|
|
رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
اقتباس:
ممكن اوضح ان الموضوع ده حصل معايا بالظبط انا عربيتى فيرنا 2010 وبعدين بقيت اسمع صوت تك تك ... اتخيل انها يمين ... وشوية لا...شمال ... لا فى الجزء الخلفى ...روحت لميكانيكى وبعدين عفشجى وعفشجى غيره وغيرة كله يقولى تمام وطبعا كله بيقبض .. وتعبت نفسيتى قوى.. روحت التوكيل بتاع قليوب( الهياكل) اول طريق مصر اسكندرية الزرعى شرحت المشكلة للفنى والمهندس ... نزل بص تحت العربية ...قالى هات المفتاح ... بعد 5 دقايق رجع لى ... قالى خلاص المشكله اتحلت... قلت له فهمنى احسن العملية دى خنقتنى بقى لها شهر .. قالى المطب اللى انت اكلته فية ورده فى مسمار النصى اتعوجت ... عدلتها لك بس بالشاكوش... مطلوب كام قالى ...ولا مليم .... وانت خارج قول للامن انك كنت بتزيت الباب بس... والله ياجماعة كنت صرفت على الموضوع ده 75 جنيه ومتعالجش.. ربنا يكرم كل مخلص امين |
رد: للرد على استفسارات الاعضاء والدعم الفنى لمالكى الفيرنا
من فضلكم ياساده يا خبراء فيرنا......
عربيتى فيرنا 1600 Gls موديل 2010 المشكلة اللى فهمتها من المنتدى ومكنتش عارفها ان قربة المياه بتاعة المساحات .... انا بقى لى حوالى سنه تقريبا بازودها مياة حنفية مكنتش اعرف ان دا غلط... طبعا كل الامور عندى طبيعية .. مفيش حاجة عامله لى قلقل بس لما قريت عرفت ان دا غلط المفروض مياه خضرا ... طيب دلوقتى ايه التأثير اللى ممكن يحصل .. والعلاج ايه ؟ لأن طبعا مش خبير زى حضراتكم .. وشاكر مقدما على النصح |
رد: للرد على استفسارات الاعضاء والدعم الفنى لمالكى الفيرنا
اقتباس:
ولا حضرتك تقصد قربة الريدياتير هى اللى غلط يتحط لها مية الحنفية وعموما قربة المساحات عادى بيتحط لها مية حنفية ولا غلط ولا حاجة وممكن تحط كمان معاها زجاجة جلانس ملمع الازاز وعلى فكرة لما تروح تعمل الصيانة فى التوكيل بيزودوها مية حنفية |
رد: للرد على استفسارات الاعضاء والدعم الفنى لمالكى الفيرنا
اقتباس:
خفت وقلقت .. لكن اشكرك شكرا جزيلا اصلى برضة اول عربية ليه واول استعمال فتلاقى الواحد بيقلق لو حس بغلط.. شكرا لأنك طمنتنى |
رد: للرد على استفسارات الاعضاء والدعم الفنى لمالكى الفيرنا
السلام عليكم ورحمة الله
بفضل الله وحوله تعالى تميت 5000 كم بنزين كان من خلالهم 80 ؟ و 92 ؟ احول غاز ولا استنى مثلا 2000 كمان وفيه ناس بتقولى لازم 10000 كم بس كتير اوى ربنا اللى عالم انا استحملت الفترة اللى فاتت ازاى ؟ اصبر ولا احول غاز ؟ ****اغير فلتر الزيت ولااسيبه لحد 10000 كم ؟ **** هل الاستوب بيجي شغال ولالا ؟ ***** بخار النفس ع الازاز بيروح ازاى هل لابد من تشغيل التكييف الساخن ؟ ام يوجد شئ اخر ؟ وشكرا جزيلا:Wkiss5: |
| الساعة الآن 07:24 AM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017