مصر موتورز مجتمع السيارات - تجربتى مع تعديل نظام الإشعال ..... حكايتى مع الموبينة

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

رد: تجربتى مع تعديل نظام الإشعال ..... حكايتى مع الموبينة

عاوز احط كتاوت على السلك اللى طالع من الكنتاك للموبينا . والكتاوت نفسها هى اللى تغذى الموبينا بالكهربا وتحافظ على 12v اللى بتحتاجها الموبينا . لان لما المروحة بتشتغل بتشفط الكهربا وبحس ان الموبينا بيوصلها 10v بالكتير ( الكلام اللى عاوز اعملة ده صح ولا غلط )
ملحوظة..... الموتور 1100cc والبطارية 70 امبير وكمان لحظت حاجة امبارح ان المروحة والكلاكس شغالين على كتاوت واحدة

رد: تجربتى مع تعديل نظام الإشعال ..... حكايتى مع الموبينة

اقتباس:

المروحة والكلاكس شغالين على كتاوت واحدة

لاااااااااااااا يمكن.......... كتاوت الكلاكس ليه نظام وكتاوت المروحة حاجة تانية خالص (الكهربائى اللى بيعرف يميز بين الإتنين )
اما بالنسبة لكتاوت للموبينة عادى هتجيب كتاوت صغير 10 امبير او أقل وتركبه عليها بس ممكن احتمال انها تسخن
ومفيش مانع اننا نجرب نقيس الكهربا اللى داخلة ع الموبينا عشان نتأكد من حوار ال 10 فولت ده
وكتاوت منفصل للمروحة علشان متحملش ع الضفيرة
كتاوت المروحة فيه كتاوت كبير عريض كدا تركى او يوغوسلافى وده أحسن حاجة
اعزل الاسلاك كويس _ نقاط التوصيل لازم تكون محكمة

رد: تجربتى مع تعديل نظام الإشعال ..... حكايتى مع الموبينة

الف شكر يا هشام باشا على سرعة الرد
انا هشترى كتاوت للمروحة وهفصلها عن الكلاكس واجرب الاول ولو لقدر الله مفيش تحسن هركب كتاوت للموبينا .
بس اية النظرية انى اركب للموبينا كتاوت امبير واطى

رد: تجربتى مع تعديل نظام الإشعال ..... حكايتى مع الموبينة

اقتباس:

المشاركة الأصلية كتبت بواسطة احمد كاسبرسكى (المشاركة 970614)

الف شكر يا هشام باشا على سرعة الرد
انا هشترى كتاوت للمروحة وهفصلها عن الكلاكس أكيد هى مفصولة عن الكلاكس ده نظام وده نظام تانى خااااااالص واجرب الاول ولو لقدر الله مفيش تحسن هركب كتاوت للموبينا .
بس اية النظرية انى اركب للموبينا كتاوت امبير واطى

الملف الإبتدائى ف الموبينا بيكون ضعيف وممكن الموبينة تسخن لما يكون الأمبير عالى

رد: تجربتى مع تعديل نظام الإشعال ..... حكايتى مع الموبينة

هشام باشا اليك آخر التطورات .....
اتصلت على الكهربائى الجهبز اللى بصلح عنده وقلتلو على الكتاوت اللى ماسكة الكلاكس والمروحة قالى عادى خالص مفيهاش حاجة ومتشغلش بالك وسيب العربية على وضعها :121155~191: .
المهم قولت فى لهو بالى اشوف الكتاوت دى رايحة فين وجايه منين هو انا صغير ( اخوك بكالريوس تجارة سابقا وفنى صيانة محمول خبرة 8 سنوات )
المفاجئة اللى لقتها ان مفيش كتاوت للمروحة والكتاوت اللى موجودة ماسكة الكلاكس والمارش وبعد تتبع المروحة ملقتش الا سلكين طالعين منها . سلك اسود رايح على الارضى وسلك اخضر على ترموستات الحرارة ومن ترموستات الحرارة سلك طالع على الضفيرة ومشوفتش اى كتاوت فى المشوار ده
بيتهألى كدة الرؤيا وضحت وان مطلوب منى انى اركب كتاوت للمروحة ولا حضرتك تنصحنى بحاجة تانية

رد: تجربتى مع تعديل نظام الإشعال ..... حكايتى مع الموبينة

وشكرا جدا جدا جدا لسعة صدرك ومسعدتك

رد: تجربتى مع تعديل نظام الإشعال ..... حكايتى مع الموبينة

اقتباس:

المشاركة الأصلية كتبت بواسطة احمد كاسبرسكى (المشاركة 970673)

كويس كدا عرفت السبب فى تقصير العربية
اعمل بقى الكتاوت وبلاش فتى الصنايعية