلم من غير الموبايل مش هتلاقى راجل حطه فى عربيته لكن البنات معظمها عاملاه وبالنسبه للناس الى قالوا دول حم000 وابرد دم ده مش اسلوب فى الكلام لانى اهو رديت من غير ما ولا اقول برود او ابرد دم او ح0000 الغريبه ان التفكير المظبوط استحاله هيعمم ان البنت كلهم مش بيعرفوا يشوقوا او يعمم ان الرجاله كلهم بيعرفوا يسوقوا |
رد: عملت كام حادثة مع الستات في حياتك؟
اقتباس:
لكن وبصراحة الاغلبية بتاعتكو معدية ال98% بالراحة منكو مبيعرفوش يسوقو ولاعندهم فكرة عن السواقة وده بناء على تجارب شخصية لانى لفيت مصر كلها من شرقها لغربها واجازة بالعافية من السواقة دلوقت لان عضلات رجلى جالها اجهاد من السواقة وانا منكرش انى اتعرضت مرة لواحدة راكبة شيروكى وعمالة تغتت على خلق الله وطبعا العرق الصعيدى نط وجريت وراها وعملت كام حركة اكروبات لمت نفسها بعدها ومشيت على المحور منتهى الادب وطبعا اللى ضايقتهم لحقوها وكل واحدة خبطها كلمتين لكن بصراحة متمكنة جدا من السواقة واللى غاظها اكتر ان عربيتى نيسان صنى فبالنسبة للشيروكى عربية على ادها بس حظها الزفت وقعت فيا وانا واخد فرقة ميكروباس وشهادة من كلية الميكروباس الدولية فلمت نفسها لحد الدائرى و كل واحد فينا مشى فى اتجاه مختلف بس دى واحدة بس اللى قابلتنى متمكنة جدا فى سواقتها ومشفتش حد بعد كده ولما قلت نسبة ال98% من البنات والستات معندهومش فكرة ده طبعا مجاملة ليكى لكن هما حوالى 99,9 % |
رد: عملت كام حادثة مع الستات في حياتك؟
والله انا مافهمه.. يعنى انتوا عايزين تفهمونى ان محدش فيكوا عمل حادثة مع راجل واحد.. اتحداكوا ان ده صحيح.. دانتوا اكتر ناس بيتاخد عليكوا مخالفات والمرور شاهد.. رغم اننى انا جديدة فى السواقة لكن عمرى ما كسرت على حد ولو اضريت استخدم الموبايل لمكالمة طارئة بدى اشارة وبركن وبعد كدة اتكلم.. عمرى ما فووت اشارة او كلاكس فى اى ملف او تقاطع.. حتى قليل ما بستخدم التالت عشان عارفة شوارع مصر وبلاويها وخصوصا مع المكرباصات اللى ماليه البلد واللى سواقينها كلهم رجاله ;) ..
لو عملتوا الموضوع "عملت كام حادثة مع الرجاله في حياتك؟" وشوفوا كمية الردود.. ولو هيا مقارنه بيقى هاقول موقف قابلنى وانتوا احكموا مرة كنت واخدة تاكسى ( فيرنا ) للشغل وطلعنا كوبرى غمرة.. وفى نزله شاؤع رمسيس الراجل لقا الشارع مقفول زى العادة.. فقرر يرجع لورا بتاع 20 متر وناخد المنزل التانى.. الراجل الله يكرمة رجع بسرعة بنزين مش عارفة جابها منين وخبط فى العربية اللى كانت واقفة شمال فى اول المنزل جابتلة الفانوس.. لأ ونازل يتخانق مع الراجل الواقف بالعربية ويقوله انه اللى غلطان.. ويزعل انى قلتله ان السرعة اللى رجع بيها خلت العربية تحدف منه فى الاتجاه التانى والمفروض انه كان رجع دبرياج او سرعة اقل... وعجبى |
| الساعة الآن 02:55 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017