مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- 124 و 125 و 131 و 132 (https://www.masrmotors.com/vb/forumdisplay.php?f=218)

- - FIAT 132 2000 (https://www.masrmotors.com/vb/showthread.php?t=3168)

رد: FIAT 132 2000

حازم خضر باشا

بعد التحيه

تم الانتهاء التام من تجديد عربيتي
وانا وعتدتك انته والاعضاء اني بعد ما اخلص تجديد هرفع ليكم الصور

هيا غلبتني في التجديد وصرفت كتير جدا واخدت اكتر من شهرين

لكن الحمد لله خلصت

انتظروا التفصيلات والصور قريباً
========================= ====

رد: FIAT 132 2000

موضوع رائع فعلا أنا لسة بايعها من 6 شهور والله ثابتة جدا و مريحة جدا لكن مشكلتها البنزين و موش كفاية انها قديمة لكنهم رفعوا ضريبتها كمان لمصلحة مين؟ الله أعلم.
الغريبة انى شفت أغرب عربية فيات 132 فى حياتى فى بورسعيد عربية بأربع كاربراتير مصفحة. وكنت بشترى ابوابها بس لقيتا ب 4500 جنية.

رد: FIAT 132 2000

اقتباس:

المشاركة الأصلية كتبت بواسطة severeman (المشاركة 181391)

احمد باشا واحشني جدا و كنت ناوي اتصل بيك بس رقمك ضاع مني للاسف
المهم طمني عملت ايه و عاوزين موضوع جديد و فيه صور العربيه و الخطوات كلها

اقتباس:

المشاركة الأصلية كتبت بواسطة yaser4050 (المشاركة 181415)

اهلا بيك يا ياسر باشا
الموتور اللي شفته ممكن يكون اتنين كاربيراتير مافيش اربعه و الموتور دا كان نازل في ال 124 السبور
بس يا ريت تحكي اكتر عن المواصفات اللي شفتها و ليه الابواب كانت غاليه يا تري كان فيها حاجه زياده؟؟

رد: FIAT 132 2000

على فكرة أنا اشتركت في المنتدى هنا بعد ما قريت الموضوع دا ..

بغض النظر ان العربية عجباني جداً وانا بفكر اشتريها بس قلقان لعدة أسباب

أولها كلام حضرتك إن العربية مفيش منها حالات كويسة دلوقتي والموجود منها مكسر

وثانياً سمعت كلام ان العربية بتسخن ومالهاش قطع غيار وحاجاتها غالية جداً

انا مركبتش عربية ملكي قبل كدا خالص ودي أول عربية ناوي اشتريها ان شاء الله

هي كشكل عجباني وانا ناوي لو جبت واحدة نضيفة اصرف عليها يعني واخلي شكلها شيك

بس انا عايز أعرف بعد إذنك هي رينج العربية دي تعمل كام .؟ يعني انا شفت مثلا اسعار مالهاش علاقة ببعض في عربية ب13 ألف موديل 73 وشكلها من بره انا شفته مفيهاش أي حاجة بالعكس شكلها ممتاز جدا ومفيهاش شغل دوكو ولا سمكرة عايز يتعمل .. وفي عربيات شفتها بتوصل لـ 19 ألف ونفس الموديل او اكتر بسنتين تلاته

المهم دلوقتي انا عايز اجيب 132 1600 سي سي عشان استهلاك البنزين لأني عامل رينج 150 جنيه في الشهر للبنزين وانا مش هعمل بيها غير مشوار كل يوم للشغل يعني مش بياخد 15 او 20 دقيقة لما بروح بعربية البيت ..

فهل الـ1600 سي سي هتصرف اكتر من كدا للبنزين ؟؟ وعايز أعرف سعرها هيكون كام لو نضيفة ولو نضيفة جدا ومفيهاش حاجة خالص .. ولو عربية انا اللي هغيرلها عفشة لسه واوضبها شوية

لأن في عربية معروضة عليا موديل 77 بـ10 ألاف جنيه بس مسألتش كام سي سي أو اي حاجه عنها بس هي بتاعت صاحبي وركبتها معاه كذا مرة مسمعتلهاش صوت وناعمة جداً على الطريق بس هو قاللي لو هتاخدها هتحتاج تغيرلها عفشة بس ولو عايز تروش بقى براحتك وجنوط وتغير فرش والكلام دا دي حاجه بتاعتك بقى

بس الغريب ان 10 الاف انا شايف انها قليل على العربية .. بس انت ايه راي حضرتك في موضوع سعر العربية عموما مش العربية بتاعت صاحبي دي .. يعني اعمل حسابي في كام ..

ورأيك اجيب ال132 زي ما انا ناوي ولا اللادا 2015 تمانينات أحسن بما إن سعرهم متقارب شوية

رد: FIAT 132 2000

بمناسبة الموضوع الجميل دا
ادخلو شوفو أول إعلان على التلفزيون الأوروبي سنة 1971 عن العربية

http://www.youtube.com/watch?v=PiBgzLfTDRA

رد: FIAT 132 2000

اقتباس:

المشاركة الأصلية كتبت بواسطة adriano_lala (المشاركة 194661)

على فكرة أنا اشتركت في المنتدى هنا بعد ما قريت الموضوع دا ..
اهلا و سهلا بيك استاذ ادريانو
بغض النظر ان العربية عجباني جداً وانا بفكر اشتريها بس قلقان لعدة أسباب

