|
|
رد: من وراء قتل السادات؟
اقتباس:
لازم اجرجرك معايا انا مش حروح لوحدى |
ارسلها لعشره....تكسب جوافايه
إقرأ الكلام للأخر ارسلها لعشره....تكسب جوافايه ...بسم الله الرحمن الرحيم ملحوظه : شخص قرأ هذه المقاله...ولم ينشرها علي الفين وخمسميت واحد...مراته اتحرقت.. وولاده سافروا سنغافورا ...وحماته اصبحت بتطير بليل...وخالته برطمان المخلل بتاعها اتكسر ...!!! --------------- شخص اسمه – محسن – من فلسطين....اقسم انه رأي الرسول في المنام.....ارسلها لعشره وهتسمع خبر سعيد كمان نص ساعه ... -------------- الرسام الدينماركي ...وجد محروقا جمب مقر الصحافه الي هو بيتنيل فيه ......ارسلها لخمستاشر هتسمع خبر حلو كمان اربع سعات – اموت واعرف بيحسب الوقت ازاي - -------------- _________________________ __ عندي سؤال واحد فقط.....لا غير....لماذا لا نحلل ونفكر ونربط الموضوع بالمنطق قبل ما نعمل اي حاجه يعني مثلا واحد اقسم انه رأي الرسول صلي الله عليه وسلم في المنام .....انا استفدت ايه ؟؟!؟!؟! طب لما هنشرها لعشره.....هل في عداد فوق في السما كده.... الاسم : هشام عفيفي عدد المرسلات : 9 المتبقي : 1 الحاله بعد الارسال : سعاده تامه الوقت المتاح : 12 دقيقه من اصل 30 دقيقه ------ تخلف ازلي.......تخلف ازلي ازلي يعني.... انا مبتهمكش انت بالتخلف.....بس انت بردو بتحمل شيء من هذا التخلف...اعذرني ماهو واحد بيقولك...لو منشرتهاش هيجيلك خبر وحش..وهتبقي تعيس طول حياتك وواحد تاني..بيقولك.....واحد خبطته عربيه.......وانت بتصدق وبتنشر....وداخل وهات اميلات وابعت واديلو ده يبقي ايه ؟!؟!؟ --------- بلاش دي..لسه شايف من يومين واحده عندها 13 سنه كان عجز الاطباء عن شفائها...ونامت وصحيت لقت السيده زينب بتنزل ماء من عنيها...وصحيت لقت نفسها شفيت .....- سبحان الله - ....وبعدين ايه السيده زينب قالتلها في المنام....انها تكتب الي حصل وترسله تلتاشر مره .. فواحد فقير وصلتله الحكايه وبعتها ..وبقي غني !! وواحد كان صحته كويسه ..ومبعتاهاش....بقي تعبان وطلعان عين اهله !! ------ انهي عقل الي يصدق !؟!؟!؟!؟ ....حاشا لله ان يكون مثل هذه السيده الطاهره التي هي من اشرف النساء التي نزلت علي الارض.......ان يكون تفكيرها مثل هذا التفكير او تكون السعاده والحزن والرزق في الانسان........مربوط ...بابعتها لخمستاشر تكسب تلاجه ------------ بلاش .....الراجل الدينماركي........تصدق بالله لغايه دلوقتي هو عايش...واعتزل الكاريكاتير من كام شهر – هذه المقاله كتبت في 29 سبتمبر 2010 – وعايش وشغال وزي الفل لا موجود محروق..ولا حصل فيه حاجه* ** مش عايز اخرج عن الموضوع.....بس هي دعوه للتفكير.....عارف الراجل ده متحرقش ليه ؟؟؟ لان لو كل واحد عمل خطأ وربنا حرقه ...كانت زمان الارض كلها والعه ** نقوم احنا مصدقين بردو....وابعت لعشره عشان تكسب غساله ------------ بالله عليك....اذا وجدت ..مثل هذه الرسائل...اربطها بالمنطق والعقل.. طيب هو مين الي هيعرف اني بعتها لعشره.بعد كده بقيت سعيد !!! طيب مثلا...واحد رأي الرسول صلي الله عليه وسلم ......والله شيء طيب .وشيء جميل جدا ويا بخته.....بس انا اسفدت ايه !؟؟! ...هو راجل صالح والرسول جاله في المنام .....انا عملت ايه بقي !؟!؟ فين السعاده لما ارسلها لعشره ! ؟ واشمعني نص ساعه !؟!؟ وبعدين بقي ايه .....الرسايل التحذيريه متاكلش برتقال..عشان وحش بيجيب اسهال متاكلش شيكولاته ..عشان وحشه بتجيب امساك واحد رايح السينما فقعد علي كرسي كان فيه ابره فيها الايدز....متروحش السينما واحده كانت بتاكل فشار..الانبوبه فرقعت في وشها – متعرفش ليه هيا غلاسه- متشربش اي مشروب غازي عشان مليان غازات – شوفت انت دي – متاكلش لا جبن ولا بيض ولا لحمه ولا سمك ولا نباتات - علق محاليل - وكل ده ...ارسله لعشره ...والا حسابك هيبقي عند ربنا ..وحسبي الله ونعم الوكيل فيك ..ربنا يولع في ... ---------------- والناس بردو بتصدق .... فين العقل ...فين المنطق...انا عمري ما شوفت واحد امريكي داخل كاتب Send this to 10 persons…..u will be happy JJ الترجمه : بردو ارسل دي لعشره ...وهتبقي سعيد ومبسوط او مثلا..شوفت واحد بيقول واحد اقسم انه شاف المسيح في المنام..ارسلها لعشره...وهيجيلك خبر سعيد بعد حلقه اوبرا علي طول ----------- انا متأكد المره الجاي..لما تشوف رسايل زي دي هتفكر فيها قبل ما تنشرها ملحوظه : لازم تنشر المقاله دي علي عشره.....والا هيقع عليك دولاب قديم معتق ...مصنوع من خشب الزان..جواه سيد قشطه حملة لا تنشر تهدف لعدم نشر الأكاذيب منقووول وطبقا للمبدأ ده يبقى يا جماعة أنا حلمت بأحد شهداء حرب أكتوبر _ده بمناسبة 6 أكتوبر _ وقالى حول بكرت عشرة للرقم 0000000000 لو محولتش هيحصل لعربيتك حجات مش لطيفة أرسلها لألف بكررها تانى 10000 _الصفر ده مقصود_ وحولى رصيد أنت والألف وإنقذ عربيتك _يلا خلينا نسترزق_فلوس كتير |
رد: أهو أنا دلوقتى بس عرفت فايدة السارينة بتاع الشرطة !!!
حقول حاجة واحدة
الحمد لله ربنا نجانى كنت على وشك اسحب البار الحديد بتاع قفل الدركسيون و انزل اكسر بيه برابريز عربيات الزفة كلها لولا فضل الله و استعذت بالله من الشيطان الرجيم |
رد: هيا بنا نلعب
اقتباس:
هل تحب ان تكون القائد دايما؟ |
رد: أهو أنا دلوقتى بس عرفت فايدة السارينة بتاع الشرطة !!!
تخلف وعدم وجود الشرطه هو الى عامل كده
|
| الساعة الآن 02:41 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017