رد: مغامرات أبو كمال فى الصحارى و الجبال من الكويت لمصر
 

الله ينور يا كيمو
كفيت و وفيت و ان شاء الله الاخت تلاقي الاجابة الشافية في ردك

عايز بس اوضح حاجة صغيرة تدعم كلامك

سبب الزحمة الفظيعة علي الحدود في الاجازة اللي فاتت دي هو ان بعض موظفين المنافذ و الجمارك اللي علي الحدود استغلوا الفرصة و كانوا عاملين اضراب لتحسين اوضاعهم (دماغهم تعبانه) و الكلام ده كان مكتوب في الجرايد لو حبيتو تتاكدواو لتفادي الامر جابوا موظفين من المطار لملئ الفراغ و دول واخدين علي الدلع و مكنوش متعودين علي الزحمة و مكنوش سراع.

رد: مغامرات أبو كمال فى الصحارى و الجبال من الكويت لمصر
 

تسلم يا شريف باشا ربنا يخليك
انا قريت فعلا الكلام ده فى الجرايد و ده كان فى منافذ العبدلى و النويصيب ... ماعرفش انهم عملوا كدة فى السالمى كمان ولاد ال.......... :) يلا بقى ربنا يجازيهم
بس فعلا الناس اللى فى الباصات تعبت قوى تخيل 28 ساعة اجراءات على الحدود و لا فيه مكان مريح ولا خدمات ... طيب الستات و الاطفل يعملوا ايه ؟؟؟؟ و الرجالة كمان ما هم اكيد تعبوا بردو ... هههههههههههههههههه

عموما الأجر على مقدار التعب ان شاء الله و اهم موظفين الحدود ساهموا فى اكتساب المعتمرين لحسنات اكتر بإذن الله :)

رد: مغامرات أبو كمال فى الصحارى و الجبال من الكويت لمصر
 

الله يسلم ايامك دنيا وآخرة

هو بصراحة كان اعد بيقرا معايا ومبسوط اوي من كلامك لأنه حس انك اقنعتني وكنت منشفة دماغي جدا
لأن انا وأطفالي موتنا خالص في العمرة وبعدها حلفت ان السفر بر مش هيتكرر تاني ابدا

بس بعد ما قريت كلامك بصراحة اقنعتني، وبردو لما اجرب الموضوع عملي اكيد هتفرق وساعتها هقدر اقرر الموضوع هيتكرر تاني ولا لأ

بصراحة انا كان نفسي هو يسافر بر لوحده وييجي بالعربية وانا واطفالي ننزل مصر طيران عالجاهزptmnlo123per122

واتحججت بأن العيال هيبهدلوه والمصاريف هتبأة هي هي لأن اطفالي صغيرين وعليهم نص تذكرة

بس هجرب وخلاص، وربنا يستر

شكرا مرة تانية وانا هسأله لو عنده اي استفسار بخصوص اجراءات السفر هخليه يكتب لحضرتك مباشرة

رد: مغامرات أبو كمال فى الصحارى و الجبال من الكويت لمصر
 

ربنا يكرمك يا رب و يبارك فيكى :)

يا رب بعد ما تجربوا الموضوع ماتدعيش عليا بس :)

عموما انا مش هضحك عليكى و اقولك ان الموضوع سهل او زى الطيران مريح ساعتين و خلاص

الفكرة كلها انه تجربة جديدة و فعلا شيقة والله بس هى طبعا متعبة بس مش زى السفر بتاع العمرة خالص يعنى ....
بس انتو لو اخدتوها على انها رحلة و اماكن جديدة هتشوفوها و هتعدوا عليها ان شاء الله هتبقى ممتعة جدا
اكتر حاجة متعبة هى زى ما قلت لحضرتك العقبة و نويبع و ده علشان عذاب الانتظار و الاجراءات

عموما انا معايا رقم تليفون امين شرطة فى نويبع ممكن يخلصلكوا كل حاجة و انتوا مرتاحين و ياخد اكراميته لو حضرتك تحبى ..
و كمان ممكن حجز العبارة من الكويت و فى ميناء العقبة بس يتم ختم التربتك و تأكيد حجز العبارة.. بتوفروا اجراء الحجز و تغيير العملات و كدة يعنى ...

و لعلمك زوج حضرتك هيتعب اكتر بكتير ... على الاقل علشان مجهود و تركيز السواقة و طبعا علشان هو القائد و المسئول:HAPPY_~211:
و ان شاء الله تقضوا رحلة كويسة ,, و طبعا تحت امر حضرتك فى اى استفسارات

رد: مغامرات أبو كمال فى الصحارى و الجبال من الكويت لمصر
 

خلاص انا هخليه بردو يقرا رسالتك دي بخصوص امين الشرطة واجراءات الحجز ومتشكرة لحضرتك جدا

وبالنسبة للسواقة مش مشكلة انا بعرف اسوق.. ممكن اسوق انا جوة المدن او في الأماكن الأقل خطورة وهو اخليه يسوق في الأماكن الوعرة

الحقيقة اكتر طريق خفت منه في الطريق واحنا رايحين العمرة كان حفر الباطن وعرعر.. وكنا بالليل
ومفيش انوار في الطريق مش عرفة ازاي، وطريق واحد بس رايح جي، وكمان جبال كنت بتخيل لو الباص اتقلب لاقدر الله احنا هنروح فين، كنت اعدة مرعوبة في الباص والكل نايم من الضلمة وانا عمالة ادعي ان ربنا يسلم.. ربنا يستر..

رد: مغامرات أبو كمال فى الصحارى و الجبال من الكويت لمصر
 

الرد فى الاقتباس

رد: مغامرات أبو كمال فى الصحارى و الجبال من الكويت لمصر