رد: زيت المحركات المانى الصنع LIQUI MOLY
 

السلام عليكم
عندى مشكله بسيطه وحاببا انى اخد رايكوا فيها .
باختصار من حوالى شهرين او تلاته كده كنت عاوز اغير زيت للموتور وسمعت عن ليكوى مولى وقريت مشاركات الاعضاء واستقريت عليه عن اقتناع .
وسالت احد الاعضاء المحترمين جدا والمخضرمين عن الزيت المناسب لعربيتى ( لانوس - 2000 - 150000 كم ) واختارلى( leichtlauf high tech 5w40 )ولما روحت للموزع عشان اغير الزيت قالى انت احسن لعربيتك( super leichtlauf 10w40 )وقالى لان النوع التانى فيه تكنولوجيا عاليه وعربيتك مش هتستفاد بيه ( على اعتبار ان الكيلومتر بتاع العربيه كتير ) وفعلا حطيت النوع التانى ( اللى الموزع قالى عليه ) وده مش معناه ان لم اثق فى كلام العضو بتاتا ولكن الموزع قالى ان التكنولوجيا مش هتفرق معاك http://www.masrmotors.com/vb/images/...364%5B1%5D.gif.
والمفروض ان الزيت ده بيتغير بعد حوالى 10000 - 12000 كم حسب كلام الموقع الخاص ب ليكوى مولى والموزع والاعضاء كمان .
وانا كنت هغيروه بعد 8000 كم ( نصيحة من العضو المخضرم ) ومكنش عندى مشاكل.
المهم فى الفترة الاخيرة حسيت ان صوت العربية عيلى قوى وروحت للميكانيكى لانى كنت بغير زيت الفتيس وقولتله نبص على زيت الموتور وبصينا واللى حصل :-
1 - الزيت ناقص كتير ( تقريبا منسوبه عند اخر علامة ال low وانا قيسته تانى وكان نفس المنسوب
2 - الزيت تقريبا اتحرق ( نسبة احتراقه حوالى 85 % ).
3 - الميكانيكى قالى لازم تغيروه فى اقرب وقت .
انا نسيت اقول انى لما غيرت الزيت حطيت قبليه engine flush عشان يبقى الجديد على نضافة .
من ساعة ما غيرت الزيت لحد دلوقتى تقريبا عامل 3000 كم فقط.
فهل يكفى 3000 كم فقط لان ينقص الزيت الى هذه الدرجة وان يتم احتراقه بهذه النسبة وهو كان من المفروض على اقل تقدير ان يتم تغييره بعد 8000 كم . (كلام الموقع والاعضاء والوكيل والموزع ).
كنت بستخدم قبل كده زيت موبيل xhp 3000 كم ومكنش بينقص وصوت الموتور كان بيبقى عالى ولكن لم يصل الى هذه الدرجة من العلو.
فى بداية وضع الزيت صوت الموتور اصبح اهدى قليلا من ذى قبل ( ايام الزيت القديم ) الحق يقال وقالى ( الموزع ) ان صوته هيهدا اكتر من كده بعد حوالى 2000 كم ولكن ما حدث هو العكس.
وفى النهايه انا فقط قمت بعرض تجربتى وانتظر الحلول من ذوى الخبره حيث ان هدفى الاول والاخير هو الوصول للزيت الامثل الذى يناسب عربيتى وليس هدفى ابدا ان اسىء الى الزيت ( ليكوى مولى ) اوالوكيل او الموزع او احد الاعضاء فالكل على قدر عال من المسئوليه والرقى والاحترام والتعاون .
وفى انتظاركم .
والسلام عليكم ورحمة الله وبركاته.

