|
رد: حكايتى مع السيارات-حكايه 10 سنوات
حلو يعنى بسبب وير سلك تستغنى عن عزيزه يادكتور ينفع كده
|
رد: حكايتى مع السيارات-حكايه 10 سنوات
-23-
ذهبت لزيارة صديقى وكانت غائب عنه لفترة وبعد السلام عرفنى على شخص كان معه00 وبالكلام عن السيارات وهو اهتمامه وعشقه00قال صديقه وكما عرفت انه تاجر: -العربيات الالمانى مفيش أحلى منها قلت مؤكداك -أكيد00والله انا نفسى فى حاجه ألمانى بس ابيع عربيتى قال: -السويفت اللى معاك دى موديل كام -95 -انا اشتريها منك -صحيح! وقال سعر يزيد بخمسة آلاف جنيه عما اشتريت به وفرحت جدا00فقلت: -انا موافق -نخلص دلوقتى وفلوسك جاهزة لم أصدق ان الموضوع ممكن ينتهى بهذه السرعه فقلت: -لكن انا مستغناش عن العربية يوم00اشوف واحدة الاول ادينى يومين -طلبك موجود -معاك حاجة؟ -استرا 2000 موديل السنه اللى فاتت -ياه بس دى تبقى غاليه عليا -ياراجل انت ح تعلى وتتنقل نقلة تانيه خالص وحدد فرقا وبعد ماركبت الاوبل كان من المستحيل ان ارجع لسيارتى مرة ثانية فقمت بكتابه العقد وبعت له سيارتى واشتريت سيارته واتفقنا على دفع الفرق بالغد وأخذت السيارة الجديدة وانا فى قمة السعادة وقعدت على الحديدة لا أمتلك مليم واحد ولا حتى لتر بنزين وتبقى مبلغ سيدفع فى اول الشهر القادم والذى يليه ولست اعلم من اين سأقوم بسداده!؟! ولكن الله لم يخذلنى وجمعت المبلغ وسددته قبل ان اكتشف اننى خدعت! لقد اشتريت السيارة بما يزيد عن ثمنها بثمانية آلاف جنيه! خمسه كسبتهم فى القديمة ضاعوا وثلاثه زيادة فى الجديده! ولم ينته الشهر قبل ان تضرب فردة كاوتش امامى وانا على الطريق لكن الله ستر لثبات السيارة وبعدها ألفين جنيه كاوتش جديد وتوالت المفاجآت |
رد: حكايتى مع السيارات-حكايه 10 سنوات
السلام عليكم
من الواضح إن خبرتك بالعربيات مجتش بالساهل يا دكتور |
رد: حكايتى مع السيارات-حكايه 10 سنوات
انت هاتقولى على الاعيب التجار هو فعلا الالمانى متاز لكن لو وقع تحت ايد تاجر يبقى الفيات احسن منه
|
رد: حكايتى مع السيارات-حكايه 10 سنوات
-24-
كانت السيارة الاسترا متميزة جدا على الطريق وكانت نقلة كبيرة لكن ما كان ينغص علىّ حقا هو السعر الذى اشتريتها به والمبلغ المتبقى! وبعد تغيير الاطارات والتى كانت خبطة موجعة بالنسبة لى وانا فى هذه الضائقة المالية كان موضوع ضعف الفرامل وكان لابد من الكشف عليها ولاننى لست من هواة التوكيلات فقد توجهت لاحدهم وهو متخصص فى الفرامل وبعد ان رفع السيارة قال ان التيل الخلفى جيد ويحتمل عام آخر ولكن التيل الامامى فى خبر كان ولابد من تغييره المهم ذهبت الى محل قطع غيار أوحد يبيع قطع غيارها وبالطلب وكانت هذه مشكلة أخرى ! فالسويفت كانت قطع غيارها رخيصة ومتوفرة جدا وفى أكثر من مكان 00وعندما سألت البائع عن ثمن التيل دارت رأسى مع اجابته00فقد كان السعر فوق ما أتصور اينعم اعرف ان قطع غيارها غاليه لكن ليس الى هذا الحد الفاحش واشتريت التيل فى أسى ! ذهبت لاخينا وانا أغلى00قام بفك التيل ومجموعة من القطع وضعها الواحد تلو الاخر فى طبق حتى امتلأ! أول مرة أرى فرامل بهذا التعقيد وكمية القطع! قال الرجل: -كل دى فرامل الصراحة قلقت من الكلمة وانا اشعر بان الرجل تائة ولا يعرف ماذا يفعل؟ يبدو انه يستكشف00 المهم قام بتركيب التيل ومعه القطع يركب جزء ويفكه وهو تائه ونظرات حائرة بلهاء ولحظات من التخبيط! وبعد ان انتهى وجدت قطعة زائدة ألقى بها على الارض ببساطة قلت متعجبا: -فيه قطعة مركبتش! -لا00دى ملهاش لازمة 00زيادة -ازاى الكلام ده -ملهاش مكان ولم أقتنع واصررت على تركيبها فقام بتركيبها حشرا وهو غير مقتنع وبمنتهى الامتعاض00 أخذت السيارةوسرت بها فلم ارتح للفرامل وكان بعدها بعدة أيام وانا عائد فى المساء فوجئت بمطب ضخم وكان لابد من تفاديه وقمت بالضغط الفرامل بقوة متوسطه فاذ بالسيارة تنحرف وتقوم بالدوران حول نفسها فى مشهد سينيمائى ومع تكرار الفرامل بعد ذلك فوجئت بان السيارة تنحرف عن مسارها وعرفت وتأكدت ان هناك خلل ما واضح بالفرامل التى جعلت الاطارات ملتهبة جدا ولم تتنه قصة الاسترا تتبع |
رد: حكايتى مع السيارات-حكايه 10 سنوات
أعتقد أن (No Pain No Gain) دى معناها إن مافيش مكسب من غير بذل مجهود يابو حميد مش زى مانت فهمت
|
رد: حكايتى مع السيارات-حكايه 10 سنوات
السلام عليكم ورحمة الله وبركاته
دكتورنا قصدى اديبنا الكبير لما بتيجى تضرب فرامل العربية ( بتعوم ) كان ابن خالتى معاة رتمو بتعمل نفس الحركة وبعها لسبب دة. اكمل بسرعة ..... مستنين نعرف عملت ايه |
| الساعة الآن 03:00 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017