تريوس 99
 

السلام عليكم
عايز اعرف هو موتور التريوس 99 منويل كربرتير ولا انجيكشن ولو انجيكشن ميكانيكى و لا اليكترونى؟
واية الفرق بين الموتورين فى المكونات؟
وشكرا

رد: تريوس 99
 

الموتور انجيكشن الكترونى لكن الفرق مش هعرف اقوالك لانى معرفش الموتور التانى اللى بتقوال عليها انا كان معايا الانجيكشن الكترونى

رد: استفسار عن التيريوس 1999 وجزاكم الله خير
 

باشا لو انت مثبت الكلاتشه بتاعه المروحه التبريد الليداتير هتلقيها هى اللى عمله الصوت ده او لو الصوت معاه اهتزاز بصيت من عند الفتيس ممكن يكون كورسى النص عاوز يتغير وكمان اتاكد من زيت الفتيس ولو عاوز حد ميكانيكى بيشتغل فى العربيه دى قوالى وانا ابعت لناس بتشتغل فى العربيه دى بس

عاوز أعرف مكان كويس ممكن أركب فيه الكماليات دي للتريوس؟
 

أنا الحمد لله اشتريت عربية تيريوس 2008 وعاوز أحط فيها بعض الكماليات بس من غير ما يأثر عليها - العربية ما شاء الله ما اتعملش فيها أي حاجة خااااالص برا التوكيل - وممكن الكماليات دي تتعمل هناك بس أسعارها غاليه جدا

أنا من القاهرة -

عاوز أركب:
- حساسات ركن خلفيه
- كاميرا خلفية (ليها شاشة مخصوصة لازم تركب في التابلوه؟)
- غطاء معدني للاستبن (عليه غطاء قماش)
- ستائر للزجاج الخلفي والشبابيك الخلفية عشان يخلي الزجاج الملون ميبينش اللي جوه خالص - أنا كنت شفت في عربيات أصغر من التريوس حطين ستاير كأنها فاميه بس مش فاميه

والحاجات دي ممكن تتكلف كام؟

شكرا جزيلا مقدما

- أحمد

رد: عاوز أعرف مكان كويس ممكن أركب فيه الكماليات دي للتريوس؟
 

انا مااعرفش والله لأني مش مقيم باستمرار في مصر لكن حبيت أقول لك مبروك عليك أفضل سيارة تصلح في مصر على الاطلاق