رد: السرعه و التسارع انا وصلت لاختراع مذهل
 

رد: السرعه و التسارع انا وصلت لاختراع مذهل
 

bibo-dew مساء الفل متستعجلش كله بميعاد مكتوب و عنصر المفجائه مطلوب و بيدرس فى الدعايه و الاعلان
اما عن الضرر و الناس اللى بضر بعضها ربنا يكفينا الشر اللهم امين يارب يبعد الضرر عنا جميعا انا و انت و السامعين و القارئين يا رب
انا عايزك متخافش و لا تقلق فى النهايه فى حساب عند ربنا فى الدنيا و الاخره
اما بالنسبه للنور و كمان كل اللى انا عامله حيتصور مش حسيب حاجه غير لما اصورها لان فى النهايه كله فى رصيدى عندكم او مما يزيدنى شعبيه عندكم و متشكر على دعواتكم لى وربنا يديكم جميعا و يفرجها عليكم و تحققوا كل ما تتمانوه و ينور عيشتكم يارب العالمين و يسطرها معاكم و معايا يا رب

الاخ عادل سلامه شكرا على هذه الثقه اللى بتزيدنى فرحا و حمد من الله انا سجلت تليفونك عندى و ان شاء الله اتصل بيك قبل التجارب لترها امام عينيك مباشره

corsair والله كلك زوق بجد و متشكر جدا جدا وربنا يكرمك يارب و يباركلك فى صحتك
بجد تنورنى و تزيدنى شرف وجودك عندى

sabuhashem شكرا ليك بس سر الطبخه عندى زاى اى محل مشهور بتروحله تجيب من عنده اى شىء بيعجبك مثلا لو انت من الاسكندريه محلات الفطير ابو مكسرات مليه الدنيا و كل واحد بيحاول يتفوق على التانى بس بصراحه واحد بس بيعمل الفطير ده فى منتهى الروعه بجد هو طيباس فى كامب شيزار على الترام و لو انت من القاهره فممكن تخطف رجلك الى الجيزه المهندسين ميدان لبنان و انت تعرف طعمه ايه روعه بجد

دكتور بولبولان انت دكتور لذيذ و شخصيه ظريفه حقا و بجد نفسى نتلاقى سوى و يا ريت تشرفنى فى الاسكندريه يا اما لو انا نزلت القاهره اجى لغايه عندك بس تبقى سجل تليفونى عندك و انا فى انتظار تليفونك اما حكايه انه راجل الى او انه ستيج فعلا فريق العمل اللى معى بيبذل مجهود رائع

محمد ابيزا اولا النوبيرا 106 حصان عند 5800 لفه و ليست 109 حصان اولا اللى انا شايفه ان المقايس كلها اختلفت بجد و مقدرش اكتب ارقام او اقول اى كلمه الا فى النهايه التجارب لان كل كلمه حقولها حتحسب عليا الكلمه ليها حساب هو مش اى كلام و خلاص كل اللى طالبه هو الصبر شويه الوقت مش بعيد بعد كده حنكتب كل شىء بالارقام ان شاء الله و غير كده كل المشاهدات و الملاحظات وشكرا لك يا محمد على اهتمامك و متابعه الموضوع

رد: السرعه و التسارع انا وصلت لاختراع مذهل
 

elwaneny شكرا على متابعتك الموضوع بيختلف من عربيه الى اخرى فى حساباته و عمايله لكن فى النهايه بينفع لكل الموديلات طبعا و هى دى الميزا اما انه يتاثر بالسلب ولا لا
فالاجابه لا (الاختراع ملهوش اى اثار جانبيه و مش كل عربيه حتيجى حيصلح العمل بها طبعا كل سياره لها ظروفها
1- لازم يكون الموتور كبسه سليم و تكون العربيه مش بتاكل زيت علاجها طقم شنبر
2- ميكونش فى اى نوع من انواع تسريب الزيت سواء كانت زيت موتور او زيت فتيس حتى و لو بسيط جدا جدا
3- حيتم الكشف على العربيه قبل العمل فيها لتاكد منها و على اساسه يتم الموافقه على العمل فيها او لا
الكشف على العربيه امام صاحبها

رد: السرعه و التسارع انا وصلت لاختراع مذهل
 

كده الطبخه بانت يا معلم ! النتروجين ح يبقى محبوس فى جسم الموتور تحت البساتم يعنى فى جسم الموتور