رد: زيت المحركات المانى الصنع LIQUI MOLY
 

فى البداية نتقدم بخالص الشكر لكم على اسلوبكم المتميز فى عرض النقاط ، كما نتقدم لكم بخالص الشكر على ثقتكم بنا وبمنتجات شركة ليكوى مولى ، ونحب ان نوضح لكم استفساراتكم كما يلى :
1- بالنسبة للزيت Leichtlauf High Tech 5w40، فان العضو المخضرم الذى افادكم بهذا النوع ، افادكم به طبقا للاويل جايد وهذا شىء حسن ، اما تغير النوع واستعمال النوع المقترح من الموزع Super Leichtlauf 10w40 فقد تم طبقا لتوصيته الخاصه لكم تبعا لعدد الكيلومترات الكبير فى سيارتك والتوصيتان صحيحتان وكلا النوعان يصلحان لك.
2- بالنسبة لموضوع نقص الزيت ،نحب ان نوضح الاتى ، ربما فى عملية تغيير الزيت الاول ( الزيت الجديد) لم يتم ملاء الزيت بالكامل حتى علامة المؤشر العلوى، وعند الفحص لاحقا ( بعد ترويق الزيت لاسفل) تم ملاحظة ان الزيت عند المؤشر السفلى وبالتالى تم الخطأ على اعتبار ان كمية الزيت نقصت ، وربما كان الزيت عند نفس المستوى ( واظن ان هذا هو ما حدث لانه عند قياسك انت للزيت وجدت انه عند نفس المنسوب - بمعنى لا ينقص )
3- عملية تبخر الزيت هى عملية طبيعية جدا ( فى الحدود المتعارف عليها) ولا داعى للقلق ، لذلك يتم تزويد الزيت عند نقصانه.
4- بالنسبة لموضوع حرق الزيت ، لا اعلم ما هو المقصود بحرق الزيت ، هل تقصد تغير لونه الى اللون الداكن او الاسود ؟، فاذا كان هذا هو ما تقصد ، فاظن ان هذه علامة على قدرة اضافات الزيت على ازالة الرواسب من المحرك ( هل تتذكر الاعلان القديم عن مسحوق الغسيل !!!! الذى تكون ماءه اسود يكون الغسيل اكثر بياضا :) !!)
والزيت المعدنى المعادل لزيت وMobil XHP لدى شركة ليكوي مولي هو زيت Super Formula 20w50 يتم تغييره كل 5000 كم
ونحن دائما فى خدمتكم ويسعدنا دائما اتصالكم

رد: زيت المحركات المانى الصنع LIQUI MOLY
 

شكرا جزيلا على الاهتما وسرعة الرد
واود ان اوضح بعض النقاط :-
1 - بالنسبه لنوعية الزيت فمفيش فيه اى مشكله طالما فعلا ان التكنولوجيا لن استفيد بها .
2 - عندما قمت بتغيير الزيت وضعت اولا engine flush فهل هو كافى لتظيف قلب الموتور من الداخل من الرواسب والشوائب ام لا ؟
وبعده قمت بوضع الزيت الجديد وقمنا بوضع الجالون كاملا .( لم يتبق منه اى شىء).
3 - انا قمت بقياس مستوى الزيت بعد تغييره بعد حوالى يومين او تلاتة وكان المنسوب مطبوط ولكن لم اقم بالقياس مره اخرى الا بعد ملاحظة الصوت المرتفع فى الموتور وذهابى للميكانيكى ووجدناه ناقص ( ناقص زيادة عن اللزوم ).
4 - بالنسبه لحرق الزيت فهو تغيير لونه من العسلى الفاتح الى العسلى الداكن شديد الدكانه .
5 - بالنسبه لزيت موبيل انا ذكرته فقط لانه اثناء استخدامه كان المنسوب لا يبقص ( للدلاله على ان العربية مش بتاكل زيت وان معدل التبخير كان طبيعى ) فهل يختلف الزيت المعدنى عن الزيت التخليقى فى معدل التبخير ؟
6 - بالنسبه لتغير لون الزيت ( حضرتك ذكرتى ان ذلك علامه على ان اضافات الزيت تقوم بعملها ) وهذه نقطه جيده طبعا ولكن الم تكن تلك النقطه مؤشرا على سرعة تغيير الزيت ( مع العلم انه لم يستمر اكتر من 3000 كم فقط )؟
7- فى النهاية هل اقم بتغيير الزيت كاملا ( لتغيير لونه ) ام اقم باضافة نفس النوع عليه ( لتزويده فقط ) ؟
وشكرا لسعة صدركم وايضا لاهتمامكم.

رد: زيت المحركات المانى الصنع LIQUI MOLY
 

يرجى التأكد من طريقة إستخدام ال Engine Flush
ولا يختلف الزيت المعدنى عن الزيت التخليقى فى معدل التبخر
ويمكنك إضافة نفس النوع على الزيت مع إستخدام إضافة ال Oil Additive وهى عبوة 300 مل تكفى ل7 لتر زيت
وإذا كانت السعه أقل فتستخدم إضافة 50 مل لكل 1 لتر زيت

رد: زيت المحركات المانى الصنع LIQUI MOLY
 

كان لازم ومن الضرورى تغيير فلتر زيت الموتور بعد استخدام engine flush بفلتر جديد قبل استعمال الزيت الجديد !!!!!!

:w6w200504112236376d:w6w2 00504112236376d:w6w200504 112236376d:w6w20050411223 6376d:w6w200504112236376d :12EA7A~153::12EA7A~153:: 12EA7A~153: