المشاركة الأصلية كتبت بواسطة ayman abdelrazek (المشاركة 61820)

ده انا ارهقت جدا من القراءه
مابالك باللى بيشاركوا
الله يكون فى عونكم
موضوع جيد اثمر عن ردود فعاله للغايه ومعلومات مثمره
جزاكم الله حيرا
واو (صاحب الموضوع)
احمد ابو كامل (مدافع شرس عن اراؤه الصائبه دائما)
سام ابو رام (خفة ظل وتوصيل المعلومه على طبق البوفيه المفتوح)
يعنى ماتشغلش بالك بوفيه سامح المفتوح لا ينضب ابدا
حازم خضر ( رائد المعلومات وتحليله منطقى للغايه كالعاده)
د بلبلان (شكرا على محاولتك لتهدية النفوس)
احمد باشا انور (مكتشف طريقة مورس لشفرة المنتديات)

واخيرا :
السيراتو لازم تسخن من الكونسول طبعا لأن فرن الشكمان لداخل السياره مش للخارج كما هو موضح بالصوره


http://www3.0zz0.com/2009/07/23/15/638190165.jpg
وللعلم انا تناقشت مع احمد انور بخصوص المشكله دى من فتره على الماسنجر
وبعت له نفس الصوره
سخونة الفرن الشديده بتخش على المقصوره لو العزل مش مظبوط

المشاركة الأصلية كتبت بواسطة ahmed_kamel (المشاركة 61826)

أهلا بـ أيمن بوند نجم نجوم الحركه بالمنتدى

أنا معاك إن ممكن يكون ده سبب ... بس فيه عربيات كتيره ومحترمه عايز أقولك إن مش فرن الشكمان للداخل يعني بيبص لجوه لأ ده الموتور نفسه داخل تحت التابلوه وباين منه 3/4 من الحوض يعني ربعه تحت التابلوه مباشرة ومافيش أي مشكله نهائيا

أرجو أن تكون رحلة القطب الشمالي رجعت منها بدروس مستفاده وإن مفيش مستحيل
بالحق إنت ناوي ياأيمن بوند تنزل الجزء التاني إمتى
عايزينكوا تسخنوا كده إنت والدكتور بولبلان عشان الناس مستنيه على نار الجزء التاني واليومين دول صيف زي ماإنت عارف وموسم أفلام وحركات

أنا مسافر ياجماعه يومين كده الساحل حغطسلي غطستين عشان أروق وأهدي عاصفة الصحراء إللي موجوده بالبيت ضدي
كان مفروض من بدري ننزل بس ربوكوا والحق الواحد ماصدق إن النهارده أجازه فأنتخت في البيت ونمت لحد الساعه 1 ظهرا :) حاجه آخر أنتخه وسلطنه
مش حغيب كتير عنكوا
أنا قلت للحاجه (والدتي) أن تقدم على ADSL في الشاليه من أسبوع كده عشان أعرف أدخل على النت من هناك فلو دخل حيبقى تمام التمام حشوف البحر من خلال النت يعني حقضيها في الشاليه :)

مع السلامه دلوقتي إحنا نازلين باي باي

المشاركة الأصلية كتبت بواسطة ayman abdelrazek (المشاركة 61820)

واخيرا :
السيراتو لازم تسخن من الكونسول طبعا لأن فرن الشكمان لداخل السياره مش للخارج كما هو موضح بالصوره



وللعلم انا تناقشت مع احمد انور بخصوص المشكله دى من فتره على الماسنجر
وبعت له نفس الصوره
سخونة الفرن الشديده بتخش على المقصوره لو العزل مش مظبوط

المشاركة الأصلية كتبت بواسطة ayman abdelrazek (المشاركة 61962)

احنا اللى منتظرين الجزء التانى ياباشا
مخمخ كده وانت قاعد على شط البحر وبتاكل فريسكه:HAPPY_~211:
وارجعلنا بسيناريو الجزء التانى وانا عليا التنفيذ
بس قولى صحيح:
هو مش المفروض شركة الانتاج تجبلى عربيه استون مارتن زى بتاعة بوند الاصلى
ولا بولبلان للأنتاج الفنى بتوفرptmnlo123per144

انا عاوز استون مارتن يادكتوووووووووووووووووووو وورptmnlo123per184