|
رد: تكييف سوزوكي ماروتي 800 cc
الماروتي والتكييف
الف مبروك على التكييف |
رد: تكييف سوزوكي ماروتي 800 cc
الله يبارك فيك يا اخ mashour242<SCRIPT type=text/javascript> vbmenu_register("postmenu _293245", true); </SCRIPT> وشكراً علي مرورك وتعليققك العطر
|
رد: تكييف سوزوكي ماروتي 800 cc
السلام عليكم و رحمة اللهجزاك الله خيرا اخي ايمن على الرد المفيد و جزاك الله خيرا اخي الحبيب حبيب الناس علي هذه المعلومات القيمة :الحقيقة موضوع الدخان الابيض من الشكمان انا لم الاحظه و من يوم 14 / 11/2010 تاريخ التغيير الاخير للزيت لاحظت ان منسوب الزيت قل بس انا باتابع لغاية ما يصبح المنسوب علي الحد الادني . الشئ الغريب علي مرتين الحق الزيت و هو عند طرف السيخ اللي هو باطلعه اشوف عليه الزيت و اللمبة الخاصة بالزيت المفروض انها تنور علامة ان الزيت اصبح قليل جدا لكن دا مابيحصلش مع العلم ان اللمبة شغالة مش عطلانه فهل دا ليه تفسير ؟على فكرة انا فرحانة علشان انا صلحت مساحات العربية الاماميتين كانت واحدة شغالة و واحدة لأ , و الشكمان كان مكسور ولما رحنا نلحمة لقينا الماسورة بتاعته فيها بارومة فغيرناها و الدبرياج المبارح 26/11/2010 فصل مني و انا علي الطريق و الحمد لله اتصلح النهارده. يعني.. الحمد لله ربنا بيسترها معايه. انا منتظره ردك اخي حبيب الناس على باقي الاستفسارات و اعذرني انا مثل اللي بيغرق و لقى يد قوية تشده ربنا يجعلك عون لكل من لجأ إليك في سؤال. ملحوظة اخي ايمن بالنسبة لموضوع الميكانيكي فبالفعل زميل ليه عرفني علي ميكانيكي امين و دماغه كويسة زي ما بيقولوا يعني نبيه و كمان ابن اختي معايه و هو عنده عربية شاهين و احيانا بيلحقني لكن هو مش فاضي دايماو انا احب اتعرف علي عربيتي و احب افهم على قد ما اقدربوركتم و بوركت جهودكم و السلام عليكم و رحمة الله<?xml:namespace prefix = o ns = "urn:schemas-microsoft-com:office:office" /><o:p></o:p> <o:p></o:p> <o:p> </o:p> |
رد: تكييف سوزوكي ماروتي 800 cc
اقتباس:
الى ما يرد اخونا حبيبنا كلنا حبيب الناس اللي اعرفه ان لمبة الزيت مبتنورش لما يقل مستوى الزيت انما بتنور لما يقل ضغط الزيت او لما طرمبة الزيت تتعطل بس الاكيد حضرتك ان الزيت عندك لما بينقص للدرجة دي يبقى في حاجه مؤكده بتسرب الزيت مش مجرد نسبة بخر لو فعلا الشكمان بيطلع دخان ابيض يبقى حتما ولا بد الزيت ده بيتحرق مع البنزين... ممكن حضرتك تفكي البوجيهات وتشوفيها معرقة زيت مثلا؟؟ والاحتمال التاني ان حضرتك عندك تسريب زيت وده اعتقد اني اي حد فاهم ممكن يتعرف عليه كان فيه عند قريبي ماروتي 99 برضو وكان التسريب بسبب ان فلتر الزيت اللي في السوق مبيركبش حلو فمكانه وبالتالي بينقط من عنده فممكن حد يبص حوالين الفلتر وتتأكدي ان مفيش تسريب وممكن تتأكدي بأنك تركني في مكان نضيف بالليل ولما تصحي وتبعدي العربية شوفي هل فيه تحتها آثار زيت ولا لأ.... ان شاء الله تتحل كل مشاكل العربية ومعلش هيا محتاجة شوية صبر تحياتي |
رد: تكييف سوزوكي ماروتي 800 cc
مشكور اخ HM414 علي مرورك العطر وربنا يبارك فيك عل ردك الطيب
بجد انا نفسي كل زور المنتدي يكونو زي حضرتك محدش يبخل علي اخواته في الردود المفديه علي تسائلتهم ويعملولنا مشاركات حلوه بتجاربهم علشان نستفاد منها ROSE4U |
رد: تكييف سوزوكي ماروتي 800 cc