أولها كلام حضرتك إن العربية مفيش منها حالات كويسة دلوقتي والموجود منها مكسر
هو اكيد الحالات الكويسه اقل حاليا بس مافيش مانع انه لسه فيه كويس منها

وثانياً سمعت كلام ان العربية بتسخن ومالهاش قطع غيار وحاجاتها غالية جداً
موضوع بتسخن دا غلط و بالنسبه لقطع الغيار موجوده لكن فعلا غاليه شويه
انا مركبتش عربية ملكي قبل كدا خالص ودي أول عربية ناوي اشتريها ان شاء الله

هي كشكل عجباني وانا ناوي لو جبت واحدة نضيفة اصرف عليها يعني واخلي شكلها شيك

بس انا عايز أعرف بعد إذنك هي رينج العربية دي تعمل كام .؟ يعني انا شفت مثلا اسعار مالهاش علاقة ببعض في عربية ب13 ألف موديل 73 وشكلها من بره انا شفته مفيهاش أي حاجة بالعكس شكلها ممتاز جدا ومفيهاش شغل دوكو ولا سمكرة عايز يتعمل .. وفي عربيات شفتها بتوصل لـ 19 ألف ونفس الموديل او اكتر بسنتين تلاته
هو مش بالشكل الخارجي هو تمن العربيه بيتحدد بحالتها العامه و لازم تخلي حد يبص عليها ما ينفعش تشتري العربيه كده و انا كاتب مداخله من خلالها تقدر تحدد العربيه النضيفه من التعبانه
المهم دلوقتي انا عايز اجيب 132 1600 سي سي عشان استهلاك البنزين لأني عامل رينج 150 جنيه في الشهر للبنزين وانا مش هعمل بيها غير مشوار كل يوم للشغل يعني مش بياخد 15 او 20 دقيقة لما بروح بعربية البيت ..
عمري ما اعرف احسب البنزين من خلال الوقت و بعدين مافيش عربيه بيتحسب لها بنزين ولو العربيه تحت رجلك حتلاقي بيطلع ليك مشاوير من تحت الارض
فهل الـ1600 سي سي هتصرف اكتر من كدا للبنزين ؟؟ وعايز أعرف سعرها هيكون كام لو نضيفة ولو نضيفة جدا ومفيهاش حاجة خالص .. ولو عربية انا اللي هغيرلها عفشة لسه واوضبها شوية
بالنسبه للسعر مش حعرف احدد لكن النضيف منها مش اقل من 14 و انت طالع

لأن في عربية معروضة عليا موديل 77 بـ10 ألاف جنيه بس مسألتش كام سي سي أو اي حاجه عنها بس هي بتاعت صاحبي وركبتها معاه كذا مرة مسمعتلهاش صوت وناعمة جداً على الطريق بس هو قاللي لو هتاخدها هتحتاج تغيرلها عفشة بس ولو عايز تروش بقى براحتك وجنوط وتغير فرش والكلام دا دي حاجه بتاعتك بقى
ال 77 حتبقي 2000 او ممكن احتمال ضعيف تبقي 1600 لكن 10 الاف دا قليل عليها اوي
خلي حد يبص عليها مش حعرف اقيم عربيه بالسمع
بس الغريب ان 10 الاف انا شايف انها قليل على العربية .. بس انت ايه راي حضرتك في موضوع سعر العربية عموما مش العربية بتاعت صاحبي دي .. يعني اعمل حسابي في كام ..

ورأيك اجيب ال132 زي ما انا ناوي ولا اللادا 2015 تمانينات أحسن بما إن سعرهم متقارب شوية
انت وراحتك و الموديل اللي ترتاح فيه
ال 132 انعم و اقوي و اوسع من اللادا بمراحل بشرط الحاله الجيده في ايا منهم

اهلا و سهلا بيك يا استاذ ليناردو في منتدي مصر موتورز
و الرد في الاقتباس باللون الغامق

رد: FIAT 132 2000

أهلا بيك يا أستاذ حازم وشكراً جداً على مداخلتك المثمرة

أنا فعلا انهرده روحت مع عمي لمعرض عربيات في شبرا بتاع واحد صاحبه ولقينا عنده 4 عربيات 132 كلهم 1600CC

واسعارهم واحدة 13 وواحدة 14 وواحدة 15 وواحدة 18

بس فعلا زي ما انت قولت اكتر واحدة شدتني ليها اللي ب18 دي شكلها ناعم جدا ومفيهاش أي تعريج والببان سليمة ومركبة جنوط وشكلها ماشاء الله .. المهم الراجل قاللي ممكن اخلصهالك على 17 او 16 ونص ..

بس عمي قاللي لأ كتير وقلبنا في اللي ب13 و 14 و 15 فهو قاللي ان اللي ب14 حلوة جدا هي موديل 75 وقالي لو صرفت عليها الفين توضيب للشكل الخارجي هتبقى زي الفل ..

بس احنا مشينا وقولناله هنجيلك تاني وانا لسه بفكر بقى .. بس فعلا انا لما شفت ال132 وسوقتها انهرده كرهت اللادا دي أنا مكنتش بسوق غير اللادا أصلا فلما ركبت ال132 حسيت إني كنت بسوق قطر قبل كدا .. :)

على العموم إن شاء الله لو خلصت في حاجة من الاربع عربيات دي أو شفت غيرهم هبقى أجيبلك صورها إن شاء الله وتقولي رأيك وأي تعديلات تشوفها مناسبة هعملها فوراً ..

وشاكر ليك مرة تانية يا فندم