و مالوش أى دعوه بغرف الاحتراق ! و بم ان النتروجين أخف من الهواء فيمكن طرد الهواء من جسم الموتور

( النصف التحتانى ) و ابداله بالنتروجين اللى ح يكون ضغطه على الكرنك والبساتم أخف من الهواء ! و ممكن

كمان انه بيساعد على كفائة دخول الزيت الى المجارى الدقيقه و سهولة التزييت و التشحيم مما يجعل الآجزاء

الدواره تدور أسرع لقلة الاحتكلك ! آسف يا باشا ! انت اللى كشفت سر الطبخه مش أنا !

علشان تعرف انى مخترع من زماااااااااان !

Dr. Bolbolan :waving:

رد: السرعه و التسارع انا وصلت لاختراع مذهل
 

106 من 109 مش فرق رهيب يا استاذ مدحت و مع ذلك هي 106 حضرتك بتقول ان قدرة العربية بتزيد 3 مرات يعني قدرة المحرك ده هتوصل لما يفوق ال 300 حصان !! و من غير اي تعديل ولا تغيير البساتم العاديه و البيلات الي forged و من غير استبدال اي جزء من اجزاء المحرك باجزاء اخري رياضيه زي الكامات مثلا و من غير تغيير اجزاء العفشه الحساسه زي الكبالن علي سبيل المثال و من غير شدادات للشاسيه و من غير طقم دبرياج رياضي و الفتيس هيفضل سليم و بحالته و مش هيصاب بأي اضرار ولا هيتكسر من قوة الموتور اللي هتزيد عن المعدل الطبيعي 3 مرات !!

انا مفهمش في الفيزيا و فصل عناصر الهوا و فكرتي عنها بسيطه لانها خارج مجال دراستي و شغلي ! لكن افهم ان عشان تعدل و تزود قدرة موتور يا اما تزود في حدود معينه عشان الموتور يستحمل يا اما تغير الموتور بأكبر يا اما تعدل موتورك عشان يستحمل القدرة العالية اللي انت هتوصلها ليه ! و علي سبيل المثال لو ركبت تربو علي موتور vr6 بتاع الجولف 3 و هو 2800 سي سي 12 صباب 175 حصان 235 نيوتن عزم و الكلام اللي انا بقوله ده حصل بالفعل و في مصر مش برا الموتور و هو ستوك بدون اي تعديل في اجزاءه الداخليه لم يتقبل اكتر من 8 psi و عشان اخد منه قدرة اعلي لازم الجأ للبساتم الforged و اكيد حضرتك فاهم مهمتها ! معني كده ان الموتور ليه قدرة معينه لا يمكن يتقبل اعلي منها بدون ما تخليه قادر علي احتمال القدرة العاليه و حضرتك في نفس الوقت بتقول انك زودت القدرة 3 اضعاف بدون استبدال اي جزء من اجزاء العربية ! معلش انا بحاول اقنع نفسي بس تجيلها كده تجيبها كده هي كده ! :)

رد: السرعه و التسارع انا وصلت لاختراع مذهل
 

والله يا دكتور بولبولان انت راجل لذه فعلا انا مش عارف ارد اقولك ايه و خصوصا انت مخترع من زمااااااااااااااااااااااا ااااااااااااااان
زاى ما قولت بس الطبخه لو معرفتش تظبط ملحها حتبوظ منك وممكن تطلع ملحها زياده تخلى النفس تموع و ترجع و بطنك تتقلب كلها و يبقى بوظت الطبخه على حبه ملح
وممكن ملحها يطلع قليل يبقى ملهاش طعم ساعتها تبقى مااااااااااااااسخه و كانك بتاكل عيش حاف رغم انك ممكن تكون طابخ او مجهز استكوزا مع شويه جمبرى و كابوريا و تبقى كلها باظت علشان حبه ملح
مبالك لو شويه بهارات عليها تظبط الاكله شويه فلفل اسود و شطه و لمون وكمون و ياااااااااااااا سلام لو معاهم مايونيز و مستردا و ورشه زعتر على المايونيز و تقطع ليمون اضاليا عليهم
و الف هنا وشفا و مطرح مايسرى يملى

رد: السرعه و التسارع انا وصلت لاختراع مذهل