الاخت فاتن ربنا يبارك فيكي وربنا يكرمك وعربيتك تتصلح وتبقي في احسن حال ومتبيعهاش وتكون معاكي علي طول لان بجد العربيه الماروتي ممتازه جدا وخاصة ان اللي بيستخدمها مش من هواة السباقات في الطريق لانها عربيه جميله واقتصاديه جدا في كل حاجه
بالنسبه لباق تسائلاتك الاخ hm414 اجاب علي جزئيه هامه منها وهيا الكشف عن تسريب الزيت من الماتور او فلتر الزيت وده بيتم انك بتروحي بنزينه كويسه وتغسلي الماتور فيها قوليلهم عاوزه اغسل الماتور كيماوي فيه بنزينه في اول شارع مصدق بالدقي تحت الكوبري بتغسل الماتور بالكيماوي تقربا 20 جنيه والعربيه تقريبا ب10 جنيه ولو غسلتيه عادي كان تقريبا ب 10 جنيه انا بروح اغسلها من بره وبتترفع وتتغسل العفشه وبغسل الماتور وبيكنسوها من الداخل بمكنسه وبيمسحوها من جوه كل ده مبيكملش 50 جنيه بالاكراميه يعني اللي هيغسل الماتور والعفشه واحد او العربيه من بره والماتور واحد بديه 5 جنيه والتاني 5 جنيه بصراحه العربيه بتطلع عروسه المهم بعد اسبوع من الغسيل تروحي للمكانيكي يبسلك يشوف العربه بتسرب زيت ولا لأ وفيه بنزينه في شارع امتداد رمسيس في مدينه نصر بعد نقابة المحاسبين وقبل اللفه بتاعة ارض المعارض بتغسل العربيه كلها بره وجوه ماتور ب 27 جنيه بس ملاحظه لو الماتور هيتغسل بميه وجاز فقط يعني مش بي الكيماوي خلي الراجل يلف كيس نيلون علي الاسبراتير ومكان البوجيهات كويس علشان ميدخلش لهم ميه ويبوظو كمان فيه حاجه مهم وهيا كيفيه قياس الزيت : علشان نقيس الزيت بطرقه عمله صحيحه لازم العربيه تكون واقفه علي ارض مستويه ارض عدله مش مطلع ولا منزل وكمان لازم العربيه متكنش دارت في خلال اربع ساعت علي الاقل يعني افضل وقت قبل ما تدوري العربيه الصبح لازم قبل التدوير علشان يكون كل الزيت متجمع في كارتيره الزيت علشان المقاس يكون مظبوط اولا نخرج مقاس الزيت نكون محضرين منديل ونمسح بيه المقاس كويس ونرجع نرجع المقاس مكانه وندخله كويس حتي اخره مكانه ونثبته جيدا وبعد كده نخرج المقاس ونشوف نسبه فقد الزيت ده اسلم طريقه لقاس الزيت ولازم تكون العربه متبطله بقالها حوالي اربع ساعات ممكن نقيس الزيت في اكتر من كان يعني انا بقيسع تحت البيت الصبح وبقيسه قبل ما اروح من الشغل في الجراش علشان تكون قرايه المقاس اكيده بالنسبه للسؤال عن لمبه قياس الزيت اللمبه مبتنورش الا لما الزيت يقل اقل من الحد الادني اللمبه بتنور او عندما مضخة الزيت تتوقف عن العمل او ينسد فلتر الزيت ويقوم بمنع الزيت بلانساب بشكل طبيعي او ان كون الحساس بتاع الفلتر عطلان |
رد: تكييف سوزوكي ماروتي 800 cc
اقتباس:
في حاجه كمان ممكن حضرتك تكوني حطيتي نوع زيت مغشوش وممكن كمان حضرتك تكوني بتحطش زيت وتمشي عليه اكتر من ما هوا مصنوع عشانه وكمان انا مستعد احلف ان حضرتك مش بتتابعي مستوى الزيت اول بأول لانه مستحيل ينزل للمرحله اللي بتقولي عليها دي وانتي منتبهتيش خالص ههههههههههههه بدون زعل انا هنا والله بحاول اساعد.... وانا ارشحلك زيت فيسكو 2000 ده تمنه 72 جنيه وبيتغير كل 5000 كيلو وموجود في كار جاز شارع مصدق وده يناسب عربيتك بحكم انها قديمه وللمعلوميه زيت فيسكو 2000 لو الماتور كويس بيقعد لحد 10000 كيلو لكن انا بقولك غيريه كل 5000 للاحتياط ونصيحه اكشفي على الزيت كل اسبوع مره ده للاحتياط والمتابعه وطمنينا عملتي ايه تحياتي |
| الساعة الآن 02:18 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017