|
رد: اى سؤال بخصوص الرخام و الجرانيت انا تحت امركم
شكراً ليك يا استاذ هانى على الموضوع الجميل والنصائح القيمة ديه كلها على مدار السنتين اللى فاتو :018A1D~146: :018A1D~146: :018A1D~146: :018A1D~146: :018A1D~146: |
رد: اى سؤال بخصوص الرخام و الجرانيت انا تحت امركم
تحت امرك استاذ / ابو نورا وفى خدمة كافة الاعضاء
|
رد: اى سؤال بخصوص الرخام و الجرانيت انا تحت امركم
السلام عليكم استاذ هاني
انا من الاسكندرية و حكون شاكرة جدا لو رشحت لي انواع رخام و اماكن بيع الرخام لعمل ارضية استقبال الفكرة في التصميم هي رخام حول الحيز بعرض 80 سم و بمنتصف الحيز باقي الارضية خشب و كمان كنت عايزة اعمل الوزرة رخام (عايزة اعرف بتتحسب ازاي تمنها بالمتر المربع و لا الطولي ) و في فكرة كمان هي تركيب حلوق رخام حول الابواب و الشبابيك بس انا مش عارفة فكرة التركيب ايه و علاقتها مع الحلق الخشب , هل بيتم تركيب حلق خشب و بعدين حلق رخام !!! ارجو الافادة في النقط السابقة و شكرا جدا مقدما |
رد: اى سؤال بخصوص الرخام و الجرانيت انا تحت امركم
وعليكم السلام ورحمة الله
بخصوص نوع الرخام المناسب انصح حضرتك بلون بيج علشان يمشى مع الباركية او الخشب ويفتح الرسبشن اما الانواع ممكن تكون رخام كاليميرا ( بيج تركى ) او كريما مارفل . اما لو حضرتك حابة يكون لون الرخام بنى ممكن يكون امبرادور دارك ( بنى اسبانى ) او فانتازيا براون بس حاسس الرسبشن هيكون غامق وهيحتاج اضائة كبيرة . نيجى لأهم حاجة تركيب الرخام الافضل تركيب الرخام لامع ومجلى علشان لو اتجلى واتلمع بعد تركيب الخشب المياة المستخدمة فى الجلاء هتبوظ الخشب . وبعد تركيب الرخام يغضى بورق جرايد مبلول ثم يرش بالجبس لتكوين طبقة حماية للرخام . طريقة حساب الوزر بتكون بالمتر الطولى منسب لسعر المتر المربع مضروب فى ارتفاع الوزرة :crazyW14: بمعنى لو متر الارضية ب 1000 يبقى متر الوزر حسابة 1000 * ارتفاع الوزرة * 1.1 لو الوزرة ارتفاع 12 سم سعرها 1000 * 0.12 * 1.1 = 132 جنية للمتر الطولى تحت امر حضرتك لو الوزرة ارتفاع 12 سم س |
رد: اى سؤال بخصوص الرخام و الجرانيت انا تحت امركم
بخصوص البرور الرخام بيتم تركيب الحلوق رخام وخصوصا حلوق الشبابيك وهى افضل فحالة ما اذا كان قطاع الشباك اصغر من الحلق وبيتم التركيب على المحارة مباشرة بمادة لصق الرخام افضل من الاسمنت العادى
|
رد: اى سؤال بخصوص الرخام و الجرانيت انا تحت امركم
بعد اذن حضرتك لو تشرح ازاى يتم تقوية الرخامة فى الجملة دى لانى مش متخيلها
( تركيب رخام دابل بلاك لزوم الحوض و يتم تقويته برخام جلالة ( فرشة ) ) و شكرا |
رد: اى سؤال بخصوص الرخام و الجرانيت انا تحت امركم
كلمة فرشة . معناها استخدام خامة رخيصة الثمن مثل الجلالة لتقوية خامة ثانية اغلى فى الثمن و بتم عن طريق لصق الخامة الرخيصة ( الجلالة ) اسفل الخامة الغالية عن طريق الكلة
ولكن فى حالة الدبل بلاك مش محتاجين فرش اسفلة لانة جرانيت صلب جدا و الرخام الجلالة اضعف منة بكتير . فكيف اقوى الخامة الاقوى بأخرى اضعف ؟ |
| الساعة الآن 03:15 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017